TAKSU LAK 2:13 - ASII LAKDAP Bible (BSI)

¹³ Kechu rilung lamphan baiqthü raüta, ngarai thiikho bok na dea wanti, maklii wa mitiichhii kuq wan.

Hawa Naga Bible 2001

¹³ tsuingrux rullungx tvraungx lvmx kuex gay iruiux, mvrax nyauk hvlc lvmx nuex phvnc lvy jix waz,

TAKSU LAK 2:13 Referencias Cruzadas

Tvtsvmc 14:3

Shatmaq tsangshiq tarü lamjiq nü na siisaq kihoto; tsangshiq tarü ka wiita abi siisaq. Weshi ra raq dongdii min riikhaqli sham mak, ashi ra dongdii min ahü.

Tvtsvmc 36:3

Apaiq raq bom abi kiimaq arot akiqli chongtlo; apaiq raq athuk atsom nai ahea awa jaqsham ka shammak she.

Tvtsvmc 82:5

“Namshiq ka angi nola kong! Maiqjiq kong! Namshiq ka wiita ashut kong siisaq, kriikha tingting kappe mangjong hiq wa amo she riikito.

TAKSU LAK 21:16

Atsii hummak maq, lamjiq na kaihoti ka, atsai mirhum.

TAKSU LAK 4:19

Shatmaq ngarai maiqse rilung lam ka, ranyaq tang tang li sitlo. Tsangshiq tiithap tharai chang thiikhobok ka, tsangshiq raq chhimak.

ISAIA 59:8

Kiimaq namshiq raq jamlai abi thiikho wa thutlan krii wiika ju min hangkilot mak. Namshiq raq jamlai jaq wa sham wan tlan kriika ajiq siisaq shamtlan. Namshiq khumkai chang lam ka kokatkat. Kiimaq kra lam phan phan khum kaiti ka ju min tiichhii wan lot mak.

EJEKIEL 18:26

Ümtiikiiwa kechu maiqse ashi raq tingting jaqsham kra baiq raüta, abi kriishe shamhotlaq, raüta apaiq ka tsaikitlaq, apaiq tsaitlaq kriika apaiq raq abi jaqshamtlaq kriikha na tsaitlo.

JEPHANIA 1:6

Iwokhong wa juho raüta, ümtiikiimin ngi ritwa makti thun, mitiithum baiqha. Ngi rai riibom wan mak she, hon atsii waiso mak sheti kiimin, wiita mitsat baiqha.”

John 1:6

Shiikeawe raq apaiq atsa soqti we Johan ka phiija maiqse phana tiikito.

John 12:35

Kiijiishe Jesuq raq tsangshiq bom ka treto, “Namshiq ma rawüli ka heashili she mili. Rawüli asi bala, namshiq ka rawü lam phan tlan kra, phan ruq phan lantli si ronglaq. Ranyaq raq namshiq ka pang wan tlo jiiq. Juwa ranyaq mong na khum tlaq, kriiti riika, apaiq ka ümnüno kihotla, kriika sap mak.

Romans 1:21

Tsangshiq raq Shiikeawe ka asi dea nguta asap. Shatmaq, tsangshiq raq Shiikeawe ma shreng manto, apaiq rii dongdii sitlaq, kra kuq wan mak maq sitlo. Kiimaq apaiq ma kechu tumke wan min ahü maq sitlo. Kra rü na khoti, tsangshiq tiima tsantsii ka, ajiq aphiq siisaq li, kiimaq tsangshiq khutsai ka shaqmii miili sitlo.

2 Timothy 4:10

Demas ka mangjong rilung lamphan na kihoto she. Apaiq raq ngi ka tiishaü baiq thü raüta kihoto. Raüta, apaiq ka Thesalonia chela na wawanto. Kresens ka Galatia wang na wawanto. Kiimaq Titas ka Dalmatia wang na wawanto.

1 John 2:19

Riita ara chongtiikai Khristo ma wesang raliibi thun arka, apha miiphü nashiq rai tushi niika sidam mak dongdii. Kriikha maq, tsangshiq ka na tu mong wa pong na tiichiiq raüta pong lamphan na kihoto. Tsangshiq ka nashiq ngam napti dongdii ngu raü ka, nashiq rai adam na riitushat maq misi dam wa. Nashiq tushi wa tsangshiq ka pong na tiichiiq raüta kihotaq kra, tsangshiq ka nashiq rai tushi na sidamti ka riimak dea nguta tiisap shat mirlaq nguta ngo maq pong na khüphiiq niishe tiichiiq raüta kihoto.