TAKSU LAK 18:21 - ASII LAKDAP Bible (BSI)

²¹ Maiqse raq anübok maq, jamlai wa bomtlaq; kriiriili rilung mikuq, riimak la tsailam na misheaho. Kra tsi ka maiqmii raq sea chang miraq.

Hawa Naga Bible 2001

²¹ Mnoz rueq jungphvnx shuiux kvjaz htenc kuex rullungx kvdungc gvy lot yaq, rvmuq ngoz ruiux tvbac gay lot yaq; kvkhoc rvtueq mbomc vnyamc ningkhvnc nuex yaungx wvnc tueq lvmz htenc kuex vlvp wvnc juing shex rvtueq.

TAKSU LAK 18:21 Referencias Cruzadas

Tvtsvmc 12:5

“Shatmaq ümchaü ka ngi she mikiha,” nguta Tatiwe raq ngutlo, “Jamkhano ngukla tsangshiq raq jehin norebi ka haihiitlo, kiimaq tsangshiq raq tiichamchaotlaq thun ka atsitsi ma hoqtrangtlo. Tsangshiq raq tsantsi mongtsi atiikhup wongketi rittlaq kra ngi raq mikuqha.”

TAKSU LAK 10:31

Kechu maiqse riika nyan phaqchi chongtlo; Shatmaq abi bomti tili ka achum mirbaiq.

TAKSU LAK 11:30

Kechu jaqsham tsingo ka rilung, shatmaq matsaü tsase jaqsham riika, maiq miisaq mithum.

TAKSU LAK 12:13

Abiwe bom ka apaiq dea chang thiikho, Shatmaq mitting maiqse ka, thiikho na dea mak luntlo.

TAKSU LAK 21:23

Mobom bommakti raq, tsa niq mak.

ISAIA 3:10

Kechu maiqse thun ka chochikhiq miraq. Kiimaq tsangshiq miitu ka phanrap lam na ahea miraq. Tsangshiq ka tsangshiq jaq maq jamlai min wa shiiq wantaq kra tsingo ka chochikhiq maq miphaq siq wan.

ISAIA 57:19

Ngi raq maiqse kunli ma khusang rilung kuq tiikang. Aje na siti nai luhea na siti ma! Ngi raq isenginok tsisi ka atiihea she mirkuqha.

Hosea 10:13

“Shatmaq namshiq raq abi jaqsham minshiiq wan lan. Lanta ashut aphit tsam jut lan. Arot akiq rilung lamphan tsam siq wan lan. Namshiq raq han-ngam ningkun ma kamwan lan. Namshiq rewe pahea nguta kamwan lan.

2 Corinthians 11:15

Krai mren, apaiq jaqshibi kiimin la, tsangshiq ka kechu maiqsetiim ikha tiichan ne raüta, wa raü jiimin, nashiq wangrai chang ka jam min ahü. Phangthum ranaiq na tsangshiq raq jamkho sham wantaq, kra phanphan jaq maq milap wan.

2 Corinthians 2:16

Ümriiti riiwa tsailam na kiho tlaq, kriiti miika, ara ahom tsang arka, maiq tsea baiq chang liipu ikha jaki tlo. Shatmaq, ümriiti riiwa tiichhii wan rilung lap wan tlaq, kriiti miika, amaa wa tsitsü tiijang wan chang homseng. Riita, ikha jiika, ara chongtiikai ningkun ajong jaqsham lotti arka juwiita?

Ephesians 4:29

Maiq tsan tiibi chang bomtsi ka, naq bom rongkiq she. Shatmaq, kongti tsaiji tiijong lu chang bomtsi, ahea awa kli bom ronglaq. Nambomtsi ka kongti tsan na washasha hea, kongti tiijong luwan chang bomtsi kli bom ronglaq.

Colossians 4:6

Namshiq bom asa ka akhingtek na athuk atsom, ataisea ma ahea wiq maq bom rong laq. Kiimaq nanok ma bomtre chang dong tlaq niika, riikhaqli tingting bomtsi maq tre rong laq.

2 Peter 2:18

Tsangshiq riika shiikong miilong, ni na wamak chang, tiishom ra wan tlo. Kiimaq ngarai han-ngam sethoq ja lam kra phan raüta, Phung na shang nyeti, ranyaq mong wa tiichhii wan phati kra shonron ho tlo.