TAKSU LAK 11:4 - ASII LAKDAP Bible (BSI)

⁴ Ningthoi ranaiq tsiiqtum raq, ümrilung tiichhii lot mak. Kechu jaqsham raq üm rilung mitiichhiilot.

Hawa Naga Bible 2001

⁴ Vthueyc nuex mhtvlx tvmuiz shuiux raungnuiyq tsak vnyvmx rueq mnoz muex yvmx muinz rvkuq lot muq, yuq muinz vtsuing vrux rueq mrullungx kuex palc wvnc lot shuex.

TAKSU LAK 11:4 Referencias Cruzadas

RAPHA HIQWA LAK 7:1

Tatiwe raq Nowaq ma nguto, “Ümjamtitiim tarü nong nong maq lai na düwakiq. Ngi raq mangjong tlot li na ümniili riikhaqli kloti mitting maiqse humkang.

YOBA 20:28

Atsiiq tum thun tlotli ka miqchup mishthen baiq Shiikeawe tsankhiq walü raq mikhiim baiq.

TAKSU LAK 10:2

Maiqlao raüta alap tsiiqtum ka ümniima amet ahü. Shatmaq tingting jaqsham riika rilung mitiichhii.

TAKSU LAK 12:28

Kechu jaqsham ka rilung lam, Shatmaq abi kiimung ka atsai kai lam.

TAKSU LAK 6:34

Apewe tsankhiq ka walü wa ikha miraq, kiimaq apewe raq ajaqtiwe jam ka midaqki.

ISAIA 10:3

Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

EJEKIEL 14:14

Kiijaq kra maiq wetsam, Nowaq, Daniel kiimaq Job kra asi nguraü min, tsangshiq kechu riilung riika tsangshiq maiqmii khum lamlam kli mitiichhii wan lot.” Arka Ngi, Tati Rakaü Hiqwe raq ngutiikang.

EJEKIEL 7:19

Tsangshiq raq tsang tsiiq chaq nai kampho thun ka lam thun kiijaq hiq tili sinchiitsap tsuqbaiq tlaq ikhli she mitsuqbaiq. Jamkhano ngukla Tatiwe raq atsankhiq walü tu tsangshiq khuthaq na nyuktlaq kra wiika tsangshiq tsiiq anyam raq tsangshiq ka tiichhii kuq wan lot mak. Tsangshiq raq tsiiq nai nyam ka shaphaq raüta maiqmii raq aroro polosiq lot mak she. Kiimaq tsangwok poka tiidunglot mak she. Chaq nai kampho raq tsangshiq ka ngarai mong na tiidea baiqto.

JEPHANIA 1:18

Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.

Matthew 16:26

Maiq weshi raq mangjong tlotli ka lap wan raü jiimin, apaiq tsitsü ka tiimo baiq raü jiika jamlai liip wa misi? Ahü, jamliip min ahü! Apaiq tsitsü ka thongshi lapkai nong miitu jamlai min kuqwanlot mak she miraq.

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

Romans 5:17

Riita, bomchong ka tengto. Maiq weshi Atam raq ngarai ka tangto. Raüta tsailam kilü ka tan wanto. Krai mren, atsai ningkun raq maiqse angu kunli ka jamsha wanto. Shatmaq, kra thaq na kaü raüta, ajong ahea pinthum ka, maiq weshi Jesuq Khristo pum lümaq kilü jonghea ashi she dikuq wanto. Kriika nü maq achong lot mai chang, jonghea pinthum she riito! Maiqse ümchu riiwa, Shiikeawe raq akuq wan, apaiq ramkhap wa asho awo achu shiiman kra lap wantaq, raüta Shiikeawe raq phe maq tsangshiq ka, apaiq rai wehea she nguta, ajam na tiidii wantaq, kriiti thun raq Jesuq Khristo pum lümaq, tsangshiq rilung na phanrap tang wan ruq raüta, srea nola rilung she misi wan.

1 Timothy 4:8

Nashiq raq han-ngam maq ümchuwa jaqsham tiikai ara riika, nashiq han-ngam khum ara aphin tiija tlo. Narii tiihong tlo. Shatmaq, arthaq na kaü raüta, athii atsin ka, nashiq raq kamasham jaqsham tiikai ahata rahea phan jaqsham. Ara riika, nashiq rilung na, phanrap lam na awongsii ma tiija wan tlo. Kriika, ara mangjong han-ngam miituli min riimak. Rawiichii nashiq wenyi rilung miitu amet jonghea tiitsingo wan tlo.