TAKSU LAK 10:17 - ASII LAKDAP Bible (BSI)

¹⁷ Jurwa tsii chong bomtsi tiitsang taitlaq, kriiti ka rilung alu misi. Shatmaq jurwa tsii chong ason, athai riitlaq kriitika, lamjiq na mikiho.

Hawa Naga Bible 2001

¹⁷ Tvrux tvpvnz kvjaz tay jix miqsaz htenc kuex rullungx tvraungx yaq, vyaq mvrax kvjungc muq jix htenc kuex kvhiz juing rvhumc tuex.

TAKSU LAK 10:17 Referencias Cruzadas

2 KAÜWA WERAÜ 25:16

Kiijiishe Amajia raq apaiq bom tiipit kiq ka akha khiito, “Ümniika naishiq raq hokhamwe danhonti ma ümtiiko shongkai? Kaiqshak ngalaq, riimakla ngi raq ümniika mitiise baiqha!” Shammiwe ka tsaq kito. Shatmaq apaiq riika akha nguraütiitiq tsaqto, “O, ikhla ümchaü ngi raq sapkang she. Shiikeawe raq ümniika ashthen baiq miitu atoqtan wishe. Jamkhano ngukla ümniiraq arthun ashut klo wan laü. Kiimaq ümniiraq idanhon ka shipoq baiq laü.”

TAKSU LAK 1:30

Ümniiraq ümtiikiimin, itsii chongke tai wan romaü riilaü, kiimaq ümchuwa tsat-son wankang kra, jangshi min taiwan maü shishe wan laü.

TAKSU LAK 12:1

Phaqchi saproti riika, ashut raüjaq atrantsii lungwiitlo. Maiqjiqti riika atrantsii raüjaq athai riitlo.

TAKSU LAK 15:10

Ümniiraq ashut klo raüla, ümniiraq sintsang laihea miho haü. Atsii achongkuq kra tai maü raüla, ümniika atsai mirhaü.

TAKSU LAK 15:32

Jurwa tsii achongkuq shipoqtlaq; kriiti ka maiqmiili tiisha phaqtlo. Shatmaq jurwa tsii achongkuq taitlaq, kriiti ka taksu maiqse ma mija wan.

TAKSU LAK 29:1

Jurwa tsii chongkuq kla, ja-ngiim wan wan riitlaq; kriiti ka tiihanghiiq miili she, jai na liikai chang ahü, mithen wan.

TAKSU LAK 3:18

Nyan phaqchi rümti ma kechu jonghea, nyan phaqchi raq tsangshiq ma, rilung mikuq.

TAKSU LAK 4:13

Ümniiraq jamlai wa shrin laü, kra tsan na tiitsang shat riilaq. Phaqchi sap wan laü kriika ümrilung. Aheawiq maq saiqsam laq.

TAKSU LAK 4:4

Iwe raq ngi ma akha tsii chongkuq tlo, “I bomtsi ara üm tsan mong na shaqlaq; ümtiikiimin naq laqkiq, Laüta i bomchong arphan phan jaq shamlaq, raüla üm rilung na ahea misi haü.

TAKSU LAK 5:12

Kra akhing na, “Ngi dea shut kang. Itsii chhiwan mang riikang. Ngi ma hon atsii achongkuq, taimang shipoq wan kang.

TAKSU LAK 5:14

Krai mren, ngi ka tiihanghiiq miili, nokwe man na jeangaü tiikang,” nguta ümniika mitiishudaq haü.

TAKSU LAK 6:23

Tsangshiq danhon ka, ümniima achai anyii waniitu, Tsangshiq honchong ka, ümniima rilung lam.

THARC TVLUINGC 5:6

Ümbomtsi kriimiili ümniika ngarai na tiidea baiq chang ka naq bomkiq. Shiikeawe ramwe ma, ümniiraq shut rai kang dea nguta mra tiidii chang miraq. Shiikeawe tsan ka ümkhuthaq na jaram tiikhiq wa? Laüta ümjaq ajaqsham haü ka apaiq ma jaram tiithen baiq wa?

Luke 11:28

Kiijiishe, Jesuq raq, “Kra nam miika, jurwa Shiikeawe bomtsi ka tai raüta lang tlaq, kriiti ma kopan jonghea miraq!” nguta apaiq bom ka treto.

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!

Hebrews 2:1

Ara chongtiikai arkha maq, nashiq raq tai kai tengman tlaq bomtsi ka, tsan na tiitsang shat maq rüm laita lang rong i. Akha si riihai jiika, nashiq rilung na jamlai phan rathaiq rahai saü raü min, nashiq ka tiimeshi lot mak miraq.

PHOWEBI 19:17

Kra tikiiwe raq chela kilamchong tho na ngongthun chang ba na ngarai tlaq wanwe thun ka chhito. Kiimaq apaiq raq waito, “Namshiq ka ümriibati wa? Ümnü na wati wa?”