TAKSU LAK 19:2 - ASII LAKDAP Bible (BSI)

² Nyan phaqchi ahü maq, hongla rai ka thiihü. Taülaükhiq phephiiq raiti ka, thiikho na dea watlo.

Hawa Naga Bible 2001

² Thuinz tv-phez yaq nuex phaqjic lomx muq ngoz ruiux yvmx vjux muinz kuq muq, nanx lot muq rueq vkuilc vdaz juing nuex shvlx laq shuex.

TAKSU LAK 19:2 Referencias Cruzadas

2 HOKHVMX 4:39

Tsangshiq phong wa weshi ka wak ram wa rum nyiimjaq aphaq chang toqkai kihoto. Raüta apaiq raq apaiq chamcham acham spiqraü humto. Kiimaq koqmaipo min asang pahea apaiq raq atangtang pan wanto. Raüta kriithun ka nüphihi nüp raüta ngam tak mong kiijaq lum damto. Shatmaq apaiq riika kriithun ka aheasha abi wiika sapmak miili tak na thiito.

YOBA 31:5

Ngi raq atiitum lata chongtiikang ngi raq ümtiikiimin abi klo wan mang kiimaq maiq lao la nguta ümtiikiimin dan mang.

TAKSU LAK 1:16

Jamkhano chong tiikang ngukla, tsangshiq ka ashut jaqsham klo hü miika silot mak. Tsangshiq ka matsaü tsasetiim. Maiq tsea baiqkai roli.

TAKSU LAK 10:21

Kechu maiqse bomtsi ka, maiq pahea ma achu shiiman asi. Shatmaq angi nolati ka, maiqmii bom miili khlaqtlo.

TAKSU LAK 14:29

Juwa mokhiq khiq mak, kriiti ka taksu maiqse. Shatmaq juwa khiqsaq khiq tlaq, kriiti ka maiqjiqwe.

TAKSU LAK 21:5

Tiima tiima laüta jaqsham ka sürii laq, raüla rongboq mijahaü. Taü taü laü laü klo haüla, ümtiikiimin ongmaü mirhaü.

TAKSU LAK 25:8

Mak maq jamlai wa chhilaü, kra miitu rung na taülaükhiq, naqkikiq; Jai maq saqse ahinti raq, ümbom kra khiiho raüjaq, jea mingaü haü.

TAKSU LAK 28:20

Tingting maq siti ka, rilung alu misi. Shatmaq jurwa chiithe ja, taülaü tlaq kriiti ka, moho raüta mitsai.

TAKSU LAK 28:22

Maiq sükhaheati ka, chiithe ma ja kli taülaütlo; Miitsan tum saütlaq, kriimin sapphaq mak.

TAKSU LAK 29:20

Thaüpakpak bomraiti nam miika, maiqjiqwe ka maiqshaq lin.

THARC TVLUINGC 12:9

Shatmaq Phaqchi Shrawe ka taksu maiqse. Kriikha maq, apaiq raq saptlaq kra, nokwe ma phaqchi ka shrin kuq wan ruq riito. Apaiq raq uqkhiima bomtsi ka arang chong maq liichum ka sidi wanto. Raüta tengtlaq bomtsi ka tingting maq shin raüta maitai wanto.

THARC TVLUINGC 7:9

Tsankhiq ka anin laüta thü laq. Maiqjiqti riili tiina atsankhiq ka thopshat maq thütlaq.

ISAIA 27:11

Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.

ISAIA 28:16

Riita, ümchaü Ajong Thaq Na Ajong Pinthum Tatiwe raq akha ngutlo: “Ngi raq Jajon chela na, chela tei wan chang jamkhü longkaü phataqtaq kiimaq angang phan ashi shongkang. Kra jamkhü longkaü thaq na Ngi raq tapshok longkaü tsinhea ashi shongtiikang. Kriithaq na ara bomtsi ara tiiwaiqshat: ‘Kamtsantsii pharang rang sitlaq kriimaq aninwan tsii.’

Hosea 4:6

Isenginok ka thento she. Tsangshiq raq ngi ka juwa sapmak kha na. Namshiq ramwebi raq ngi sapman shishe wan lan. Kiimaq ngi raq ashrinkuqha tri shishe wan lan, kra ningkhan ngi riimin namshiq ka shleqbaiq tiikang, kiimaq namsetiim ka ka ngi ramwebi ma nguta thüwan mang she mirha.

John 16:3

Tsangshiq raq, Awe nai ngi ka juwa kra sap mak kha maq, namshiq ma ara chong tiikang chamchao thun ara mitiisaü wan.

Romans 10:2

Ngi raq asapha, tsangshiq raq Shiikeawe ka tsantsii wiita kiinong kuq raüta dea shomnoq wantlo. Shatmaq, tsangshiq raq Shiikeawe shomnoq tlaq, kriika riikhaqli lam phan riimak.

Philippians 1:9

Ngi raq Shiikeawe jaq wa, achu jaütiikang, namshiq liipan na lungwiitsii rüm tlan kra, apa tsi wan ruq maq, midong man laq. Kiimaq riikhaqli phaqchi tu ka sap lanta, taksma kappe maq, phanrap ahea abi sitlaq kra, shin lanta si ronglaq.