Revelation 4:4 - ASII LAKDAP Bible (BSI)

⁴ Hokham ngacho komtam na, hokham ngachang ngacho ahin ka roqnai ri blai asi. Kiijaq nyungwere shiilangbi roqnai ri weblai ngaraqraq riito. Tsangshiq miirii ka alü, kiimaq tsangshiq ka chaq khuphok phok raq raq.

Hawa Naga Bible 2001

⁴ Kvruex hoc daungraungc tvroz nuex daungraungc vganc roknueyc rac bvlic kuex ngaz rueq khiz tauk, kvruex daungraungc kvyuq vyungx vlaungx bix waz roknueyc rac waz bvlic ngaungc yaq, tsuingshiq rueq khvyluiz svmx vtueq kuimshawx kushec htenc kuex buz wuez tueq.

Muklom

⁴ Eshi tongching sok thabali shina rokni bali tongching angta; etho iri tongching na rokni bali miqlang tang apung khat sam eq tong ta, etho ning kho tang shina hun aa cha khopok angta.

Revelation 4:4 Referencias Cruzadas

ESTHAR 8:15

Raütiishe Mordekai ka hokham raq sam chang awai nai alü maq ataq samtong jong kaü kra samto. Kiimaq müsaisai raihi-nairai maq ataq waichatchat rong nai railü maq ataq sambin samtong jong kaü kri samraü she, kiimaq akhupo na chaq khuphok ri phok raü, hokhamwe jam mong maq donghoto. Kra chhi raütiishe Susa chela na siti mungmaiqse thun ka chojong chise arü ariiq wa trangli she, Mordekai ka taoto.

Tvtsvmc 21:3

Ümniika apaiq phana shiiman jonghea thun lamho laüta kilaü kiimaq akhupo na chaq kho phok ashi tiiphok kuqlaü.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Luke 22:30

Krai mren, namshiq ka ngi rai i Mungtan na hokham ngachang na nga lanta, takshi pinshi maq miphaq siq wan dam han. Lanta namshiq ka Israilnok maiq phan, phan roqshi ri phan nai kra thaq na nga lanta, mungsea wan mungtubi ma mija wan han.

2 Timothy 4:8

Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.

Revelation 11:16

Kiijiishe, welabi nyungwere roqnairi weblai, Shiikeawe khaki na tsangshiq maiqmii hokham ngachang na ngaraqraqti raq, tsangshiq ka hiq na bumrang raüta, Shiikeawe ka shomnoqto.

Revelation 14:3

Kra maiq phong 1,44,000 sitlaq kriika, hokham ngacho khaki na, ngamkaü blai khaki na, kiimaq nyungwere khaki na chap raqraq riito. Tsangshiq ka ashi anye ashi shishun sea. Kra shishun tlaq kriika, mangjong hiq wa chhii wantaq maiqse 144,000 kra tlea raüta, maiq ahinti riika ju riimin shishun lot mak.

Revelation 19:14

Ramungtan wa phenlabi thun ka apaiq jai phanphan wa tlo. Tsangshiq thun ka kumrang lü thaq na chao raqraq riito. Kiimaq tsangshiq miirii ka siirairai raihi-nairai khea samraqraq riito.

Revelation 19:4

Nyungwere roqnai ri blai, kiimaq ngamkaü blai ka hiq na bumrang raüta Shiikeawe ka shomnoqto. Shiikeawe ka ngacho na ngashat. Tsangshiq raq akha nguto, “Amen! Shiikeawe tiitsam rong i!”

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.

Revelation 4:10

kiijaq nga tlaq shiilangbi weroqnai ri weblai kra riimin, hokham ngacho na ngati we khaki na, hiq na bumrang rang raüta, pattup pat-sa atra sitiwe kra shomnoq tlo. Tsangshiq raq tsangshiq khuphok ka, hokham ngacho na ngatlaq we khaki na tiiwe rangrang raüta, akha shomnoq tlo:

Revelation 4:6

Kiimaq hali, hokham ngacho khaki na sammoktra jü chhai wa ikha, chamni phong maklüp jaqlüp wüjang jang hea achhai anyii chhikang. Hokham ngacho ka komtlii siimblai wiita na, ngamkaü kaüblai asi. Kra ngamkaü tiim ka tsangshiq khum na, khaki niimin kiimaq ajai nü niimin, amakpo siisaq diimshat asi.

Revelation 5:11

Kiimahali, ngi raq liinong kang. Krai mren, rasetiim bom taikang. Rasetiim ka ahing amun awea lot mai chhikang! Tsangshiq ka hokham ngacho, atra ngamkaü blai, kiimaq nyungwere thun kra trotam na chhikang.

Revelation 5:14

Kiijiishe atra ngamkaü blai raq, “Amen!” nguta treto. Kiimaq kra nyungwere riimin hiq na bum rang raüta, Shiikeawe nai Skuse ka shomnoqto.

Revelation 5:6

Kiijiishe ngi raq, Skuse ka hokham ngacho khaki na chap raü chhikang. Kiimaq apaiq tro niika atra ngamkaü blai, kiimaq nyungwere ka asi riito. Skuse ka atsea arbaiq wa ikha riito. Arong ka miishi. Kiimaq, amakpo min miishi. Kriika Shiikeawe winji miishi ara mangjong hiq hamli, Shiikeawe raq atiiki kra riito.

Revelation 5:8

Apaiq raq kra jaüri, atra ngamkaü blai nai nyungwere roqnai ri blai ka, Skuse khaki na hiq na bumrang riito. Tsangshiq khumtek jaq na toropo nai chaq winpin shamraqraq riito. Chaq winpin niika, Shiikeawe sengi achu jaü honglu homseng athü, asho awo amachhaq riito.

Revelation 6:11

Tsangshiq wiitarü ma khea thum samtong alü miirii achhuq chhuq kuqto chhikang. Kiimaq tsangshiq ka heashi ri nii tiitsak khe ronglaq, tsangshiq jamkho tsattaq kiikhiisii, tsangshiq ma aphu ano ümchuwa atsai chang asi shaq dea asi, kra wiita tiithumli khe chang nguta chongkuqto.

Revelation 7:11

Kiimaq, rasetiim thun kunli ka hokham ngacho na ngati we nai nyungwere, kiimaq atra ngamkaü blai tro na chap raqraq riito. Raüta, tsangshiq tarü raq hokham ngacho na ngati we khaki na, hiq na bum rang rang raüta, Shiikeawe ka shomnoqto.

Revelation 7:9

Arjai miishe, ngi raq liinong kang. Liikangta, kiijaq mungmaiqse phong angu kla jako michong. Ahing amun, awea lot chang riimak chhikang! Tsangshiq ka maiq aphantek wa, kaüwa tek wa, mungtek wa, kiimaq maiq aphan aphan bom tek wa athung rai. Tsangshiq ka hokham ngacho na ngati we nai Skuse ngacho khaki nü na chap raqraq maq thungto chhikang. Tsangshiq ka khealü miirii samtong jong sam raq chhaq riito. Kiimaq tsangshiq jaq na taitsi hii doraq chhaq maq chapraq raq riito.

Revelation 9:7

Kra kupchi kong ka, kumrang kong rekhat kai ma tiije tlaq ikha tiije holito. Tsangshiq khupo niika chaq khuphok ikha, khuphok phokraqraq. Kiimaq tsangshiq theaphi ka, maiq theaphi ikha.