TAKSU LAK 15:15 - ASII LAKDAP Bible (BSI)

¹⁵ Miitsan maiqse rilung ka, chamchao sang rai niili sitlo. Shatmaq khoqriiq shishiiq maq siti ka, chojong chise maq sitlo.

Hawa Naga Bible 2001

¹⁵ Htemc vrvmc jix waz rullungx kuex vshuimc vkay hunglaungx ruq ruec juing, yuq muinz vkoz vkez jix miqsaz htenc kuex mkaq muinz vpiauc rullungx lvp wvnc wuez yaq.

TAKSU LAK 15:15 Referencias Cruzadas

RAPHA HIQWA LAK 37:35

Asetiim maiqwe setiim thun nai jechaksere ka apaiq phana wa raüta tlinto. Shatmaq apaiq ka jaiq mak phan riito. Kiimaq apaiq raq akha nguto, “Ngi ka ise maaho lam maq aho ajii lam miili she wulum mung na misaü hoha.” Kiimaq apaiq ka ase Joseph maaho shiri ruq miili she sito.

RAPHA HIQWA LAK 47:9

Jakob raq treto, “Irilung ka mung shi maq riita mungshi na laüwan wan silatli wiishishi ri wiiroqtsam she saüto. Ara rawii thun arka atoqse li kiimaq litkot chamchao lam miili sung wanto. Kriika ititiim raq tsang rilung ka bashi na laü wan wan maq rawii luhea tiisung wantaq kiikhiika riimak.”

TAKSU LAK 15:13

Maiqse ka chochiba niika, anai riitlo. Shatmaq atsan na chapa siraüla, munjuk mijuk sitlo.

TAKSU LAK 15:14

Khutsai asiti riika, phaqchi saptsin lungwiitlo. Shatmaq angok angiti riika, maiqmii ngokngi niili motlo.

TAKSU LAK 15:16

Chiithe lüwa nguraü, acha apa miili sirai nam miika, miitsan jiimin Tatiwe ma hai raüta, singa riiwe ka ahea.

TAKSU LAK 16:22

Taksu maiqse ma, anyan phaqchi ka rilung tsitsü khamdü; shatmaq angi nolati ma, hon atsii chongke ka rashe tiichali.

TAKSU LAK 17:22

Khoqriiq shishiiq rilung ka, khusang rakhang rilung; shatmaq munjuk mijuk rilung ka, chaosusu maq tsai wan rilung.

Acts 16:25

Shatmaq, rawa, wathung wakham na, Paul nai Silas ka achu jaü, kiimaq ashi ange Shiikeawe tiitsam kam sea she riito. Kiimaq kiijaq phaqtek mong na sitibi shumwi ahinti thun kra riika, tsangnai raq achu jaü nai ashi ange shinge tlaq kra taisea riito.

Romans 12:12

Shiikeawe ma ranphan wan tlan krai mren, chochikhiq maq si ronglaq. Namshiq ma chamchao saü tlaq ranaiq na, tsan tiibum lanta nin ronglaq. Kiimaq wranaiqshe achu jaüshat maq si ronglaq.

Romans 5:11

Riita ara chong tiikai ara lamlam siili ka riimak. Arthaq niimin apa dea asi shaqli. Nashiq raq khoqriiq wan chang lamlu ka jonghea dea asi. Arka Shiikeawe raq Tati Jesuq Khristo pum lümaq, nashiq ka Shiikeawe khi alu bi miishe tiija kuq wantaq arkha maq khoqriiq siq tiikai.

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

2 Corinthians 1:5

Khristo ka chamchaoto. Krai mren, naishiq min chamchao tiikai. Kiimaq Khristo ka Shiikeawe raq khrum kuqto. Krai mren, hali naishiq ka Shiikeawe raq Khristo lümaq khrum kuqtlo.

2 Corinthians 6:10

Naishiq ara acha apa ranaiq min, khoqriiq shishiiq miili sitiikai. Naishiq arka miitsan miijan maiqse ikhli sirai tiikai. Shatmaq naishiq raq maiq pahea ka chiithe lüwa ma tiija kuq wan tiikai. Naishiq ka jaqhü jihü ngo chang chang ikha sirai tiikai; shatmaq naishiq jaq na phanrap asi.

1 Peter 4:13

Jesuq jamkho chamchaotaq, apaiq jijai na namshiq min apaiq jaiphan chamchao tiikai nguta khoqriiq shishiiq maq sirong laq. Krai mren, apaiq ümtiikiiwa saüho tlaq, kra akhing na namshiq raq apaiq khushü jonglu kra chhi lanta kai michochi han.