RUTHA 4:4 - ASII LAKDAP Bible (BSI)

⁴ Riita, ngi raq thapthi wan kla, kriika riikhaqli maq ümniiriili ri thü laq nguta tiima tiikang. Riita, ija ümchaü min la, ara welabi nga tlaq ara man na, ümniiraq ri thü liina. Kiimaq ümniiraq ri thü mang li nguta ngochang jiimin, ümchaü tsangshiq man na, bom ka rairai riirii she chongkuq laq. Shatmaq, ümniinga ri thü mang nguta ngochang jiila, kriimin tantan maq, bom ka rairai riirii chong kuq laq. Ara jamkhano chongtiikang ngukla, kra tachong hupsam tiikhup wongke wan tri raü shamke wantiwe ka ümniiraq shamke wan chang. Ümnaq jai niishetiq ngi nga tiikang.” Kiijiishe, “Ngi raq miri ha,” nguta kriiwe raq treto.

Hawa Naga Bible 2001

⁴ vruex lvmz kuex mnoz rueq tuiuz vshuiux shvmx ngoz tueq tvmaung vshaungx. Mnoz rueq roc shuiux ngoz ruiux kuex majuiuc vyuq ngaungc yaq walaungx bix mvnz nuex ruiyx shuiuz. Yuq muinz ruiyx roc muq ngoz ruiux kuex ruiyx roc muq lvmz jungx shuiuz, yvmx khoc lac ngoz ruiux lec vphaungc kuex mnoz rueq rez vkhangx httax yaq, kvruex yimaq jix ngaz rueq rez mvy yaq,” ngoz tueq jungx tueq. Kvruex waz rueq, “Ngaz rueq ruiyx shaungx,” ngoz tueq tvralc tueq.

RUTHA 4:4 Referencias Cruzadas

RAPHA HIQWA LAK 23:11

“Shiilangwe lei tailaq. Ngi raq kra wakram tlotli ka longsha kriimin nong nong mikuq kang. Arjaq ümchaü nokwe man na, ngi raq ümniima mikuq kang. Krai mren ümniiraq ümjamti-nyung maa ka misaiqsam haü.”

RAPHA HIQWA LAK 23:18

Kra hiq ba ka Abraham hiq ngutiishe kiijaq Hitaiqnok ümchuwa ngongthun lomdamtiiti tarü riishe sapto.

JEREMIA 32:25

Li jiiminla, Tati Rakaü Hiqwe lei, ara chela arka Bebilonnok raq khat raüta ajii wan napnap she taü maq, ümniiraq ngi ma hiqphu ka kiimwebi makki na rilaq nguta aming kuqlaü.”

Romans 12:17

Ashi ra raq namshiq ma ashut klo raüla, apaiq ma namshiq raq ashut maq hali ka, naq songkuq rongkiq. Nanok tarü raq ardea ahea nguta liitlaq, kriili apaiq ma klo kuq ronglaq.

2 Corinthians 8:21

Naishiq tsan na tiima tiikai ka, athuk atsom jaqsham kriili ro tiikai. Tatiwe makki niili min riimak, maiqse makki niimin, athuk atsom sham chang sitlo.

TRI CHONGKE 25:8

Kra raüla, chelati rung welabi raq apaiq ka rung na tiihea raüta bom ka michong kuq. Welabi raq chongke jai min, apaiq raq ano-chhi-nyung sha anyi-chhi-nyung wa kra tiishong nga mang nguta lanki raüla,

Philippians 4:8

Phunainotiim le, bomshat wan ma chongkuq nong pha. Namkhu tsai ka ara ariq phan hupsam maq tiima lanta, thü ronglaq. Tarü raq tiitsam kamli chang phan maq tiima lanta thü ronglaq: tengtlaq phan, athuk atsom phan, riikhaqli, asii, maiqlung ngamwii, shreng sea chang phan hupsam maq tiima lanta thü ronglaq.

RUTHA 2:20

“Tatiwe raq Boaj ma achu shiiman jonghea mikuq laq!” nguta Naomi raq Rut bom ka treto. “Tatiwe riika atrati nai amaati miitu apaiq bomkham raütu thü wan tlaq kriika tiihongkuq wan ruq phan,” nguta Naomi raq bom ka chongto. “Riita ija, kriiwe ka nashiq ma tatiseno, nashiq jamti sii. Apaiq ka nashiq liikoke wanti tanyang seno phong wa weshi,” nguta apaiq raq Rut ma bom ka phanchan kuqto.

RUTHA 3:12

Bom ka tengto. Ngi ka ümniima ata awii shaq dea. Kiimaq ümnaq kra tiishong nga wan miitu takhan holai hoketiwe ashi dea. Shatmaq, ngi nam miimin, ümniima tati amak shaq wa maiq weshi ka asi hali.

RUTHA 3:9

Apaiq raq waito, “Ümniika juwa?” “Shiilangwe lei, ngi ka Rut,” nguta apaiq raq treto. “Ümniika ngi ma tati shaq. Ngi dunghea wanti ka ümniili she miraq. Arkha maq, ümniiraq ngi ara dunghiq laq.”