TAKSU LAK 12:26 - ASII LAKDAP Bible (BSI)

²⁶ Kechu maiqse ka, kongti ma tsii chongketi. Shatmaq ajiq kiimungti rilung ka, kongti lamjiq na sheati.

Hawa Naga Bible 2001

²⁶ Tsuingrux jix rueq vkungjix waz muex lvmx shvlx kuq thenc yaq, yuq muinz layx bac jix rueq kungjix muex lvmx shvlc tvyaq kuq yaq.

TAKSU LAK 12:26 Referencias Cruzadas

Tvtsvmc 16:3

Tatiwe sengi awokhong na siti ka pinthum athuk atsom! Ngi ma ajong pinthum peo ka tsangshiq rai adam singa kra.

TAKSU LAK 12:13

Abiwe bom ka apaiq dea chang thiikho, Shatmaq mitting maiqse ka, thiikho na dea mak luntlo.

TAKSU LAK 12:25

Chapa tsi riika maiqse tsaiji tran tlo; Shatmaq tsaido jido bomtsi riika, tsaiji kongtam puqshi tiijongtlo.

TAKSU LAK 12:27

Roknin riishinti riika, atsan na jamlai wa hangtlaq kra, arilung na lap lot mak. Shatmaq jurwa jaqsham shiichaq tlaq, kriiti ka chiithe lüwa ma mija.

TAKSU LAK 14:22

Nanok ma ahea jaqsham kuq haü la, shreng manto milaphaü. Kiimaq maiq raq ümniima mitlam. Shatmaq abi kiimung tlaü jiila, kriika ashut klo tlaü.

TAKSU LAK 16:29

Matsaü tsase raq, akongti lamjiq na sheahotlo; raüta tsailam thiikho na tiidea baiqtlo.

TAKSU LAK 17:27

Phanrap asap amati riika achan bom mak; stiq skhaq raüta bomti ka taksu maiqse.

1 John 2:26

Namshiq ka lamjiq nü na laolii hohai jiilei nguta tankhanti maiq ka asi. Namshiq ka tsangshiq thiikho na dea man chang miitu, ngi raq ara waiq tiikang.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.