TAKSU LAK 21:4 - ASII LAKDAP Bible (BSI)

⁴ Abi maiqse ka laopha tsii nai shiikong tsii raq phaqtlo, kriika ngarai.

Hawa Naga Bible 2001

⁴ Layx bac miqsaz htenc kuex tsuingshiq tuluimc thuinz nuiyc ngamc ngax thuinz muex tvremc lawc rvhumc yaq, kvruex kuex mvrax rvtueq.

TAKSU LAK 21:4 Referencias Cruzadas

YOBA 18:5

Ajiqwe wanii tu ka mitiimat baiq dongdii; kra wanii tu ka thongshi nyaiki nong mak she.

YOBA 18:6

Apaiq tombutiip mong wa lemtem ka ranyaq tangtang miishe mijaki.

Tvtsvmc 10:4

Abiwe riika Tatiwe ka shümü mak; ashkong tsi ma atsan na Shiikeawe ngori shea nguta tiimatlo.

Tvtsvmc 101:5

Ngi raq juwa maiqshaphaqti jurwa maiq ma abi bomtlaqti ka ajo mirbaiqha; Ngi raq juwa ra na akhü tiinga raü angiim boqshat kriiti ka akhiismin nin mang mirha.

Tvtsvmc 131:1

Tatiwe lei, ngi ishiikong ka tiijobaiq kangshe lata khünga maklii lam phan wa jangwan kangshe. Ngi ka ajong ala jaqsham kriika broriiki mangshe; riimakla ngi raq lotmang chang jaqsham ka shanshiiqki mangshe.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

TAKSU LAK 21:27

Ashutwe raq akuq honglu ka, Tatiwe raq tao mak. Akhek ka tsan na ajiq tiima raüta, honglu akuq kra saisitlo.

TAKSU LAK 24:20

Abi klotiwe rilung ka alam kamchang ahü, arilung ka athum mirki.

TAKSU LAK 30:13

Maiq wiijamti raq, tsangshiq ka tarü thaq na, maiqshaq pinthum nguta riiweatlo! “Naishiq ka maiqshaq pinthum,” nguta tiimatlo!

TAKSU LAK 6:16

Ngarai phantrok ka Tatiwe raq saisitlo, Ngarai phan miishi ngojati ka apaiq raq aphai riitlo.

TAKSU LAK 6:17

Shiikong maklii, arot tili, kiimaq maiqsang tiitsea baiqti matwe,

TAKSU LAK 8:13

Tatiwe shreng ngutiikai ka, abi kiimung thun ka saisi raa. Ngi raq shiikong tsii nai khünga tsii ka saisi tiikang. Abi lamphan nai arot bomtsi kra saisi tiikang.

ISAIA 10:12

Shatmaq Tatiwe raq ngutlo, “Ngi raq Jajon Pum na nai Jerusalem na jamlai jaq wa shamtiikang arshe lotha jiila, Ngi raq Asiria mungwa ajong hokhamwe ma, apaiq ümtinkhanwa jaqrap jirap phephiiqtlaq kiimaq kai shiikongtlaq kra miitu imo mitiihoha.”

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 2:17

Maiqse shiikong longtlaq thun kra athum she mirki kiimaq maiqse lanphan doqdit siqtlaq thun kra wiita atiithen mirbaiq wan. Sumla phra phong thun kriika tiisiirai she mimoki. Kiimaq kra ranaiq akhing na Tati lamlam kli she mitiijong wan.

ISAIA 3:16

Tati raq nguto, “Liironglaq, Jerusalem nyungre ka kai shiikonghea pinthum! Tsangshiq ka chii heawea lam na khum lam maq tsangkhü ka ra na tiinga raqraq maq khumtlo. Tsangshiq ka wranaiqshe tiibaimiinge raütli sitlo. Tsangshiq ka chaosususe miili khumtlo. Raüla tsangshiq jidang na patlaq tükom thun kriika kang rang kong ra trangtlo.

Luke 11:34

Nam makpo kriika namkhum na lemtem ikha. Nam makpo ahea ngu raü ka, namkhum na walü li asi miraq. Shatmaq, nam makpo ka abi she riiki raüla, namkhum na ranyaq tangtang she mirki.

Luke 18:14

“Riita, ngi chong pha,” nguta Jesuq raq nguto. “Phunta hiti we ka Shiikeawe raq apaiq ngarai ka diike jeshe, ajam na wawanto. Phorisiwe ka riimak. Ara jamkhano chongtiikang ngukla, maiqse liipan wa jurwa, maiqmii dea ajong nguta tiima tlaq, kriiti ka aran ma mitiija. Kiimaq, jurwa tiisaiq haiq shat maq sitlaq, kriiti ka ajong ma mitiija wan.”

Romans 14:23

Shatmaq, jamlai phan li jiimin, jurwa tsanko tsanki lam maq, phaqsiq tlaq, kriika Shiikeawe raq apaiq ma ajiq dea nguta mishra wan. Ara jamkhano chongtiikang ngukla, kriika apaiq raq, atsan mong maq, arka aphaq asea phan dea nguta, kam raüta aphaq siq wan riimak. Krai mren, jamlai phan li jiimin, kamtsantsii maq sham mak jiika, ngarai jaqsham ma mija.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”