RUTHA 3:1 - ASII LAKDAP Bible (BSI)

¹ Krii jai maq heashi sijai na, Naomi raq Rut ma akha chongto, “Ngi raq ümniima akhek ashong anga chang jam ritke chang she saü wato. Kra ngu raü jiitiq ümniima maiqmii jam awak ka arshe dea nguta asi miraq.

Hawa Naga Bible 2001

¹ Vhuq httvmx yix maq Naomi rueq Rutha muex ngoc, “Mnoz kuex miqmac yuimx nuex httax lvp tvkoc mnoz tvkoc miqwaz vshiz ngaz thuiyx kuq ix.

RUTHA 3:1 Referencias Cruzadas

RAPHA HIQWA LAK 40:14

Shatmaq ümniima phanrap rahiq ahea she saü wan kiiphaüla, mangchan laüta, ngi ariiri ümtsan na tiitsang laq. Kiimaq mangchan laüta ngi miitu ri hokhamwe ma bom ka tiitai chonglaq. Laüta ngi ka ara phaqtek mong wa dongho miitu khrumlaq.

Tvtsvmc 128:2

Ümmin shiiqtlaü kriimaq mitiipaohaü; ümniika khoqriiq shishiiq kiimaq rongboq misihaü.

1 Corinthians 7:36

Kiimaq ümriiti wa jechak nai maiqwe liipan na arwai wishe, shatmaq riilam maili she jo nguta tsangnai liipan na sinkiitiq bom riikham wantaq, shatmaq norii we raq, atsan na akongti nyung kra lamhü maq silot mang miraq nguta ahai anga na shiiting rai lot mak jiila, tsangnai ka maiqwe raq tiima tlaq krai mren, arlam riiwan raüta sichang. Arjiika jam ngarai ahü.

TRI CHONGKE 4:40

Ümchaü ranaiq ngi raq namshiq ma kuqtiikang tri raütu thun ka kunli lang ronglaq. Kra riihanla namshiq ma phanrap na khusang ahea miraq. Kiimaq namsaü namsetiim miimin ahea miraq. Namshiq ka Tatiwe namshiq Shiikeawe raq namshiq ma pattup pat-sa miitu hiqshong rahai kuqtlaq kiijaq hansang maq siwan ruq misi wan han.”

1 Timothy 5:14

Arkha maq, ngi raq akha manti-nyungre ka, maiq ma wanong haü jaq riiwe ka ahea miraq nguta tsii chongkuq tiikang. Raüta, maiqmii jamkun mong na, asaü ase hum wan raüta, kiimaq atapkun na kaiq shakshak maq, shonga wan raüjaq riiwe ka, nashiq jaqtibi raq nashiq ma, abi ati shummii bom chang lam ahü miraq.

1 Timothy 5:8

Phungmaiqse ngu raü, jurwa mantiliihi, akhek ka jamtap rinti sitlaq, kra dunghiq mak maq, shishe tlaq jiika, kriiti ka Phungmaiqse rilung kamasham lamphan ka, baiq raüta sitlo ngushat. Kiimaq kiikhiiti ka thatsang maiqse nam miimin naolaq, ajiq pinthum sitlo.

RUTHA 1:9

Kiimaq Tatiwe raq namnai wiita ma ashong anga chang jam awak kli samhea mitiihong tha kuq laq. Namnai wiita ma maiqmii we ase anye tiihum kuq raü jiidea ahea.” Kra tsii chongkuqtaq krai mren she, Naomi raq tsangnai ma kiimriiphea bompan theaphi shup raüta, warong liijo nguta bom pan bomto. Kiijiishe tsangnai ka jümii hoqtranghoto.

RUTHA 2:23

Krai mren, jaili nai bunwong tsam han mikun shaq wiiwii, Rut raq tsamso riichom han ka Boaj tahii ningchangti rai li hansiq wanto. Kiimaq apaiq ka ara jaqsham ara thum jai niimin anyaichhi nyung rai adam na siwanto.

RUTHA 3:2

Tsan na tiitsanglaq, ümnap ümji jechakre ningchangtibi rai tsamso hanki laü wakchongtiwe Boaj ka nashiq jamti. Tailaq, athi raji apaiq raq jaili tsamphong kra nikai miki.