Romans 9:2 - ASII LAKDAP Bible (BSI)

² Arka, i tsan i mong jii na, riiweatsi jonghea sitlo ara nangnga ngutiikang. Ara riiweatsi arka, athum min thum mak phan, tsi ruq li tsi tlo.

Hawa Naga Bible 2001

^2-3 Ngvy thuinz vmungx kuex ngvy miqsaz htenc nuiyc ngvy phvnx ngvy maq htenc tvkoc thuinbac yonzyex vtueq, mkaq muinz pinhtumc kuilc daz rvhumc vtaungx. Tsuingshiq tvkoc nuex ngaz kuex Tishox rueq tuemc kuq ruiux muinz, Christu rulc rv-phvlc wvnc nuex httuiuc laz ngaz rueq khvmc vshaungx.

Muklom

² Itin na ahan tinthin ang aa etho itin salwet tak aa.

Romans 9:2 Referencias Cruzadas

Tvtsvmc 119:136

I makphai sawa ka jüserai ikha kitlo, jamkhano ngukla nokmaiqse raq ümtri langmak.

ISAIA 66:10

Jerusalem rai chochi ronglaq; apaiq miitu khoqriiq ronglaq, namshiq ara chela lungwiiti tarü! Arnyung rai ümchaü chochi ronglaq, namshiq tarü apaiq miitu hoq wan lanti raq!

JEREMIA 13:17

Kiimaq namshiq raq taiman riihanla, ngi ka namshiq shiikong kha chhilata, ahukse maq mihoqha; Ngi ka makphai khüshang mihoqha, kiimaq imakphai ka mirok, jamkhano ngukla Tatiwe senginok ka rewe raq shumwikong ma kharü maq kha raüta tsuq wanto.

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

AJONJÜ 1:12

“Ngi ara liilaq,” nguta kriinyung hoqtlo, maiq wanleati achhichhi, “Ngi ma atinkhan chamchao tiisung kuqto, Arka maiq ahinti ju miimin tiisaü mak dea, Arka Tatiwe raq ngi ma, atsankhiq tsi ma tiisaüto.

AJONJÜ 3:51

Chelati nyungre ma, chamchao tsi saütaq kra chhiha la, imongpo na tsi wantlo.

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

Romans 10:1

I phu i notiim lei, ngi ara, i nok i bin Jehudinok phan ara tiichhii wan haü jiidea ahea riichang nguta, i tsan mong na tsihea holai howan lata sitiikang!. Ngi raq tsangshiq miitu ümtinkhan wa tsan tiitsi lata, Shiikeawe jaq wa achu jaü kuq tiikang!

Romans 9:1

Ngi raq chong tiikang arka tengteng. Ngi ka Khristo wokhong na siti we. Ngi ka rot mang. Asii Wenyi raq shunshea raüta, i tsan i tsii ka tsangriri maq sitiikang. Krai mren, Asii Wenyi riimin hakhi kuqtlo. Ara ngi raq chong tiikang arka tengteng. Ngi ka rotmang.

Romans 9:3

Ara, riiweatsi arka, i phan i maq, i nok i ta miitu tsi tlo! Tsangshiq raq, Shiikeawe manson kra howan raüta, tsai rai wan rii na, ngi ara riiwe khoti, tsangshiq rii na Shiikeawe manson homa kra holata, tsai hajaq ahea riichang nguta tsantsi mongtsi maq sitiikang. Kiimaq Khristo wokhong mong wa, atiidong riibaiq raüjaq ahea riichang, nguta tiima siq tiikang. Arka tsangshiq miitu, i tsan tsi rai kha na ngutiikang.

Philippians 3:18

Namshiq ma ngi raq ara, man niimin jang pahea chongkuq wan kang ihata. Kiimaq ümchaü min, makphai trok lata, namshiq ma bliiq biishi chongkuq nong tiipha ara. Khristo pumsongkham na tsaitaq kra liichum shiithen baiqti maiq pahea asi. Tsangshiq rilung kra lii raüla, Khristo pumsongkham na tsaitaq liichum kra runbaiq miituli sitlo.

Revelation 11:3

Ngi raq i shammi anai, ngi miitu hakhi kekai mitiikiha. Tsangnai ka maaho maanyi miirii sam raüta miki. Tsangnai raq Shiikeawe tsütsa ka 1,260 ranaiq liipan na mangjong maiqse ma, chiiriim raüta michong kuq.”

1 SAMUEL 15:35

Samuel ka ümchu rawiiwa atra siwantaq, apaiq raq hokhamwe Saul rai ka sham riichhi kimak she riito. Tatiwe raq Saul ka Israilnok hokhamwe ma shong raüta kai tiishudaqto.