TAKSU LAK 13:16 - ASII LAKDAP Bible (BSI)

¹⁶ Asap atsinti riika, kongkhu tiima raütiitiq jaq shamtlo. Shatmaq maiqjiq ngamphiqti riika, chiihong chiiha gisiitlo.

Hawa Naga Bible 2001

¹⁶ Wvhonc wvtharc jix rueq yauk shuimc phvnx shishiz kuex max shuimx phaungc nuex vhvlx waq tvmaung yaq, yuq muinz miqyaq jix kuex tsuingshiq rueq yvmx muinz tuiuz muq lvmx kuex tvkhic yaq.

TAKSU LAK 13:16 Referencias Cruzadas

Tvtsvmc 112:5

Kechu jonghea jurwa atsiiq namti ma jaqchii maq tiinam kuqtlaq; kiimaq tingting kappe sham raüta piikiitlaqti ma.

TAKSU LAK 14:33

Taksu maiqse tsantsii ka, nyan phaqchi tu. Shatmaq angok angiti riika, nyan phaqchi sapmak.

TAKSU LAK 15:2

Taksu maiqse bomchong ka, ataiti ma phaqchi kran. Shatmaq maiqjiqti bom ka banbokmii.

TAKSU LAK 18:2

Maiqjiq ngamphiqti riika, phanrap asap atsin wan ka tiima mak. Shatmaq apaiq kli asapwe ikha banboktlo.

TAKSU LAK 21:24

Angi nola ngutlaq kriika, ashkong tamli, khünga, ajaq phum rap raüta siti, kiimaq maiq ka maiq ngumak, kra nangnga ngutlo.

THARC TVLUINGC 10:13

Apaiq raq bang bang bomtsi bomphatlo, raüta angi nola jaqsham na sup watlo.

THARC TVLUINGC 10:3

Apaiq ngokngi hon atsii ka tung alam na wanwe riihum raü min, apaiq nai apaiq kra tiichongsiq raüta, nanok apaiq sapmakti riimin apaiq ka angiwe nguta misap.

ISAIA 52:13

Tatiwe raq ngutlo, “Ijaqshise raq apaiq jaqsham na ong wan ruq miraq; apaiq ka maiqse raq pinthum mishreng wan.

Matthew 10:16

“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.

Romans 16:19

Namshiq raq pharangrang maq, Asii Tsütsa ma kamwan tlan kriika, nanok wiitarü raq tai wanto she. Riita, ngi ka ara bomtsi ara tai wan lata, namshiq ma pinthum khoqriiq tiikang. Namshiq ka ahea lamphan lam niika, tsangtsang tsiitsii maq sirong laq. Shatmaq, abi lam phan niika, makchuk nibii ikhiili sironglaq.

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

Ephesians 5:17

Krai mren, angok angi kong ikha naqsi rongkiq. Tatiwe raq namshiq ma jamlai jaqsham wa thaü tlaq, kra sap wan miitu, achu jaü maq si ronglaq.

1 SAMUEL 25:17

Riita, ara bomtsi ara atsi dada maq samhea shiwea laq. Laüta jamlai klo raü jiiwa ahea miraq kra jaqlo klo laq. Riimak jiila, naitijongwe ma kiimaq ajamtitiim ma haisi rasong chang jonghea misi. Apaiq ka atsii ahü, maiqbi ngikhi, maiq rai ritsiti riimak!”

1 SAMUEL 25:25

Mangchan laüta, ara maiqjiq kiimaq angok angiti Nabal akhnok bom ka tsan na naq tiitsangkiq. Apaiq mang liichum ka maiqjiq! Kra phan phan apaiq ka maiqjiq. Shiilangwe lei, ümsengi kong saü wataq akhing na ngi ka kiijaq ahü riikang.