RUTHA 3:9 - ASII LAKDAP Bible (BSI)

⁹ Apaiq raq waito, “Ümniika juwa?” “Shiilangwe lei, ngi ka Rut,” nguta apaiq raq treto. “Ümniika ngi ma tati shaq. Ngi dunghea wanti ka ümniili she miraq. Arkha maq, ümniiraq ngi ara dunghiq laq.”

Hawa Naga Bible 2001

⁹ Piq rueq, “Mnoz kuex ukhaq lac?” ngoz tueq wiz tueq. Piq rueq, “Jiyungx waz lex, ngaz Rutha rvtauk, mnoz kuex ngaz muex taungnyuing rvtoq, ngaz vruex lawc mawc shunshvlc tvkoc mhtauk nuex yauk shuimc httax yaq. Kvkhoc rvtueq khvy httoarx kuex kvruex ngaz muex tvsvmc koq,” ngoz tueq tvralc tueq.

RUTHA 3:9 Referencias Cruzadas

EJEKIEL 16:8

“Ngi jangshi ri hali kra lam maq alea wan chakang. Kiimaq Ngi raq ümniika maiq ma wacho she khana nguta liikang. Ngi raq ümkhum kheahü ma kra isamtong jong kaü kriimaq pangkuq kang. Lata ümniika milungwii kang nguta kiqkham kuqkang. Tengto. Ngi raq ümniika ijamti nyung ma nguta jaqkhaq raü tiipakuq kang. Krai mren, ümniika ijamti nyung miishe jaki laü.” Arka, Tati Rakaü Hiqwe raq ngutlo.

Luke 14:11

Ara jamkhano chongtiikang ngukla, jurwa maiqmii ka ajong ala nguta tiima tlaq, kriiti ka aran se ma mitiija baiq. Kiimaq juwa, maiqmii ka tiisaiq haiq shat maq sitlaq, kriiti ka ajong ma mitiija wan.”

RUTHA 2:20

“Tatiwe raq Boaj ma achu shiiman jonghea mikuq laq!” nguta Naomi raq Rut bom ka treto. “Tatiwe riika atrati nai amaati miitu apaiq bomkham raütu thü wan tlaq kriika tiihongkuq wan ruq phan,” nguta Naomi raq bom ka chongto. “Riita ija, kriiwe ka nashiq ma tatiseno, nashiq jamti sii. Apaiq ka nashiq liikoke wanti tanyang seno phong wa weshi,” nguta apaiq raq Rut ma bom ka phanchan kuqto.

RUTHA 3:10

“Tatiwe raq ümniima mishman kuq laq,” nguta apaiq raq nguto. “Ümniiraq ümnyaichhi ma ümtinkhan wa mangchan tiichhikuq laü kra thaq niimin, ümchaü ümniiraq ashong anga wan lamlu tiima tlaü arka, takhan holai akhek tri lam phan wan tlaü. Ümnii riika chiithe jiimin thümse jiimin, noriibi phong wa mirit wan lot haü wa. Laüta mishong nga wan lot haü wa. Shatmaq ümniiraq kra rit wan ma riilaü.

RUTHA 3:12

Bom ka tengto. Ngi ka ümniima ata awii shaq dea. Kiimaq ümnaq kra tiishong nga wan miitu takhan holai hoketiwe ashi dea. Shatmaq, ngi nam miimin, ümniima tati amak shaq wa maiq weshi ka asi hali.

RUTHA 3:8

Rawa jam tinkhan niishe, Boaj ka akon wa tiihanghiiq she samkito. Raüta ajichong nü na maiqnyung ashi weraü kra chhi raüta apaiq ka awang rai li she riito.

RUTHA 4:4

Riita, ngi raq thapthi wan kla, kriika riikhaqli maq ümniiriili ri thü laq nguta tiima tiikang. Riita, ija ümchaü min la, ara welabi nga tlaq ara man na, ümniiraq ri thü liina. Kiimaq ümniiraq ri thü mang li nguta ngochang jiimin, ümchaü tsangshiq man na, bom ka rairai riirii she chongkuq laq. Shatmaq, ümniinga ri thü mang nguta ngochang jiila, kriimin tantan maq, bom ka rairai riirii chong kuq laq. Ara jamkhano chongtiikang ngukla, kra tachong hupsam tiikhup wongke wan tri raü shamke wantiwe ka ümniiraq shamke wan chang. Ümnaq jai niishetiq ngi nga tiikang.” Kiijiishe, “Ngi raq miri ha,” nguta kriiwe raq treto.

RUTHA 4:6

Kiijiishe, “Ikhiijiika, ngi riika ri thü mangli. Kra tachong thaq na ngi arang ka ümniimiili she wenkuq tiikang. Ara jamkhano ngutiikang ngukla, kra tachong hupsam ka isetiim riika hupkhang kilot mak she miraq. Ngi riika ri mang li. Ümniiriili she ri thü laq,” nguta kriiwe raq treto.

1 SAMUEL 25:41

Kra tai raüta, Abigail ka hiq na bumtlii raüta akha treto, “Ngi arka apaiq jaqshise ashi. Apaiq jaqshisetiim hok heke miitu khekham sitiikang.”