TAKSU LAK 13:13 - ASII LAKDAP Bible (BSI)

¹³ Tsiichong ahea shisheti ka, tsailam mirhum. Shatmaq tri wokhong na siti ka, hansang rakhang misi.

Hawa Naga Bible 2001

¹³ Mkhoc shoc maq mnoz rueq vhvlx honc jungc kvjaz kuex tvlvlc gay ruiux yuq, kuilc daz rvhumc tuiux; phvnx ruiux kuex mnoz kuiyqshuik httax lvp tuiux.

TAKSU LAK 13:13 Referencias Cruzadas

2 KAÜWA WERAÜ 36:16

Shatmaq tsangshiq raq Shiikeawe jaqshibi thun ka shummii laqpiili shipoq baiq wanto. Raüta apaiq bomtsi kra shishe wanto. Kiimaq apaiq shammibi ka naikü sherü li shipoq baiq wanto. Kra ningkhan she atiithum niishe sanha asenginok khuthaq na Tatiwe tsankhiq ka henghea she, tsangshiq lun wan chang lamlu ka ahü she riito.

EJRA 10:3

Riita ara chongtiikai lamlu ka ara. Ümchaü nashiq raq Shiikeawe man na pongnok phan nyungre nai tsangsetiim ka nashiqnok phong wa, ajoshe mirbaiq rong i nguta sinkiitiq kiqkham wan chang she saüto. Naishiq mungmaiqse riika, ümniiraq nai nanok ahinti Shiikeawe aming shreng wantibi raq jamlai aming wa mikuq, kra mitaikai. Shiikeawe tri raq jamlai wa aming kuq tlaq, kra phanphan she misi wan kai.

Tvtsvmc 115:13

Apaiq raq apaiq shrengti loweatek mishmankuq, ajong aran tarü ma mishmankuq.

Tvtsvmc 119:165

Ümthungtri lungwiitibi ka jamlai rahai riimin chhemak tiiwongshat sitlo, kiimaq tsangshiq ka jamlai phan riimin tiidea baiqlot mak she.

Tvtsvmc 19:11

Arthun raq ngi ümjaqshise ma phaqchi kuqtlo; ngi raq kriithun ka lang wan kha na ngi ma poksi kuqto.

Tvtsvmc 19:12

Jurmin maiqmii shutphit thun ka chhimak; ngi tiichhiilaq, Tatiwe lei, sap mang shutphit thun wa!

DUNGWVNC 9:20

Hokhamwe sengi ajong alabi wiijam ka Tatiwe bom chong kra tai raüta ahai riito. Kiimaq tsangshiq raq maiqmii disetiim nai nyamse kong thun ka tiip mong na thü wanto.

TAKSU LAK 1:25

Ümniiraq itsii chong shishe wan laü, kiimaq ümchuwa tsat-son wan kang, kra wiita tai maü tlea wanlaü;

TAKSU LAK 13:12

Maklii khamthii aran siq kra, saüwa mak raüla, tsaiji tiikom pot riitlo. Shatmaq ranphan tsantsii ka, tiinyili saüwa raüla, tsaiji kongtampuqshi riitlo.

TAKSU LAK 13:21

Ashut kiimungti ka ümbana kiraü min, chamchaoli mirhum. Shatmaq kechu maiqse miika, shiiman kechu mikuq.

TAKSU LAK 16:20

Ümniima jamlai wa shrinkuqtaq, kra tsapkapkap tsan na rümlaq, kra haüla phanrap mi ong haü. Tatiwe ma kamlaq; Raüla khoqriiq shishiiq misi haü.

TAKSU LAK 19:16

Shiikeawe aming langti, rilung alu misi. Langmakti rilung atoq miraq.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

JEREMIA 43:2

Kiijiishe Hoshaia se Ajaria kiimaq Karea se Johanan kiimaq mungmaiqse phong wa ashkongtamli siti kong rai adam maq ikiq ka akhiishe khiito, “Ümniika arot. Tatiwe nashiq Shiikeawe raq ümniika naishiq ma Ejip mung na naqsiki rongkiq nguta tiichongki mak.

EJEKIEL 20:13

Shatmaq tsangshiq riika kra kumtsaiphii rumnyangkhi mung miimin lanlaqlaq ikiq khü wanto. Tsangshiq raq ithungtri raütu thun kra jin wanto. Kiimaq Ngi raq akuqha iming raütu jurwa langtlaq kriiti ma rilung tsitsü keti thun kra wiita shishe baiq wanto. Tsangshiq raq Asii Niitiitsak Ranaiq tri ka tiisiirai tiisheshi baiq wanto. Ngi raq tsangshiq ma itsankhiq walü heng kra kumtsaiphii mung kiijaq tiichhi kuqla lata tsangshiq ka tiisiirai tiijiimbaiqla nguta tiima kang.

EJEKIEL 20:16

Ngi raq kra kiqkham kang ka jamkhano khamkang ngukla, tsangshiq raq Ngi raq akuqha aming raütu thun ka langmak no na tsuqbaiq wanto. Kiimaq itri raütu thun ka wiita jinbaiq wanto. Kiimaq Asii Niitiitsak Ranaiq ka wiita tiishe shibaiq wanto. Tsangshiq riika tsangshiq sumla phra thun kriili khoti shomnoq wanto.

EJEKIEL 20:24

Ngi raq ara jamkhano sinkham kang ngukla tsangshiq raq Ngi aming raüta thun kra wiita shishe wanto. Raüta itri raütu thun ka wiita jinbaiq wanto. Kiimaq Asii Niitiitsak Ranaiq ka wiita tiisheshi baiq wanto. Raüta tsangtitiim pat na shomnoq wantaq sumla phra thun kra shomnoq wanto.

MALAKI 3:16

Kiijiishe Tatiwe ma tiihai shat maq siti liipan na bom ka riichongto. Kiimaq Tatiwe riimin tsangshiq bom ka taito. Kiimaq tsangshiq raq jamlai wa chongtaq kra trekuqto. Raüta Tatiwe raq apaiq ma haisong tsantsii thüti, kiimaq apaiq shrengti miitu lakdam ashi na akha waiqthüto.

WEAWEA 15:31

Jamkhano ngukla Tatiwe raq jamlai wa chongtaq kra apaiq raq shisheto. Kiimaq apaiq raq sapshat taü maq tam lam lam maq Tatiwe aming thun wa aming ashi kra jinto. Krai mren, apaiq miisaq thumtlaq kha ka apaiq khupo niili miraq.

Matthew 5:12

Namshiq ka khoqriiq shishiiq miili sironglaq. Jamkhano ngukla namshiq miitu ramungtan na poksi jonghea thütlo. Namshiq ma kongkhu pat wa shammibi min la akhiisii dea tiichamchao wanto.”

Luke 16:31

Shatmaq, Abraham raq treto, ‘Tsangshiq raq Mosheq nai shammibi bomchong kra lang mak jiika, maiq ama wa ashi ra dong wan raüta chongkuqki raü jiimin, tsangshiq tsantsii ka klai mak dongdii miraq.’ ”

2 John 1:8

Arkha maq, namshiq ka honkam shat maq sirong laq. Naishiq raq ümchuwa hun nü wan kai kra atu na moki mak chang miitu, shatmaq nashiq raq poksi kra kunkun lap wan li chang, honkam shat maq sirong laq.