TAKSU LAK 12:13 - ASII LAKDAP Bible (BSI)

¹³ Abiwe bom ka apaiq dea chang thiikho, Shatmaq mitting maiqse ka, thiikho na dea mak luntlo.

Hawa Naga Bible 2001

¹³ Layx bac jix waz kuex piq bomc vnyamc nuex vkhvrc buinc httax yaq, yuq muinz kenrix jix miqsaz kuex vkuilc vdaz mungx wawc piq pumz dung wvnc yaq.

TAKSU LAK 12:13 Referencias Cruzadas

RAPHA HIQWA LAK 48:16

Ngi phanrap chamchao mong wa khupwongke wanti rase raq tsangnai ka mishman kuq laq! Imang chong nai iwe Abraham kiimaq Isak mang chong ka ara nono nai ara lümaq siruq misi wan laq! Tsangnai setiim nai asaütiim ka pahea mipuchi wan laq!”

2 SAMUEL 4:9

Kiijiishe Dawit raq tsangnai bom ka akha treto, “Ngi raq ümchaü atra Tatiwe mang na, ngi ka phanrap haisi rasong mong wa tiichhii wantiwe mang na sinkham lata ngutiikang!

1 HOKHVMX 2:23

Kra nguraütiishe Solomon raq Tatiwe mang na atiitum raütiishe, “Adonija raq ijaq wa ara jaütaq arkha na, ngi raq apaiq ka tiitsailaq tsat baiq mangla riiha jiila, Shiikeawe raq ngi armin tiitsailaq mitsat baiqlaq!

Tvtsvmc 34:19

Maiqshaqti ka chamchao pahea riihumtlo, shatmaq Tatiwe raq apaiq ka kriithun wiita wa tiichhii kuqtlo;

Tvtsvmc 34:20

Tatiwe raq akhum ka kunli tiiwongtlo; arok arii ashi min tiingoq mak riito.

Tvtsvmc 5:6

Ümniiraq arot akiqti thun wiita shiithenbaiq tlaü kiimaq matsaü tsaseti nai laopha maiqse thun saisi tlaü.

Tvtsvmc 59:12

Tsangtili na ngaraibu phong, tsang bomtsi ka ngarai tamli; Tsangshiq ka tsang shiikongtam riili mibiilaq! Jamkhano ngukla tsangshiq raq mansontlo kiimaq arot chongtlo,

Tvtsvmc 59:13

ümtsankhiq walü maq tsangshiq ka tiikhiim chaqlaq; tsangshiq ka laimiq miishe tiijabaiqlaq. Kra riihaütiq mangjong maiqse tlotli raq Shiikeawe ka Israil mung pengti dea, kiimaq mangjong tlotli ka apaiq riili pengtlo nguta misap wan.

Tvtsvmc 64:8

Apaiq raq tsangshiq ka kriithun bombi bom kha na mishthenbaiq; tsangshiq then wan chhitibi thun raq tokbai laqlaq miraq.

TAKSU LAK 10:8

Maiqshaqti raq tsii achong kuq ka langtlo; Shatmaq angi nola banbokti ka, maiqmiili mimiq phaq.

TAKSU LAK 11:8

Kechu maiqse ka chamchao wa tiiwong kuqtlo. Shatmaq ashutwe kra khoti deawatlo.

TAKSU LAK 15:2

Taksu maiqse bomchong ka, ataiti ma phaqchi kran. Shatmaq maiqjiqti bom ka banbokmii.

TAKSU LAK 18:21

Maiqse raq anübok maq, jamlai wa bomtlaq; kriiriili rilung mikuq, riimak la tsailam na misheaho. Kra tsi ka maiqmii raq sea chang miraq.

TAKSU LAK 21:23

Mobom bommakti raq, tsa niq mak.

TAKSU LAK 6:2

Ümbom niili dea shea minrai laü, ümkiq kham thiikho niili dea shea thap wa laü?

THARC TVLUINGC 7:18

Thittlai phok jamlai min naqklokiq. Ümniiraq Shiikeawe ma haisong tsantsii rümhaü jiila, jamlai wa klo tlaü kra ong wan ruq mirhaü.

DANIEL 6:24

Kiijiishe, hokhamwe raq Daniel ma kha nyantibi maiq thun ka wiitarü lap wa rongkiq nguta aming kuqto. Raüta tsangshiq ka tsangshiq chak asetiim wiita nongnong miishe lapho raüta, hangsikong raq ama sitlaq khobok mong kiiniishe dobaiqto. Tsangshiq ka hangsikhok shamong hiq na misaü shaq liipan kiiwiili, hangsikong raq phiim rang raüta, arok arii bunlak buncha kaqphaq hoto.

Matthew 27:25

Kiijiishe mungmaiqse raq, “Apaiq tsaitlaq mat kha ka naishiq khuthaq na nai naisaü naisetiim khuthaq na mirlaq!” nguta treto.

2 Peter 2:9

Arthun manphan arwa nashiq raq sap tiikai, Shiikeawe raq kechu maiqse ka tsangshiq rilung na chamchao maitai ümtinkhan wa riihum tlaq kiiwa, jamkhii tiichhiike wan chang wa kra asap. Kiimahali Shiikeawe riika ngarai maiqsetiim ka kharü maq kha raüta, Phangthum Khapho Ranaiq miitu thü wan tlo.