TAKSU LAK 13:7 - ASII LAKDAP Bible (BSI)

⁷ Maiq wiijamti ka chiithe liiwa ikha tiibaingetlo, shatmaq miitsan sang sitlo. Maiq wiijamti ka miitsan maiqse ikha sitlo; shatmaq ajamkun na chiithejong sitlo.

Hawa Naga Bible 2001

⁷ Miq wvyvmc kuex luiz waungx waz ikhoc yaungx yaq, yuq muinz yvmx muinz vguez. Miq wvyvmc kuex htemc saz waz ikhoc yaungx yaq, yuq muinz tsak vnyvmx paunghvlc guimz yaq.

TAKSU LAK 13:7 Referencias Cruzadas

TAKSU LAK 11:24

Jurwa jaqchii jichii ma kampho wantlaq, kriiti ka chiithe jong ma jawan tlo. Jurwa kampho ka akhan nyan raüta thü tlaq, kriiti ka miitsan ma jawantlo.

TAKSU LAK 12:9

Aki miikiim ikha phephiiq raüta, ajam na wudaiq dashi ahü, kra nam miikhoti, wepuq wese jiimin minshiiq raüta, wok phetaktak siriiwe ka ahea.

TAKSU LAK 13:11

Jeriiqriiq maq alap tsiiqtum ka, jaqlo liipan niili miwiiki. Shatmaq kai hunnii raüta alap ka, apa showan wan li miraq.

TAKSU LAK 13:8

Chiithe maiqse raq arilung ka, kampho maq tiida wantlo. Shatmaq miitsan maiqse ka, jurmin tiihaisong mak.

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

Luke 12:21

Kiimaq Jesuq raq bom ka akha shatto, “Ara chong tiikang akhiisii maiq juwa han-ngam niili rongboq win tlaq, shatmaq, Shiikeawe maklii na, miitsan sitlaq, kriiti thun ka athum mirki.”

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

1 Corinthians 4:8

Namshiq ma ümchuwa rong raa tlaq kra wiita she dea sha ong wan lan? Namshiq ka ngohea shaq chiithe jong siisaq she dea sha jawan lan? Naishiq riiwe kla hokham ka riimak. Shatmaq namshiq ka ngohea dea hokhambi miishe dea sha jawan lan? Kiimaq naishiq ahü maq jawan lan. Ngohea dea namshiq ka hokhambi siisaq ngu raü dea ahea riichang. Naishiq armin namshiq rai hokhambi ma jawan hai chang wa.

2 Corinthians 4:7

Shatmaq tiina ara chongtiikai, wenyi tsiiq nai nyam tum tochang, naishiq khum arka miinan hamtak ikhli. Ara wenyi tsiiq nai nyam tum ngutiikai arka, naishiq raq chongkuq tiikai Tsütsa Ahea jaqsham kra nangnga chongtiikai Riita ara naishiq khum hamlii tak ikha sitlaq ara lümaq, Shiikeawe raq apaiq ningkun jonghea sitlaq kra, Tsütsa Ahea naishiq raq chongkuq tiikai kiijiishe tiichhikuqtlo. Arka Shiikeawe ningkun. Naishiq ningkun ka riimak.

2 Corinthians 6:10

Naishiq ara acha apa ranaiq min, khoqriiq shishiiq miili sitiikai. Naishiq arka miitsan miijan maiqse ikhli sirai tiikai. Shatmaq naishiq raq maiq pahea ka chiithe lüwa ma tiija kuq wan tiikai. Naishiq ka jaqhü jihü ngo chang chang ikha sirai tiikai; shatmaq naishiq jaq na phanrap asi.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

2 Peter 2:19

Ara arot shrabi raq, nokwe ma, wenyi na wase ma jawan lam chongkuq tlo. Shatmiitiq tsangshiq maiqmii riiwe ka ngarai rong arai kharü mong niili sitlo. Maiqse ngutlaq kriika apaiq raq ju bom wa taitlaq, kriiwe dise miishe jaki tlo. Jurwa ngarai rong arai kharü mong na sitlaq, kriika ngarai dise.

Revelation 2:9

Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!

Revelation 3:17

Namshiq ka, ‘Ngi ka chiithe kiimaq rongboq; ngi ka winta sitiikang,’ nguta tiishom ra rai tlan. Shatmaq, namshiq raq, maiqmii ka thümse sang, kiimaq tiinan miishan sitiikai nguta heman! Namshiq ka miitsan, makchuk, kiimaq kheahü sitlan.