TAKSU LAK 17:11 - ASII LAKDAP Bible (BSI)

¹¹ Ransu ranchangti raq mungshuktlo, krai mren tsangshiq tsai lam misaü.

Hawa Naga Bible 2001

¹¹ Mkaq muinz kuilc daz tv-nyax yaq layx bac waz kox nuex vthueyc kuex vguirc vguenc rvyaq kamx waz vshiz ikhoc httuiuc kaz tuex.

TAKSU LAK 17:11 Referencias Cruzadas

2 SAMUEL 15:12

Kiimaq apaiq raq honglu thun kra take lam maq, Absalom raq Gilo chela na maiq tiiwa raüta, Dawit rung na ngadamti phong wa ngowe, Ahithophel kriimin tiihea wato. Krai mren, hokhamwe tiideabaiq kha shuktlaq kriika, henghea she heng wanto. Kiimaq, Absalom rai pong wanti maiq ka pahea she pawanto.

2 SAMUEL 18:15

Kiijiishe hali, Joab sengi phenlabi weroqshi kriiraq, apaiq ka trotam maq komhosaq raüta, tiitsailaq she tsatbaiqto.

2 SAMUEL 18:19

Kiijiishe Jadok se Ahimaaj raq Joab ma nguto, “Ngi ka julata hokhamwe ma Tatiwe raq apaiq chiqse rewe maklii wa tiichhii kuqto she nguta tsütsa ahea ara tiitai chong wapha.”

2 SAMUEL 20:1

Kra akhing na Gilgal chela na, Benjamin Phan wa, Bikri se Sheba nguta maiq weshi mungshuktiwe asi riito. Apaiq raq boli tsü raüta mungmaiqse ma akha chiiriim raüta chongto. “Dawit jaiphan jamlai liip wa! Jessi se ka tijongwe shea? pintlo rong maiqmii jam na! Israilnok lei!”

2 SAMUEL 20:22

Krai mren, kriinyung ka chelati mungmaiqse phana wa raüta kra apaiq raq kiimung tlaq kra chongto. Krai mren, tsangshiq raq Sheba khupo ka chumto. Raüta chela ruk thaq kiimaq Joab miishe tiidea kuqto. Kiimaq Joab raq rekhat thumto she warong i nguta asenginok ma bomchong boli tsüto. Krai mren, tsangshiq ka maiqmii hiqshong niishe jang wanto. Kiimaq Joab kiimin hokhamwe phana Jerusalem na jang wan nongto.

1 HOKHVMX 2:31

“Joab raq jamlai wa ngutlaq kra klolaq,” nguta Solomon raq treto. “Apaiq ka tsatbaiqlaq. Laüta amaa ka laplaq. Kra riihai jiitiq ngi ma lo, Dawit saüse maiq ahinti ka Joab raq maiqsangti tsatbaiqtaq kra mat kha ka naishiq khuthaq na mra ahüshe miraq.

1 HOKHVMX 2:46

Kra nguraü tiishe hokhamwe raq Benaia ma aming kuqto. Kiimaq Benaia raq Shimei ka tsatbaiqto. Krai mren Solomon raq mung ka apaiq jaq khon mong na phataqtaq khon raütiishe peng wanto.

TAKSU LAK 17:10

Maiqshaqti miika tsii jangshi chongkuq raüli phanrap misap. Shatmaq angiti miika jang shishi sintsang maq tsat raü min atsii chhimak.

TAKSU LAK 17:12

Maiqjiqwe rai, ajiq jaqsham lomdam nam miika, chapbi noshii kaü ase ahiipbaiq, kriirai riihum riiwe ka, phanshi ahealin.

TAKSU LAK 24:21

Ise lei, Tatiwe ka shrenglaq. Kiimaq hokhamwe ma manto laq. Tsangnai kiqkhiiti rai, naq riikongkiq.

Matthew 21:41

Kiijiishe tsangshiq raq apaiq bom ka, “Apaiq raq matwetiim ka wiita mijiip baiq. Raüta wak ka akheng riikhaqli akhing na keti maiq ahinti miishe mitiishiip kuq,” nguta treto.

Matthew 22:7

Kriikha miishe, hokham we ka pinthum walüwa ikhiishe khiqto. Kiimaq apaiq raq phenlanok tiiki raüta, matwe jawanti kong kra tiitsat baiqto. Raüta tsangshiq chela thun kra wa miishe tiichaq baiqto.

Luke 19:27

Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”