TAKSU LAK 21:21 - ASII LAKDAP Bible (BSI)

²¹ Nanok rai riimang riichan, kiimaq tingting maq silaq; raüla rilung alu misihaü. Nanok raq ümniika mishreng, kiimaq ümniima maklii ahea mithü.

Hawa Naga Bible 2001

²¹ Menjenc thuinz nuiyc kenrix rix httax kuiuz, ngoz ruiux rullungx vluz mnoz httax tuiux; vganc jix htenc muinz mnoz muex tvtsanc nganc vtueq tvrac vlvmz maq mnoz rulc rvhumc hemc tuex.

TAKSU LAK 21:21 Referencias Cruzadas

Tvtsvmc 112:4

Kechu maiqse miika ranyaq mong miimin rawüli asi miraq; jurwa tiihang kuqtlaq, mangchantlaq kiimaq tingting klotima.

TAKSU LAK 10:16

Kechu maiqse jaq maq ka rilung tsitsü; Shatmaq ngarai riika ngarai li tiipatlo.

TAKSU LAK 11:19

Kechu jaqsham shiichaqti ka, atra misi. Shatmaq jurwa ajiq kiimung niili sitlaq, kriiti ka atsai miraq.

TAKSU LAK 15:9

Tatiwe raq ashut ashai maiqse rilung ka, asaisi riitlo; shatmaq jurwa tingting jaqsham tlaq, kra lungwiitlo.

TAKSU LAK 22:4

Jurwa aranse ma ja raüta sitlaq, kiimaq Tatiwe ma haisong tsantsii thütlaq; kriiti ka chiithe lüwa ma mitiija, shreng manto milap, kiimaq rilung alu misi.

TAKSU LAK 3:22

Tsangnai raq ümniima rilung mikuq, khoqriiq shishiiq rilung mikuq.

ISAIA 51:1

Tatiwe raq ngutlo, “Ibom tai ronglaq, namshiq atiichhii wan rotlanti raq, namshiq iphana khrum jaüwa tlanti raq. Namshiq dongchang longkaü kra tiima ronglaq, namshiq tiidong thechang longkhat kra tiima ronglaq.

Hosea 6:3

Nashiq raq apaiq tiima tsantsii, khonwan miitu shiichaq rong i. Apaiq nashiq phana, ranap rashe kii li ikha miki dongdii. Lamse sat ma rajuntsi paü pan ikha, apaiq nashiq phana misaüki. Raüta nashiq ma achu shiiman mikuq.”

Matthew 5:6

“Jurwa Shiikeawe raq thapthi tlaq kra sham tsan tiitsitlaq kriiti ma chochi; Shiikeawe raq tsangshiq ma, tsan tiiheali mikuq!”

Romans 14:19

Arkha maq, nashiq raq wranaiqshe, jamlai phan jaqsham wan hai jiiwa, tarü ma khusang miraq, kiimaq kongti ma tsaido jido miraq, kra phan jaqsham miituli, nashiq tsan mong na hang laita, si rong i.

1 Corinthians 15:58

Riita ara chongtiikai arai mren, lungwii phunainotiim lei, kamasham na pharangrang kiimaq phataqtaq si rong laq. Tatiwe jaqsham na tsan tiitsi lanta, wranaiqshe shiikut chaq wan ruq si rong laq. Namshiq raq asap han, Tatiwe miitu jaqsham tlan kriika atu na moki mak phan. Kriikha maq, apaiq miitu jaqsham ka shiichaq wan ruq shiichaq ronglaq.

Philippians 3:12

Ngi raq, arthun chongtiikang arka, ümchaü sanha, ong kang she ngutiika ngu mang. Lo, ngi ka Shiikeawe man na, minhap she jawan kang nguta ka ngu mang. Shatmaq, Khristo raq ngi arka, apaiq rii li she nguta tsea wanto. Kra liichum ka ngi raq, i rilung na sap wantlo hajiilei nguta kai shiikutchaq wan tiikang.

1 Thessalonians 5:21

Phanrap ahea abi ka, achen riiwan rong laq. Lanta, jamlai wa ahea, kra lang rong laq.

1 Timothy 6:11

Shatmaq, ümniika Shiikeawe jaqshise. Krai mren, ara chongtiikai ngarai rahai thun arka ümdü na naq tiisaükiq. Ümniiriika wranaiqshe, Shiikeawe raq jamlai jaqsham wa thikuq tlaq, kriili sham wan ruq maq si laq. Laüta, athuk atsom Phungmaiqse kechu rilung kra riikhaqli maq silaq. Khristo ma kamwan ruq maq silaq. Laüta, Phungmaiqse phunaino thun kra lungwii laüta, silaq. Laüta, phanrap haikaiq haike ümtinkhan wa saütlaq, kra anin riilaüta silaq. Kiimaq nanok tarü rai sobsob bombom maq silaq.

2 Timothy 2:22

Riita, ümkhum ka jero han-ngam tiima ramho ma naq tiijam sha wankiq. Kiimaq jero hon atsii ma naq tiisheakiq. Ümrilung ka siirairai kechu maiqse rilung ashi simaq silaq. Khristo ma kamtsantsii rüm tlaü ka, tsapkapkap maq thü laq. Laüta Phungmaiqse phunaino ka, ahea wiq maq lungwii laüta silaq. Kiimaq tsangshiq tarü rai kaütak rishi maq silaq. Arthun jaqsham wan arka, nanok Phungmaiqse liipan wa maiqshaqti thun ümchuwa sitlaq, kra rai adam na kiimung ashi maq silaq.

Hebrews 12:14

Wiitarü rai, ari aram maq si miitu, shiikut ronglaq. Kiimaq, asii arai, kechu rilung, jamlai kiqjiq ahü maq si ronglaq. Kechu rilung siwan hümiika, juwe riimin, Tatiwe rai sham ka riichhi lot mak.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.