Revelation 9:3 - ASII LAKDAP Bible (BSI)

³ Kra wakhuk phumpong wa ikha, rawang win na mong tlaq kiiwa, kupchi dong raüta mangjong hiq raikhü na riiphong wanto. Kra kupchi tha wa kra miika, phangkaü raq nyiq raüjaq henghea tsi tlaq ikha, maiqlang pitchang henghea thabi ningkun kuqto.

Hawa Naga Bible 2001

³ Wvr khuiuq mungx kvwawc kup jawrawx htenc kuex dung vtueq ghaq nuex dvy kaz tueq, tsuingshiq muex phvmx rueq lvp tueq phvnx ikhoc luimc vkawc kuex kuq tueq.

Muklom

³ Eshi walkhu wang mingkang ro jongbal thalat ta, etho ning ma mingkang na qhíngqhong mal tarong kota.

Revelation 9:3 Referencias Cruzadas

1 HOKHVMX 12:11

Kiimaq tsangshiq ma akha chongkuq laq, ‘Iwe raq namshiq ma hekiilaihea tiihokuqto. Kriithaq na ngi riika laiheashe hali mitiihokuq nongha. Apaiq raq namshiq ka raükom sintsang maq tsatto. Ngi raq namshiq ka kumrang tsat chang raükom sintsang miishe mitsatha!’”

2 KAÜWA WERAÜ 10:11

Tsangshiq ma akha chongkuq laq, ‘Iwe raq namshiq raikhü na holai ka laihea tiiho kuqto; ngi riika kriithaq lai heashe mitiiho kuqha. Apaiq raq namshiq raikhü na chunpo nyam sintsang maq tsatto; ngi riika kumrang tsatchang sintsang nyam miishe mitsat ha!’”

2 KAÜWA WERAÜ 10:14

Arka jerobi raq apaiq ma tsü chongkuqtaq kra phan phan bomto. Apaiq raq akha nguto, “Iwe raq namshiq raikhü na hekii laihea tiiho kuqto; ngi riika kriithaq na alaiq lin she mitiiho kuqha. Apaiq raq namshiq ka chunpo nyam sintsang maq tsatto; ngi riika kumrang tsatchang sintsang nyam miishe mitsat ha!”

ISAIA 33:4

Tsangshiq hupsam thun phiim rang rang she sepat lopi ma hophaq wanto.

EJEKIEL 2:6

“Shatmaq, ümnaq atsaikaiti maiqse ka tsangshiq ma naqhaikiq. Kiimaq tsangshiq raq jamlai wa bomtlaq kriima naq haikiq. Tsangshiq raq ümkiq ka akhii miraq kiimaq ümniika shummii shaq shaq li miraq. Kriika phangkaü phong rai sidam ikha miraq. Shatmaq tsangshiq phoq ngeng nok kra chhi laüta naqhaikiq. Kiimaq tsangshiq raq jamlai wa ngutlaq kriima naqhaikiq.

Yoel 1:4

Atanphaqti kuprii raq jamlai wa tiichongtaq, kriika abok wanti kuprii raq phaqto. Abok wanti kuprii raq jamlai wa tiichongtaq, kriika adoqti kuprii raq phaqto, adoqti kuprii raq jamlai wa tiichongtaq, kriika arang chong maq tiipotlii phaqti kuprii raq phaqto.

Yoel 2:25

Kupchilong thawa akhing rawii liipan, namshiq raq tü atsam sumwan lan, wiita mijang kuq wan nongkang. Ngi raq tiina kupchi ramwa, namshiq phana tiisaü wan kang.

NAHUM 3:15

Ümniiraq ümtinkhan li, hongla rai haü min, ümniika wa raq mikhiim baiq, kiimaq re raq mitsat baiq. Ümniika kuprii raq tsam phaq tlaq ikha, ja raq miphaq baiq. Ümniika kuprii longrai tlaq ikha, purai tlaü!

NAHUM 3:17

Ümtubi ka kuprii kong, diwinji na khechong na diimtlaq ikha. Shatmaq rashe kii wan raüla, tsangshiq ka alaü riiwantlo, ümbano laüwantaq jurmin sapmak!

Luke 10:19

Taironglaq! Ngi raq namshiq ma arang akekun she. Namshiq raq paüsang nyiqla thun ka hok maq nishishi mirhan. Kiimaq Thawe ningkun wiita mitang han. Namshiq ka jamlai riimin tiishophi lot mak miraq.

TRI CHONGKE 8:15

Apaiq raq namshiq ka bintang mung jonghea kiimaq phiiptsi chang kumtsaiphii lam maq tsuq wanto. Kra mung na paüsang nyiqla kiimaq phangkaü phong pahea asi lam maq namshiq ka tsuq wanto. Kra shinriiqriiq kiimaq kham ahü mung maq apaiq raq namshiq miitu longkaü wa khamrai tiidong kuq wanto.

Revelation 9:5

Kupchi kong miika maiqse ka tiitsaili tsea baiq aming ka ahü. Tsangshiq raq maiqse ka jipi lübiingi, kai tsaija chhunja tiichamchao raa, nguta arang kuqto. Kupchi raq akaq tsi ka phangkaü raq anyiq tsi ikha mitsi nguta chongtlo.

Revelation 9:7

Kra kupchi kong ka, kumrang kong rekhat kai ma tiije tlaq ikha tiije holito. Tsangshiq khupo niika chaq khuphok ikha, khuphok phokraqraq. Kiimaq tsangshiq theaphi ka, maiq theaphi ikha.

PHOWEBI 7:12

Raüta Midiannok, Amalakaiqnok, kiimaq kumtsaiphii wang na sitinok maiqphan thun ka kra tan mong kiijaq, tsangshiqnok piitiip ka kupchi longtlaq ikha, ra ma hiq ma tan ka wiita mato. Kiimaq kra tsangshiqnok kumtsong kong ka khamjongkii na kumtsai riiphongtlaq ikha riito.