TAKSU LAK 2:22 - ASII LAKDAP Bible (BSI)

²² Shatmaq Shiikeawe raq, ashut kloti ka armung arwa, hitjoq alam mirbaiq wan, kiimaq ngarai maiqsetiim ka, pecham phaibaiq tlaq ikha, arangchong maq barot miphaibaiq.

Hawa Naga Bible 2001

²² Yuq muinz Tishox rueq layx vbac miqsaz htenc kuex vruex ghaq vraungx vwawc yurc gay ruiux, mvrax lvp jix miqsaz htenc kuex httuingx ikhoc phiz gay shuex.

TAKSU LAK 2:22 Referencias Cruzadas

1 HOKHVMX 14:14

Tatiwe raq Israil mung khuthaq hokhamwe ashi mishong. Apaiq raq Jeroboam weraüta jamkun ka chongthum ma mitiijabaiq wan.

1 KAÜWA WERAÜ 10:13

Saul ka Tatiwe man na ashut klowan kha na tsaito. Apaiq raq Tatiwe aming thun jin wanto. Kiimaq apaiq raq hon atsii ka maaji ma waiwan lili riito.

YOBA 21:30

Shiikeawe raq atsankhiq ranaiq na maiqse ma mo tiiho raüla, ashutwe riiwe ka jangwrap she tiihang baiqtlo.

Tvtsvmc 104:35

Ngarai maiqse thun ka hiqraikhü wa mishthenbaiqlaq; abi kloti ka ahüshe mirlaq. Tatiwe ka tiitsamlaq, itsaiji lei! Tatiwe ka tiitsamlaq!

Tvtsvmc 145:20

Apaiq raq apaiq lungwiiti loweatek tiichhiitlo, shatmaq abi kloti thun ka apaiq raq mishthenbaiq.

Tvtsvmc 37:20

Shatmaq abi kiimungtibi ka atsai miraq; Tatiwe jaqtinok ka rum wa pepü ikha mokisaqli mimoki; tsangshiq ka wakhuk moki tlaq ikha mimoki.

Tvtsvmc 37:22

Tatiwe raq ju miiwa shiiman kuqtaq kriiti thun raq mung ka milap wan, shatmaq apaiq manson hotibi thun ka kra mung wa ajo mirbaiq wan.

Tvtsvmc 37:28

jamkhano ngukla Tatiwe raq tingting jaqsham kra lungwiitlo kiimaq asenginok tsapkapkap maq siwanti ka tiishaübaiq mak. Apaiq raq tsangshiq ka pattup pat-sa tiiwong kuqshat, shatmaq abi kiimungti saüsetiim ka ajo mirbaiq wan.

Tvtsvmc 52:5

Arkha na Shiikeawe raq ümniika pattup miitu chongthum mitiijabaiq; apaiq raq ümniika milap raüta ümjam mong wa mikhotbaiq; apaiq raq ümniika atra maiqse phong wa alam she mirbaiq.

Tvtsvmc 52:7

“Liironglaq, arwekaü ka hansang maq si miitu Shiikeawe ma lam mak, shatmaq atsiiq tum miili kamto kiimaq abi kiimung kli apaiq khupwongti nguta kamsiqto.”

TAKSU LAK 10:30

Kechu maiqse ka wranaiqshe tiiwong kuq shat miraq. Shatmaq ashut kiimungti ka bin siqlu mak miraq.

TAKSU LAK 11:3

Kechu maiqse riika tingting jaq sham tlo; shatmaq joksaü liiqse ka, laopha jaqsham riili arilung shiithen baiqtlo.

TRI CHONGKE 29:20

Tatiwe raq akhnok maiqse mra ka diikuq mak miraq. Kiimaq Tatiwe tsankhiq walü ka apaiq khuthaq na minyai wan. Kiimaq ara lakdap na ümchu wa phiiptsi chang chamchao waiqtlaq thun ka apaiq khuthaq na misaü wan. Raüta apaiq ka chongthum ma mitiija baiq shaq wiiwii, kra walü ka nyairuq li mikhiim wan.

TRI CHONGKE 29:28

Tatiwe tsan ka pinthum walü wa ikhiishe khiq kito. Kiimaq atsan khiqtsi miishe, apaiq raq tsangshiq ka tsang mung wa arang chong maq babaiqto. Raüta tsangshiq ka pong mung na dobaiqto. Kra ningkhan, tsangshiq ka ümchaü pong mung na sitlo.’

TRI CHONGKE 7:22

Namshiq raq mung ashi shi maq jiiwan wan jiiwan tlan kra phan phan, apaiq raq ara maiq mung thun ka phanshi shi maq mijobaiq wan. Namshiq raq tsangshiqnok ka klang maq lakshi wa niili ka tiithen baiq lot man mirhan. Kra nguraü ka, rum na siti rum ngamse ka pahea mipu wan. Raüta namshiq ma haisi chang mijaki.