TAKSU LAK 15:11 - ASII LAKDAP Bible (BSI)

¹¹ Wulum mung na jamlai wa sitla kra, Tatiwe maklii wa paülot mak. Ikhiijiika maiqse tsan mong na, jamlai wa tiima tlaq kra, mipaü lot shea?

Hawa Naga Bible 2001

¹¹ Wulumx mungx nuex yaungx wvnc yaq lvmx htenc kuex Yehowa rueq tuiuz muq laz juing puingc taq gay lot muq ngoz ruiux yuq, miqsaz rueq kvmungx yaq lvmx kuex Tishox htumc nuex yvmx khoc lac httuiyq taq lot shvnx?

TAKSU LAK 15:11 Referencias Cruzadas

2 KAÜWA WERAÜ 6:30

tsangshiq achu jaü ka tai laq. Tsangshiq achu jaü ka ümjamjong ramungtan maq tailaq. Laüta tsangshiq ngarai ka dü kuq laq. Maiqse tiima tsantsii khontiwe ka ümniili. Maiqse loweatek ma apaiq raq jamlai laplu chang thek tlaq kra phan phan klo kuq laq.

YOBA 26:6

Wulum mung ka Shiikeawe maklii niika linlii ma; apaiq makki wa kra pangbaiq chang liiq thun ka ahü.

Tvtsvmc 139:8

Ngi ka ramungtan na düwaha jiimin, ümniika kiijaq asi! kiimaq ngi ka wulum mung na konkiha jiimin ümniika kiijaq asi.

Tvtsvmc 44:21

ümniiriika michhi haü dongdii, jamkhano ngukla ümniiraq naishiq tsantsii apaü arthü ka asaphaü.

Tvtsvmc 7:9

Ümniika tingting Shiikeawe kiimaq naishiq tiima nai naishiq raq jamlai wa rotiikai kra shintlaü. Abi ati maiqse kong raq ashut kiimung tlaq kra tiitsaqlaq laüta maiqshaqti thun ma poksi kuq laq.

TAKSU LAK 15:10

Ümniiraq ashut klo raüla, ümniiraq sintsang laihea miho haü. Atsii achongkuq kra tai maü raüla, ümniika atsai mirhaü.

TAKSU LAK 17:3

Chaq nai kampho ka, wa na chaq raüta chentlo. Kiimaq maiqse tsantsii ka, Tatiwe raq maitai raüta liitlo.

TAKSU LAK 27:20

Maiqmaa kho riika, hongto she ngumak phan, maiqse sükha maklii riimin, hongto she ngumak phan.

JEREMIA 17:10

Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

John 21:17

Kiimahali, tiithong tsam she, Jesuq raq Petar ma hali bom ka wai nongto, “Johan se Simon, riita, ümniiraq ngi ka ngohea shaqshaq dea sha lungwii tlaü?” Kiijiishe, Petar ka atsan biwa liishe riito. Ara jamkhano atsan bita ngukla, Jesuq raq apaiq ma bom ka, tiithong tsam she, “Ümniiraq ngi ka lungwii tlaü dea sha?” nguta waito. Kriikha maq, apaiq raq hali tre nongto, “Tatiwe, ümniiriiri phanrap asap haü. Ngi raq ümniika lungwii tiikang ngutiimin, ümniiraq asap haü!” Kiijiishe, Jesuq raq apaiq ma chongto, “Ikhla, i skuse kong ka samhea rüm laq.

Acts 1:24

Kra raütiishe, tsangshiq raq tsangnai wenai mang na ton raütiishe, akha achu jaüto, “Tatiwe le, ümniiriiri maiqse angu tiima tsantsii ka wiita asap haü siisaq. Riita, ümchaü min, ara tsangnai wenai arwa, ümriiti wa ümniiraq tsea wan laü, kriiwe ka naishiq ma tiichhikuq laq.

Hebrews 4:13

Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.

Revelation 9:11

Tsangshiq thaq niika hokham ashi asi. Tsangshiq hokham we ka hiqbikho rümti rase sitlaq kra. Apaiq mang ka Hibrunok bom maq Abadon ngutlo. Kiimaq Grik bom maq apaiq mang ka apolion (kra liichum ka “Ashthenti we”) nguta chongtlo.

1 SAMUEL 16:7

Shatmaq Tatiwe raq apaiq ma nguto, “Apaiq ka ajong alu kiimaq atsomwiqwe nguta naq liikiq. Ngi raq apaiq ka ashthoq baiq kun she. Ngi riika maiqse raq shintlaq kiikha shin mang. Maiqse riika maiq ka asham ari na liitlo. Shatmaq ngi riika atsantsii na liitiikang.”