TAKSU LAK 13:5 - ASII LAKDAP Bible (BSI)

⁵ Kechu maiqse riika arot akiq saisitlo. Shatmaq abi ati maiqse bom ka, maiqjea asi khushü jamchang.

Hawa Naga Bible 2001

⁵ Kenrix miqsaz htenc rueq vrot vkaq kvjaz kuex shuiuc yaq, layx bac jix htenc bomc vnyamc kuex yvlc svy juing nuiyc muingc bac rvhumc yaq.

TAKSU LAK 13:5 Referencias Cruzadas

Tvtsvmc 119:163

Ngi raq arot akiq bomchong ka pinthum saisi tiikang, shatmaq ngi raq ümtri raütu pinthum lungwii tiikang.

TAKSU LAK 13:4

Riininti riika ümtinkhan rit raü min, lapphaqsiq mak miraq. Minshiiq shiichaqti riika, phanrap phanrii milapphaq siq.

TAKSU LAK 18:3

Nali shut rai nali jeasi rai; manson thodaho munjuk mijuk.

TAKSU LAK 3:35

Taksu maiqse riika, shreng manto milap. Shatmaq angi nolati riika, shummii thoda kli mihophaq.

TAKSU LAK 30:8

Inümaq arot bom, naq tiichongkiq; kiimaq ngi ka chiithehea min, naq tiijakiq miitsan hea min, naq tiijakiq. Ngi ma phaq nai sea, ümchuwa ratlaq kra, khaqkhaq kuq laq.

TAKSU LAK 6:17

Shiikong maklii, arot tili, kiimaq maiqsang tiitsea baiqti matwe,

THARC TVLUINGC 3:8

Apaiq raq arlungwii akhing min tiihongto, arpii akhing min tiihongto; arkhat akhing mi tiihongto, wehea riija akhing min tiihongto.

EJEKIEL 20:43

Kiijiishetiq namshiq raq, namshiq raq ümtinkhan wa maiqjea asi klo wan lan thun kra namtsan mong na midong wan. Kiimaq namshiq raq maiqmii khum ka jamkho tiisheshi baiq wanlan, kriithun ka namtsan mong na midong wan. Namshiq ka maiqmii nai maiqmii kli she mitiitap tang han. Jamkhano ngukla namshiq raq atinkhan ashut klowan wan lan.

EJEKIEL 36:31

Namshiq raq ümtinkhan wa abi rong arai rüm wan lan kra tsan na mitiitsang han kiimaq ajiq ümtinwa klo wan lan kra tsan na mitiitsang han. Lanta namshiq maiqmii raq ümtinkhan wa ngarai tang wan lan kiimaq ashut klo wan lan thun kra tum lanta, maiqmii nai maiqmii riili she agoq apaiq misaisi han.

EJEKIEL 6:9

Kiijaq tsangshiq ka munglu shumwikong ma jaraüta mishong wan. Kiijaq tsangshiq raq Ngi ka tsan na mitiima. Kiimaq Ngi riidea tsangshiq ma mo ka tiihokang kiimaq tsangshiq ma jea tiingaü kang nguta misap. Jamkhano ngukla tsangshiq raq Ngi ma kammak miimbaiqthü raüta sumla phra thun kra shomnoqto. Kiimaq tsangshiq raq maiqphai asi pahea klo wanto kiimaq tsangshiq raq anun ashe jaqsham wanto kra ningkhan, tsangshiq ka thophi riiqphi she miraq.

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

JEKERIA 11:8

Shatmaq ngi ka sku rümti maiq wetsam kriirai, kiq ram wan lot mang she riikang. Tsangtsam raq ngi ka kai ngeng seng wanto. Kriikha niishe, jipi lüshi liipan niili, ngi raq tsangtsam ka ajo riibaiq kang.

Ephesians 4:25

Ümchaü sanha, arot akiq bom chong ka raa mak she! Phungmaiqse liipan na, loweatek raq tengteng bomtsi kli she chong raa tlo. Ara jamkhano chongtiikang ngukla, ümchaü sanha, nashiq tarü ka, Khristo khum na, pum ashi hanshi she sitiikai.

Colossians 3:9

Ashi raq ashi ma, arot akiq bomtsi ka bom raa mak she. Ümchaü sanha namshiq rilung achü ka khum wa, abi rong arai thun rai adam na, chhut baiq lan she.

Revelation 21:8

Shatmaq, haisuti thun, mung shaphaqti thun, maiqse ka lamjiq na shunsheati thun, showe ma jawanti thun, sethoq jawanti thun, maiqwuq maiqlongti thun, sumla noq wanti thun, kiimaq arot akiq bom chong wanti thun ka, tlotli wamungtan na nyiimwin wa ikha nyai tlaq kiijaq mitiidea baiq. Arka thongnai tsai ngutlaq kriishe.”

PHOWEBI 16:11

Kiijiishe apaiq raq treto, “Tsangshiq raq ngi ka raü anye atang tingsang maiq raq shammak shaq kriimaq kha raüla, ngi ka ningkun ahü, nanok ahinti ikha miraq.”