TAKSU LAK 12:5 - ASII LAKDAP Bible (BSI)

⁵ Mittingti raq ümniika, maklii shi maq miliikuq. Shatmaq laopha maiqse riika, ümniili milaophaq.

Hawa Naga Bible 2001

⁵ Kenrix miqsaz htenc mnoz kuex rungrungx raraz maq konjonz kv-phux; layx bac jix htenc rueq kuex mnoz laulawc svy tvkoc dvyx roc yaq.

TAKSU LAK 12:5 Referencias Cruzadas

Tvtsvmc 119:15

Ngi raq ümtsiichong bomtsi thun ka aheawiq maq phattiikang; ngi raq ümniiraq ashrinkuqhaü bomtsi ka aheawiq maq siditiikang.

Tvtsvmc 139:23

Ngi ara sidilaq, O Shiikeawe lei, laüta itsan mong na jamlaiwa kra khot-laq; laüta ngi ara shinlaq, laüta itsan tsii kra wiita khonlaq!

TAKSU LAK 11:23

Kechu maiqse raq jamlai wa lungwii tlaq, kriika lamlu ahea na suptlo. Shatmaq ajiq kloti raq jamlai wa rittlaq, kra lap haüla, maiq wiitarü ma tsankhiq chang saütlo.

TAKSU LAK 12:4

Ajamtinyung maiqshaq raüla, ajamtiwe ma khushü kiimaq chochi. Shatmaq tsangwe ma jea tiingaüti ka, tsangwe ma arii na anam tsi ikha.

TAKSU LAK 12:6

Lule kloti bomtsi ka, maiq tiidea chang thiikho. Shatmaq kechu maiqse bomtsi ka, maiq adea wan wa tiichhiiketi.

TAKSU LAK 14:8

Taksu maiqse ka jaro khonglaq? Jamkhano ngukla apaiq ka phanrap asap. Maiqjiqti ka jaro ngitla? Jamkhano ngukla apaiq ka, asap atsinwe nguta tiima tlaq kata.

TAKSU LAK 24:9

Maiqjiqti raq jamlai wa kiimungtlaq, kriika ngarai. Maiq shummiiti ka nanok raq, saisitlo.

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

JEREMIA 4:14

Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

JEREMIA 9:3

Tsangshiq ka wranaiqshe arot akiq chongtikong; mung na tingting chong rii na ajok aliiq kli chongtlo. Tatiwe raq ngutlo, “Isenginok raq phanshi abi klojai maq abi phanshi maq tiipatlo, kiimaq tsangshiq raq ngi ka tsang Shiikeawe nguta sap mak.”

JEREMIA 9:5

Tsangshiq tarü ka kongti laoliiti siisaq, kiimaq jurmin tengteng bomtsi chongmak; tsangshiq tilika arot bomchong miitu atiingam reawishe, kiimaq tsangshiq raq ngarai tang ka tsaq mak phan. Tsangshiq riika mat atsa ka ashi tanghoholi riitlo, kiimaq maiq ka bashi wa laohoho li she sitlo. Tatiwe nga asenginok raq apaiq ka shishe baiqto she ngutlo.

Matthew 2:16

Herod raq shedong mung wa aki wanwetiim raq apaiq ka laoratto ngutiishe sapraüta, apaiq ka kai khiqto. Kiimaq apaiq raq Bethlehem chela na siti nai kra tro binjü na siti maiqwe sere, arawii wiinai nai wiinai takiq na ümchuwa siwan tlaq kra tsea baiq miitu aming kuqto. Apaiq raq ara aming kuqtaq arka wanwetiim raq raiqsaiqpo chhitaq akhing rahiq jipi kra shiiton raüta aming kuqto.

Matthew 26:4

Raüta tsangshiq raq Jesuq ka ahukse maq lap raüta tsea baiq chang nguta kiq rito.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

2 Corinthians 4:2

Naishiq raq ahuk arot nai jeasi miari sham akai ngutlaq kriika ümchaü sanha wiita baiq kaishe. Naishiq raq maiq ka laolii mai phan. Kiimaq Shiikeawe bomtsi ka trotkiq mai phan. Naishiq ka Shiikeawe apaiq maklii na tengman tlaq bomtsi kra kholam kholiiq, tantan maq chongkuq tiikai. Kiimaq wiitarü man na, naishiq tiima tsantsii ka wüjangjang hea maq sitiikai.