TAKSU LAK 19:23 - ASII LAKDAP Bible (BSI)

²³ Tatiwe wokhong na silaq, raüla rilung alu misihaü. Tsankhun maq nai, hansang maq misihaü.

Hawa Naga Bible 2001

²³ Yehowa kvjaz tay phvnx shuiuz, ngoz ruiux rullungx sunglaz httax lvp tuiuz, thuinz tsuing maq raz tueq vhiz sungx juing wawc kvwungx lvp tuiux.

TAKSU LAK 19:23 Referencias Cruzadas

Tvtsvmc 103:17

Shatmaq Tatiwe shrengtibi miika, apaiq lungwii pattup pat-sa siruqli misi, kiimaq apaiq mangchan ka tsangshiq ma maiqpattek tiichhiku wan ruq miraq.

Tvtsvmc 19:9

Tatiwe ma shreng manto ka ahea; kriika pattup siwan ruq miraq. Tatiwe raq kha phokuq tlaq thun ka tingting; kra photaq thun wranaiq she riikhaqli.

Tvtsvmc 25:13

Tsangshiq ka miitut wantlii chiithe lüwajong miraq, kiimaq tsangsetiim raq mung ka misiq wan.

Tvtsvmc 85:9

Tengteng apaiq shrengti chhiike miitu apaiq ka khekham sitlo, kiimaq apaiq tiichhiiwan ngao ka namung na asi miraq.

Tvtsvmc 90:14

Wranaptek naishiq ka tiipitmaü phan ümlungwii maq asho awo tiima kuqlaq, naishiq ka ashi ange kiimaq rilung pattup khoqriiq shishiiq siwan ma.

Tvtsvmc 91:10

kriikha na tsaimiq khusiq ümdü na saümak miraq, jasam piqsii ümjam tho na saümak miraq.

Tvtsvmc 91:16

Ngi raq tsangshiq ma rilung alu mikuqha; ngi raq tsangshiq ka mitiichhiiha.”

TAKSU LAK 10:27

Tatiwe aming langlaq, raüla rilung alu misi haü. Ashut kloti ka rilung atoq miraq.

TAKSU LAK 11:19

Kechu jaqsham shiichaqti ka, atra misi. Shatmaq jurwa ajiq kiimung niili sitlaq, kriiti ka atsai miraq.

TAKSU LAK 12:21

Kechu maiqse miika tsaimiq khusiq chamchao saü mak. Shatmaq maiq ma ashut kiimungti miika, chamchao sangrai miili rilung misung.

TAKSU LAK 19:22

Sükhati riika jea ngaü tlo; miitsan maiqse ka, arot akiqti thaq na ahealin.

TAKSU LAK 22:4

Jurwa aranse ma ja raüta sitlaq, kiimaq Tatiwe ma haisong tsantsii thütlaq; kriiti ka chiithe lüwa ma mitiija, shreng manto milap, kiimaq rilung alu misi.

TAKSU LAK 3:24

Chang na kon wan haü min, ahang ahun jammin ahü miraq. Rawa minru peokhiq mikon haü.

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Matthew 5:6

“Jurwa Shiikeawe raq thapthi tlaq kra sham tsan tiitsitlaq kriiti ma chochi; Shiikeawe raq tsangshiq ma, tsan tiiheali mikuq!”

Acts 9:31

Riita, ara chong tiikai arai mren, Judia wang na, Gelili hong na, kiimaq Samaria wang na siti phungtuti thun ka, ahai asong jam min ahü miishe, hansang miishe shongngato. Kiimaq Asii Wenyi jaqkhong maq, tsangshiq raq ningkun lap wanto, kiimaq Tatiwe ka kai shreng raütiishe shongnga wanto. Krai mren, phung na shang wanti maiq ka pawan ruq li she pawanto.

Romans 8:28

Nashiq raq asap i, Shiikeawe lungwii wanti maiqse ümchuwa siwa tlaq, kriiti miitu ka, apaiq raq phanrap phanrii na, ahea miituli klo wan tlo. Arka Shiikeawe apaiq raq, maiqse ümchuwa, apaiq raq jamlai phan wa thapthi wantaq, kra tiikupi wan miitu, hea wantiiti thun kra miitu chongtlo.

1 Timothy 4:8

Nashiq raq han-ngam maq ümchuwa jaqsham tiikai ara riika, nashiq han-ngam khum ara aphin tiija tlo. Narii tiihong tlo. Shatmaq, arthaq na kaü raüta, athii atsin ka, nashiq raq kamasham jaqsham tiikai ahata rahea phan jaqsham. Ara riika, nashiq rilung na, phanrap lam na awongsii ma tiija wan tlo. Kriika, ara mangjong han-ngam miituli min riimak. Rawiichii nashiq wenyi rilung miitu amet jonghea tiitsingo wan tlo.

2 Timothy 4:18

Kiimaq ngi ka Tatiwe raq phanrap chiq se rewe jaqkhon mong wa khup wong kuqshat maq mirüm kom wan. Raüta, apaiq raq ngi ka jam min ngusiq mak maq, apaiq Ramungtan na mishea wan. Apaiq khushü kli pattup pat-sa achhai anyii mijong laq! Amen.