TAKSU LAK 12:21 - ASII LAKDAP Bible (BSI)

²¹ Kechu maiqse miika tsaimiq khusiq chamchao saü mak. Shatmaq maiq ma ashut kiimungti miika, chamchao sangrai miili rilung misung.

Hawa Naga Bible 2001

²¹ Tsuingrux jix kuex vbac phvnx yvmx muinz rvhumc tuex rvmuq, yuq muinz layx bac jix kuex kuilc daz juing rulc rvhumc tuex.

TAKSU LAK 12:21 Referencias Cruzadas

Tvtsvmc 121:7

Tatiwe raq ümniika wiita ahaisong chang wa mikhup wongkuq; apaiq raq ümrilung ka tiiwongshat miraq.

Tvtsvmc 91:10

kriikha na tsaimiq khusiq ümdü na saümak miraq, jasam piqsii ümjam tho na saümak miraq.

TAKSU LAK 1:31

Kra ningkhan ümniiraq jamlai phan lapchang wa, kra phan kli milap wan haü, Ümniiraq jamlai jaq wa sham laü, kra tsingo ka phaqsiq laütli she mibii haü.

TAKSU LAK 1:33

Shatmaq jurwa ibom chong taitlaq, Kriiti ka khu asang maq misi. Apaiq ka tiikhup wong shat miraq. Kiimaq apaiq haisong chang, jammin ahü she.”

TAKSU LAK 11:21

Kamto maq khelaüta silaq, ajiq kloti ka mitsa sha wan dongdii. Shatmaq kechu maiqse ka, khup wongkuq shat miraq.

TAKSU LAK 12:20

Abi kiimungti tiibitaqli mithenki, Shatmaq ahea kiimung jaqshamti ka, khoqriiq shishiiq misi.

TAKSU LAK 14:14

Ashut kloti riika ashut thiitham milap; Kiimaq maiqphaqti riika, apaiq raq ahea shamtaq kra miitu poksi milap.

TAKSU LAK 19:23

Tatiwe wokhong na silaq, raüla rilung alu misihaü. Tsankhun maq nai, hansang maq misihaü.

THARC TVLUINGC 7:18

Thittlai phok jamlai min naqklokiq. Ümniiraq Shiikeawe ma haisong tsantsii rümhaü jiila, jamlai wa klo tlaü kra ong wan ruq mirhaü.

THARC TVLUINGC 8:5

Hokham aming lang laüta sihaü jiila, ümniima jam haisong chang ahü, tiiwong shat misi haü. Taksu maiqse riika ümra akhing na jamlai klo chang wa kiimaq jamkhii klo chang wa kra asap.

HABAKUK 2:16

Ümniika jeasi khatamshi, bu laütiishe misi haü. Ümkhushü jonglu rii na, maiq tho dali she miho haü. Ümjaq na chamchao chekok sham laüta, mibak nyang wan haü. Laüta atiimeshi min lot maü, migamgu wan haü! Tatiwe raq ümnaq tiichamchao chang, chekok mitiinyang wan. Raüta ümkhushü jong ka, jea rai li she mitiiche wan.

Romans 8:28

Nashiq raq asap i, Shiikeawe lungwii wanti maiqse ümchuwa siwa tlaq, kriiti miitu ka, apaiq raq phanrap phanrii na, ahea miituli klo wan tlo. Arka Shiikeawe apaiq raq, maiqse ümchuwa, apaiq raq jamlai phan wa thapthi wantaq, kra tiikupi wan miitu, hea wantiiti thun kra miitu chongtlo.

2 Corinthians 4:17

Ümchaü nashiq raq chamchao litkot lea wan tiikai arka alose miituli. Kiimaq arthun chamchao arka jai na nashiq raq lap wan chang sitlaq kiimaq thi hai jiika aranseli. Ara chamchao tiikai ara tsingo ka, rawiichii nashiq raq rahea, jonghea phan lap wan chang sitlo. Kriika pattup thenki mak phan. Kiimaq nashiq raq pattup pat-sa rilung milap wan rong i. Laita Shiikeawe rai adam na misi rong i.

1 Peter 3:13

Ikhiijiika, namshiq raq athuk atsom jaqsham wan miituli, namtsan tiitsi lanta si han jiika, namshiq ma abi kiimung wanti ka misi sha?

Revelation 18:6

Apaiq raq namshiq haihii wantaq, kiikha apaiq haihü ronglaq. Apaiq raq ümchuwa ngarai tang wantaq, thepliip maq apaiq khap na tsümkuq rong laq!