TAKSU LAK 18:12 - ASII LAKDAP Bible (BSI)

¹² Kumrongheati tsailam na sup; sobsob bombomti, khali khuphop maq hup.

Hawa Naga Bible 2001

¹² Ukhaq muinz thuinz tvyomz muq waz kuex tvtsanc nganc rvhumc tuex rvmuq; yaq, tuluimc thuinz httax yaq miq htenc kuex vbac kay juing lvmx nuex kaz wvnc wuez yaq.

TAKSU LAK 18:12 Referencias Cruzadas

1 HOKHVMX 3:7

O, Tati Shiikeawe lei, ümniiraq ngi ka nose kiimaq mung ka jamkha pen wan chang wa kra saptsin mangshaqli jiimin, iwe pumsong ma hokham miishe shong wan laü.

TAKSU LAK 11:2

Ashkongti riika jaqloli jea mingaü; shatmaq sobsob bombomti ka taksu maiqse.

TAKSU LAK 15:33

Tatiwe ma haisong tsii thü ka, phaqchi tsin wan lam. Kongkhu ümniika aranse ma jalaq, haütiq shreng manto milap haü.

TAKSU LAK 16:18

Shiikong tsantsii ka atsai lam sheati, khünga maklii ka adea wa chang thiikho theti.

TAKSU LAK 29:23

Maiqse shiikong raq, apaiq ma jea mitiingaü. Shatmaq sobsob bom bomti miika, shreng manto asi miraq.

EJEKIEL 28:2

“Maiqse lei, Tajar mung pengtiwe ma, Ngi, Tati Rakaü Hiqwe raq apaiq ma jam bom wa chongtiikang kra chonglaq: Ümkhü tiinga raü shiikongtlaü: Ümniika phra kaü nguta tsütsit tlaü. Ümniinga phra kaü ikha hokham ngacho na ngatiikang ngutlaü. Ümtro na khamjong chum thun maq rukje. Ümniika phra kaü nguta tiichongsiq tlaü sham. Shatmaq riimak. Ümniika maiqse, ratiwe riimak.

EJEKIEL 28:9

Riita ümtiikiiwa tsangshiq ka ümnaq tseakai kitlaq akhing na, ümniika ratiwe tiina nguta tsütsit ruqli shea mirhaü? Ümtiikiiwa ümnaq tseakaiti matwebi rai riihumtlaü, kiitiikaq ümniika maiqse ma mija haü, ra wa maiq ka riimak.

EJEKIEL 29:9

Ejip mung ka hiqmiq changkhü ma mijaki. Kiijiishetiq ümniiraq Ngi ardea Tatiwe nguta misaphaü. “Jamkhano ngukla ümniiraq Nai rai ka ümrii. Kriika ümniiraq aphan sanghaü nguta tiitsaki tlaü.

DANIEL 9:20

Ngi raq achujaü ka triilü wantlii maq jaü wan kang. Ingarai thun tiidii wan kang, kiimaq iphan, imaq Israilnok ngarai kra diikuq liidea nguta, Tatiwe, i Shiikeawe jaq wa apaiq asii Shomjam kra tiiheakuq liidea nguta tiipaiqnea kang.

DANIEL 9:23

Ümtiikiiwa ümniiraq Shiikeawe ma tiipaiq nea wan laü, apaiq raq ümnaq achu jaü ka treto. Apaiq raq ümnaq lungwiitlo. Kra ningkhan ngi ka ümniipha na kra bomtre liichum kra chongkekai saükikang. Riita ümchaü min riisham bomtsi liichum kra chongpha samhea tiitsang tailaq.

Luke 14:11

Ara jamkhano chongtiikang ngukla, jurwa maiqmii ka ajong ala nguta tiima tlaq, kriiti ka aran se ma mitiija baiq. Kiimaq juwa, maiqmii ka tiisaiq haiq shat maq sitlaq, kriiti ka ajong ma mitiija wan.”

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”