TAKSU LAK 1:1 - ASII LAKDAP Bible (BSI)

¹ Dawit se Solomon Israilnok hokhamwe raq achongthü shiiton taksu bomtsi:

Hawa Naga Bible 2001

¹ Dawid saz Israel hokhvmx waz Solomon rueq vtvguip luik rvtueq.

TAKSU LAK 1:1 Referencias Cruzadas

1 HOKHVMX 2:12

Awe Dawit pum ka Solomon raq songto. Raüta hokham ma jato. Kiimaq apaiq raq hokham ngacho ka phataqtaqhea she tiipha wanto. Raüta mung ka peng wanto.

1 HOKHVMX 5:12

Tatiwe raq apaiq kiqkham ka riikhaqli tiikupi kuqto. Krai mren Solomon ma taksu tsü kuqto. Kiimaq Hiram nai Solomon liipan na mung atsing maq sito. Kiimaq tsangnai liipan na reraüshi maq si miitu bom riikhamto.

1 KAÜWA WERAÜ 22:9

Shatmaq tiina apaiq raq ngi ma kiqkham raüpot ashi khakuqto. Apaiq raq akha nguto, ‘Ümniiraq ümse ashi mihum haü. Apaiq raq mung ka atsing maq mipeng wan. Jamkhano ngukla ngi raq apaiq ma apaiq jaqtibi thun wa mung ka atsing angang pat mikuq wan ha. Apaiq mang ka Solomon miraq. Jamkhano ngukla apaiq raq mung siq wan tlaq pat na ngi raq Israil mungti ma mungtsing pat nai khusang rakhang pat chiq are ahü maq mitiisi wan ha.

1 KAÜWA WERAÜ 28:5

Apaiq raq ngi ma isetiim pahea kuqto. Riita kra phong wa Solomon ka Israil mung Tatiwe mungtan, kra peng wan miitu shongto.

1 KAÜWA WERAÜ 29:23

Krai mren Tatiwe raq awe Dawit ma hokham ngacho ashong kuq wan kiijaq awe pumsong Solomon ka hokham ma shongto. Apaiq ka phanrap na ong wantlii hokhamwe riito, kiimaq Israil mung tlotli ka apaiq wokhong na shong nga wanto.

1 KAÜWA WERAÜ 29:28

Apaiq ka tikii kiikaiq she, raütiitiq tsaito, kiimaq apaiq ka chiithejong, kiimaq wiitarü raq shrengto. Kiimaq ase Solomon raq apaiq changkhü na awe pumsong hokham ma jato,

TAKSU LAK 10:1

Arthun arka Solomon raq achong taksu bomtsi: Ase taksu raüla awe kai michochi; Shatmaq ase maiqjiq raüla anyung kai mihoq.

TAKSU LAK 22:21

Ara bomtsi thun arwa ümniiraq, tengteng bomtsi nai riikhaqli tri kra misap haü. Laüta ümnaq tiikaitibi phana, jang wan laüta riikhaqli bomtsi kra, michong kuq wan haü.

TAKSU LAK 25:1

Arjaq ara Solomon raq achong nyan phaqchi bomtsi, Juda mung pengti hokhamwe Hejekia pat na asengi ajong alabi raq atiitsuq waiqthü.

THARC TVLUINGC 1:1

Arka Makuq Phaqchi Shrawe bomtsi. Apaiq ka Dawit se, Jerusalem chela hokhamwe.

THARC TVLUINGC 12:9

Shatmaq Phaqchi Shrawe ka taksu maiqse. Kriikha maq, apaiq raq saptlaq kra, nokwe ma phaqchi ka shrin kuq wan ruq riito. Apaiq raq uqkhiima bomtsi ka arang chong maq liichum ka sidi wanto. Raüta tengtlaq bomtsi ka tingting maq shin raüta maitai wanto.

John 16:25

“Ngi raq namshiq ma, shiiton bom maq arthun ara chongkuq kang she. Shatmaq, akhing she misaü wan, ngi raq bom chongke ka shiiton bom miika chong mang she. Shatmaq, ngi raq namshiq ma, Awe manphan ka liitatat hea she michong kuq kang.