TAKSU LAK 12:1 - ASII LAKDAP Bible (BSI)

¹ Phaqchi saproti riika, ashut raüjaq atrantsii lungwiitlo. Maiqjiqti riika atrantsii raüjaq athai riitlo.

Hawa Naga Bible 2001

¹ Miqmac yaq tix nuex tvhonc tvtharc kuy roc jix ukhaq yuq muinz phaqjic roc yaq. Tvhonc tvtharc kuy lvmx shuiuc jix waz kuex miqyaq rvtueq.

TAKSU LAK 12:1 Referencias Cruzadas

Tvtsvmc 119:27

Ngi raq ümtri raütu sap wan miitu khrumlaq, haüla ümniiraq amao chang shrinkuqtlaü kra ngi raq atsaü maq mishi weaha.

Tvtsvmc 141:5

Maiqshaqti raq ngi ma mangchan raüta ngi ma mo mitiiholaq kiimaq ason ango mirlaq, shatmaq abi maiqse raq ngi shrengtlaq kriika taomang. Jamkhano ngukla tsangshiq raq wranaiqshe ashut klotlaq kra miitu ngi raq achu jaütiikang.

Tvtsvmc 32:9

Kumrang ikha riimakla kumshot kaü ikha tsiihü naqja rongkiq, tsangshiq ka jinpo tiikaq raüta nai ngamkhü shinket maq hitraütiitiq tiikhum chang.”

Tvtsvmc 50:17

Ngi raq ümniima tsii chongkuq phata akhii riilaü; ümniiraq ngi aming raütu no na tsuq baiqlaü.

Tvtsvmc 92:6

Arka angok angiti raq saplot mak; maiqjiqwe raq taklot mak;

TAKSU LAK 10:8

Maiqshaqti raq tsii achong kuq ka langtlo; Shatmaq angi nola banbokti ka, maiqmiili mimiq phaq.

TAKSU LAK 11:31

Kechu maiqse raq mangjonghiq miili, poksi lapwan tlaq jiika, abi kloti nai ngarai tangti riika, chamchao mo ka miho dongdii.

TAKSU LAK 12:2

Tatiwe raq maiqheati ka lungwiitlo; Shatmaq abi kiimungti ka tiishuttlo.

TAKSU LAK 15:10

Ümniiraq ashut klo raüla, ümniiraq sintsang laihea miho haü. Atsii achongkuq kra tai maü raüla, ümniika atsai mirhaü.

TAKSU LAK 18:1

Honbi liititi ka maiq rai, ümtiikiimin rimak phan; maiqmii laqlaqseli tiitak ngatlo. Nanok raq riikhaqli bom chongtlaq kra, tairo mak phan.

TAKSU LAK 30:2

Ngi ka ralang ngamtam kaü ikhli, taksu tsii ahü. Maiqse raq taksu tsii rümtlaq ka, ngi raq sap mang.

TAKSU LAK 8:17

Ngi lungwiiti ka ngi riimin lungwii tiikang, Jurwa ngi rittlaq kriiti raq ngi mihum.

TAKSU LAK 8:32

“Riita ümchaü min, jerobi lei, i bomchong ara tairong laq. Ngi raq chongtiikang arphan phan klo ronglaq, han jiila namshiq ka chochikhiq misi han.

TAKSU LAK 8:36

Jurwa ngi hummak dea, kriiwe ka mo hophaqtlo, jurwa ngi ngengtlaq, kriiti ka tsailam lungwiitlo.

ISAIA 1:3

Jam nyamsekong riika atati asap. Kiimaq kumtoq kong riimin atijongwe raq tsangshiq dung changba ka asap. Tsangshiq riika isenginok Israilnok raq Ngi saptlaq kriithaq na achan tsangshiq riimti ka saptlo. Shatmaq Israilnok raq Ngi ka akhiismin sapmak dongdii.”

LEWI 13:10

Apaiq raq kriiwe khum ka mishri ra lii. Riita kriiwe khum wa ami ka lüdiidii akhü na mitlaq jiila, raüta ami ba wa abin thun ka lüdiidii la jiila, kiimaq kra ami ba ka atsam asi jiila,

2 Thessalonians 2:10

Raüta, kra thun jaqsham ka chhi raüta, juwa wamungtan na kaihoti sitlaq thun ka, lamjiq nü niishe milaoho. Tsangshiq tiichhii wan chang, Tsütsa Ahea ka tsangshiq ma chongkuqto. Shatmaq, tsangshiq raq tao mak, shishe wan kha maq, Shiikeawe raq tsangshiq ka wamungtan na michaq baiq. Raüta, mishthen baiq.