TAKSU LAK 10:6 - ASII LAKDAP Bible (BSI)

⁶ Kechu maiqse riika achu shiiman milap; Shatmaq maiqjiqwe riika, tatso niq chang bomli bomtlo.

Hawa Naga Bible 2001

⁶ Miq hvlx jix waz rueq ruimrix kejux kuex lvp wvnc shuex. Layx bac jix waz kvjaz htenc rueq yauk laungc yalawx yauk shuimc kuex puingc pvy taq yaq.

TAKSU LAK 10:6 Referencias Cruzadas

ESTHAR 7:8

Hokhamwe ka hokham jamkea na pepü sonruk mong maq jam mong na dungsea chang khok na hali jang wa nongto. Kiijaq apaiq raq Haman ka hokhamnyung Esthar ka sopha na tiinin ngaraü kiijaq biihiim bumraü she lowanto. Hokhamwe raq kra chhi raüta, “O, arwe raq ara imakki na, ijam mong maq, hokhamnyung ka haihiila ngutiiwa dantla?” Hokhamwe raq kra bomtsi ka chongri, tsangshiq raq Haman theaphi ka khupsaq riito.

YOBA 29:13

Chamchao sangrai maiqsetiim raq ngi li shomra wanto, kiimaq ngi raq manti-nyungre ka tiikhup wongkuq kang.

Tvtsvmc 107:42

Kechu maiqse raq arthun ara chhitlo raüta chochitlo, shatmaq abi kiimungti ka kaishak tiingabaiqto.

TAKSU LAK 10:11

Kechu maiqse bom chong ka rilung tsitsü; Shatmaq ashut kiimungti riika, tatso wawoli niqtlo.

TAKSU LAK 10:5

Atsii asiwe raq tsam ka, akhing riikhaqli na juttlo; Shatmaq tsamjutcho na, akon seatiwe riika jeali ngaütlo.

TAKSU LAK 11:26

Jurwa nokwe ma tsam shakuq mak, athii tiitsin ma khetlaq, kriiti raq maiq manson miho. Shatmaq kechu jonghea jurwa, nokwe ma tsam shakuq tlaq.

TAKSU LAK 24:25

Shatmaq phowebi, tri riikhaqli maq phoketi ka, chiithe ma mija wan, kiimaq mangchong ahea miraq.

TAKSU LAK 28:20

Tingting maq siti ka, rilung alu misi. Shatmaq jurwa chiithe ja, taülaü tlaq kriiti ka, moho raüta mitsai.

TAKSU LAK 3:33

Tatiwe manson ka, ashut ashaiti jamkun na sitlo. Shatmaq apaiq ramram ka, kechu maiqsetiim jamkun na saütlo.

ISAIA 3:10

Kechu maiqse thun ka chochikhiq miraq. Kiimaq tsangshiq miitu ka phanrap lam na ahea miraq. Tsangshiq ka tsangshiq jaq maq jamlai min wa shiiq wantaq kra tsingo ka chochikhiq maq miphaq siq wan.

Obadia 1:10

“Jamkhano ngukla ümniiraq, Jakob saüse thun ka khat laüta, jiipbaiq laü. Ümniika mitiijiipbaiq, raüta pattup miitu jea mingaü haü.

Romans 3:19

Riita, ümchaü nashiq raq asap i, Thungtri sitlaq kriika, juwa Thungtri wokhong na misi rong i nguta sitlaq, kriiti miitu sitlo. Ara Thungtri sitlaq arka, maiqse angu raq jamkiq khii chang ahü she mirlaq nguta sitlo. Thungtri sitlaq kriika, mangjong maiqse hiq maq hutse Shiikeawe rung na tiichap miitu sitlo.

TRI CHONGKE 28:2

Tatiwe üm Shiikeawe aming kra lang laüta apaiq wokhong na silaq. Kra riihaüla, arjaq chongtlaq thun achu shiiman arka ümniima miraq: