TAKSU LAK 11:10 - ASII LAKDAP Bible (BSI)

¹⁰ Kechu maiqse khusang siraüla, chelati chojong chise miraq. Shatmaq mungphaqti tsai raüla, mungmaiqse ka adoqhaha michochi.

Hawa Naga Bible 2001

¹⁰ Vtsuing vrux jix miqsaz htenc phoay rungx ruiux yuq wvghaq tuimx kokez wuez yaq, layx bac jix miq thueyc kaz ruiux yuq kuex ghaqyungx kvyuq vkoz vkez guyc sez wuez yaq.

TAKSU LAK 11:10 Referencias Cruzadas

2 HOKHVMX 11:20

Mungmaiqse thun tarü ka pinthum khoqriiqto. Kiimaq Jerusalem chela ka sangli li heashe riito. Jamkhano ngukla Athalia ri hokhamwe jam wa atseabaiq wishe.

2 KAÜWA WERAÜ 23:13

Kiijaq apaiq raq anye hokhamwe ka Shomjam kilamchong tho na, hokhambi ngachang pong na araithü ba khamchong thun tho na achap raü chhito. Kiimaq apaiq trotam na phentu jongbi thun nai paison lerong tsütibi thun ka chhito. Mungmaiqse kunli ka chojong chise, paison lerong thun kra tsü raüta agi asii watrang riito. Kiimaq shomjam na ashi ashuntibi thun ka tsangshiq jaq na atsii angii chang thun kra doraq chhaq maq kra poi jong klo kra lamshea riito. Apaiq raq kra chhi raüta adü na asam miirii khea kra atsan bitsi ma chaiham chaihea chai baiqto. Kiimaq, “Arka mung shaphaq! Arka mung shaphaq!” nguta tiihong raüta gito.

2 KAÜWA WERAÜ 23:21

Mungmaiqse kunli ka kai khoqriiq shishiiq riito. Kiimaq chela ka sangli li hea riito. Athalia ri atsea baiq wishe.

YOBA 27:23

Tsangshiq ajurai kiiwiili rathaiq raq tsitsü tiihea lap mak tiiphiip miijiip mishthen baiq wan.

DUNGWVNC 15:21

Miriam raq tsangshiq ma akha shito: “Shironglaq Tatiwe ma, apaiq raq khushü jonghea rekhat tangto; apaiq raq kumrang kong nai achaoti thun khamjong chum na dobaiqto.”

TAKSU LAK 11:11

Kechu maiqse raq ramram kuqhaüla, chelati ka pinthum mijonglu wan. Shatmaq abi kiimungti bom maq, chela ka mishthen baiq.

TAKSU LAK 28:12

Kechu maiqse raq mung peng raüla, mungmaiqse chochitlo; shatmaq wela abi raq mung peng raüla, mungmaiqse pahea, atiipaü riitlo.

TAKSU LAK 28:28

Mungtu abiwe raq, mung peng raüla, mungmaiqse ka atiipaü miraq. Shatmaq apaiq ngacho wa dea wa jai na, kechu maiqse raq mung mipeng nong.

TAKSU LAK 29:2

Kechu maiqse raq, mung peng raüla, mungmaiqse michochi. Shatmaq mung pengti ka, abi raüla, mungmaiqse ka, aho anyi riichanchan miraq.

JEREMIA 51:48

Bebilon mungti ka shekhu nü mung wa re saüho raüta tiisiirai mishthenbaiq. Kra chhi raüta ara mangjong hiq na sitlaq wiitsitsü phan kunli raq kiimaq ra na siti kunli raq pinthum chojong chise she misiitrang.

PHOWEBI 5:31

Riita ümjaqtinok thun ka, kiikha siisaq mitsai laq, O Tatiwe lei, shatmaq ümkhi ümlubi thun ka, rashekaü dong wan tlaq ikha, ali aliim michhai wan laq! Kiimaq mung na wiiroqblai mung atsing maq sito.