Revelation 8:1 - ASII LAKDAP Bible (BSI)

¹ Riita, ümtiikiiwa Skuse raq sil atrap phan miishi ngoja kriishe tiibun raüta lintaq, ramungtan na nari thiq tin khan ka sanglili, kaiq shakshak she sangkito.

Hawa Naga Bible 2001

¹ Khelbuenx Saz rueq tvsik mvshix ngoc yaungc kuex jalc koq tueq raungmungx nuex shalhtaz htaq tanc suinglix suingx kaz tueq.

Muklom

¹ Kelwut sa sanat tashak chol tha lak atho, mungtan na rangham tangko náng thula kitshu shu angti ta.

Revelation 8:1 Referencias Cruzadas

YOBA 4:16

Ngi raq kiijaq phanshi ra chap raü chhikang; ngi raq liikang, shatmaq jamlai wa ka sap mang. Kiijiishe ngi raq sanglili hea kiiwa maiq bom ashi taikang:

Tvtsvmc 37:7

Tsankhun maq khelaq laüta Tatiwe ma jaq ka tiishamlaq; juwa chiithe lüwa jarai wantlaq kra chhilaüta naq chaparaikiq riimakla jurwa abi kiimung raüta ongraitlaq kra miitu naq chapakiq.

Tvtsvmc 62:1

Ngi raq tsan tiibum lata Shiikeawe raq mitiichhiikuq dongdii nguta khekang; ngi ka apaiq miili tlamtiikang.

HABAKUK 2:20

Shatmaq Tatiwe ka, asii shomjam na sitlo. Mangjong maiqse tlotli, apaiq man na sanglili sirong laq.

JEKERIA 2:13

Tatiwe man na, tarü, sangli miishe sirong laq. Liirong laq, apaiq ka apaiq sichang asii jam miishe saühotlo.

Matthew 27:66

Krai mren she, tsangshiq ka kiraüta makho longsha kilü ka thep tiisan shaqto. Raüta kilü thaq na tsangshiq raq sil maq lo raüta thüto. Raüta phenlanok ma tiikhe thüto.

Revelation 5:1

Ngi raq hokham ngacho na ngati we, jaq jaqtsi nü na lakdam kom ashi chhikang. Kra lakdam kom ka siimhap ri na waiqje siisaq. Kiimaq ba miishi na sil maq trap phanje.

Revelation 5:9

Atra ngam kaütiim nai nyungwere raq Skuse ma tiitsam shi anye ashi akha shito: “Maiqshaq ka ümniili ara lakdam kom jaüti. Sil atrap phan kra tiibun laüta lakdam kom linti ka ümniili. Ümniika maiqse angu khupi ma tsat baiqto, Ümniika honglu na tsai laü. Laüta ümtiijai maq rilaü Shiikeawe miitu, maiq aphantek wa, abomtek wa, amungtek wa, kaüwatek wa.

Revelation 6:1

Kiijiishe, Skuse raq sil miishi wa atrap phan, apha wan sil kra tiibun raüta linto chhikang. Kra linri, ngi raq kra atra ngamkaü blai wa kaüshi raq, ramok wa ikha hong raüta, “Wara!” nguta heato taikang.

Revelation 6:12

Kiimaq, Skuse raq sil atrap trok ngoja kriishe tiibun raüta linto chhikang. Kra linri, hiqjong mu jonghea muto chhikang. Kiimaq rashe kaü ka khea nyaq thum maq apang baiq ikha nyaqdok, ranyaq tangtang nyaqkito chhikang. Kiimaq jipi kaü ka tiijai ma anyuk rat ikha, shiidangdang she shiikito chhikang.

Revelation 6:3

Kiijiishe, Skuse raq anai ngoja sil trap phan ka tiibun raüta linto chhikang. Kiimaq, ngi raq atra ngamkaü anai ngoja raq, “Wara!” nguta heato taikang.

Revelation 6:5

Kiijiishe, Skuse raq sil atrap atsam ngoja kriishe tiibun raüta linto chhikang. Kiimaq, ngi raq ngamkaü kaütsam ngoja raq, “Wara!” nguta heato taikang. Kiijaq ngi raq liikangta, kumrang anyaq kaü ashi chhikang. Kra kaü thaq na chaoti we jaq niika tok ashi shamraü chhikang.

Revelation 6:7

Kiijiishe, Skuse raq sil atrap blai ngoja kra tiibun raüta linto chhikang. Kiimaq, ngi raq atra ngamkaü kaüblai ngoja raq, “Wara!” nguta heato taikang.

Revelation 6:9

Kiijiishe, Skuse raq sil atrap phan biingi ngoja kriishe tiibun raüta linto chhikang. Kiijaq ngi raq berongwacha na, Shiikeawe bomtsi tsapkapkap maq chongke kha na, Shiikeawe sengi atsatbaiq wanti tsaiji wenyi kong ka pahea chhikang.