RUTHA 4:1 - ASII LAKDAP Bible (BSI)

¹ Bowaj ka ngongthun chang ba chela kilam chong tho kiijaq ngaho lito. Kiijiishe Elimelekh ma ajamti, amak shaqwe ashi asi nguta Bowaj raq Rut ma chongkuqtiiwe kriishe saühoto. Kriiwe saüho kiitiishe, “Phunowe, arjaq nga laq,” nguta Bowaj raq aphunowe kra heato. Krai mren, kriiwe kiimin wa raüta kiijaq ngawa damto.

Hawa Naga Bible 2001

¹ Boa kuex ghaqyungx palx ruk hep wawc bomc rvjungc rvtuimx ngaungc juing kvyuq kaz vtueq ngaungc kaz tueq. Kvkaq piq rueq kungkhux nuex jungx tueq, Elimelek muex yuimx wuinz ranc jix shauk waz lvy kaz yaq wawc Boa rueq piq muex, “Kungjix waz lex, vnuex ngaungc waung loq,” ngoz tueq gvl koq tueq piq muinz nyuip waung vtueq ngaungc tueq.

RUTHA 4:1 Referencias Cruzadas

RAPHA HIQWA LAK 19:1

Riita kra raji rasenai ka Sodom chela na saüto. Kiitiikaq Lot ka chela kilamchong na ngaraü lohoto. Apaiq raq tsangnai ka achhi ri li, tiidopot tsangnai rai riihumkito. Raüta apaiq ka tsangnai khaki na kusaq raüta manto tiichhito.

RAPHA HIQWA LAK 23:10

Ephron apaiq kiimin chela kilamchong na ngongthun chang ba kiijaq Hitaiqnok ahinti rai adam na ngashat asi riito. Apaiq raq kiijaq nokwe wiitarü raq taishat na treto,

RAPHA HIQWA LAK 34:20

Kiimaq Hamor nai ase Shekhem ka chela kilamchong na ngongthun chang ba kiina wato. Raüta tsangshiq chelati nokwe kiima akhiishe chongto:

2 SAMUEL 15:2

Raüta apaiq ka ranapchu maq tiidokilili riitlo. Raüta chela kilamchong kriijaq chapki lili raüta khekitlo. Raüta maiq weshi ra phanshi ra mra asi ningkhan hokhamwe phana riihumkai kitlaq kriiti ka, Absalom raq heatlo. Raüta apaiq ka juta weraü wa, ümriibati wa nguta waitlo. Raüta kriiwe raq apaiq ka kaüwa weraü mang kra tiichong raüla,

2 KAÜWA WERAÜ 18:9

Kra hokhamwe nai ka tsangnai hokham miirii maq tiimii raüta tsangnai hokham ngacho na Samaria chela tho kin phai na tsambuk chang hiqba na ngaraq raq riito. Kiimaq shammibi thun kunli ka tsangnai miki na riisham bom maq tiithai sea riito.

YOBA 29:7

Ümtiikiiwa chelati nyungwere ngongthun tlaq na kiimaq ngi ka tsangshiq rai ngadam tiikang na,

YOBA 31:21

Kiimaq rung maq kha ka ngi raq mitangha ngo maq, ngi raq jechise ashi ra laokang jiila,

Tvtsvmc 69:12

Tsangshiq raq ngi ka chiiheawea na riichongsiqto, kiimaq chechok tsampiiti raq imang chong raüta ashi ange maq tiihap hongto.

TAKSU LAK 31:23

Ajamtiwe ka mung raq asap siisaq; apaiq ka tuwejong ashi.

ISAIA 55:1

Tatiwe raq ngutlo, “Warong ra, loweatek khamnyangtsiti— arjaq kham asi! Warong ra, namshiq kampho ahüt— püwong ka ri lantea phaq ronglaq! Warong ra! spiqtai nai minsaü pü ka rilanta nyang ronglaq— namshiq ma rihü maq kuqtlo!

JEREMIA 32:10

Ngi raq kra wakri lakjaq na suhikang. Lata sil maq thangkang. Kiimaq kiimwebi ma hali tiisuhikang. Lata kampho ka tok na shin lata kuq kang.

AMO LUIK DVP (AMOS) 5:15

Ashut lamphan shummii laq, Tingting lamphan lungwii laq. Rung maq tingting kha pho laq. Jursap, Tati raq, Joseph saüse aso atiichong ma, tiihang mangchan lo tiichhi jiiq.

JEKERIA 2:6

Tatiwe raq asenginok ma, “Ngi raq namshiq ka barap na tiipin jobaiq kang. Shatmaq ümchaü namshiq munglu shumwi kong ka Bebilon wa chiimjin hotlo ronglaq, lanta Jerusalem na jangho ronglaq.

TRI CHONGKE 16:18

Mosheq raq Israilnok ma mung ka riikhaqli peng ra nguta chongto, “Tatiwe namshiq Shiikeawe raq namshiq ma mung kuqtlaq kiijaq chelatek na tuwebi nai siihiipbi ka mung peng wan miitu shong ronglaq. Ara welabi thun raq mungmaiqse ka tingting kappe maq shin raüta peng wan ratlo.

TRI CHONGKE 17:5

kriiwe ka chela phai na hit ho ronglaq. Lanta apaiq ka long maq tiitsaiqlaq tiiqbaiq ronglaq.

TRI CHONGKE 21:19

Kriishe nguraüla anyungwe raq apaiq ka kra chelati welabi rung na sheaho raüta apaiq kha ka tiipho chang.

TRI CHONGKE 25:7

Shatmaq tsaikitiiwe ma aphu ano shaq raq anyi-chhi-nyung kra tiishong nga mak raüla, kra manti-nyung ka chelati welabi rung na kai chang. Raüta akha ngo chang, ‘Ijamtiwe ma aphu ano raq, aphu ano jamkun ka tiishong nga romak. Apaiq raq aphu ano lai ka Israil mung na tiicham thüro mak.’

JOSHUA 20:4

Apaiq ka ara chela thun kriijaq, chela ashi ra na tiipaü juchang miraq. Raüta apaiq ka chela kilamchong tho na khapho chang ba hiqthung ba kriijaq ngakai chang miraq. Raüta apaiq raq kra chelati shiilangbi ma apaiq kha kra jamkho dongtaq kra chongke chang miraq. Kiijiishetiq tsangshiq raq apaiq ka chela mong na mitiinyap. Raüta apaiq sichang hiq mikuq. Raüta apaiq ka kiijaq misi.

RUTHA 3:12

Bom ka tengto. Ngi ka ümniima ata awii shaq dea. Kiimaq ümnaq kra tiishong nga wan miitu takhan holai hoketiwe ashi dea. Shatmaq, ngi nam miimin, ümniima tati amak shaq wa maiq weshi ka asi hali.

RUTHA 3:18

Naomi raq apaiq ma nguto, “Riita, ümchaü sanha ümniika tsankhun miili she nga laq. Arthun arka kunkun mihongtha wan she. Ümchaü ranaiq liipan niili ara jaqsham ara mitiikuri wan lot shaq wiiwii, Boaj ka kaishak nga mak miraq.”