Revelation 22:7 - ASII LAKDAP Bible (BSI)

⁷ “Tairong laq!” nguta Jesuq raq chongto. “Ngi ka jaqloli she misaüho ha! Kechu jonghea, jurwa ara lakdap wa shammi bomchong ara lang tlaq!”

Hawa Naga Bible 2001

⁷ Yesu rueq, “Tay shuinz! Ngaz yauk lox httuiuc kaz raungx! Vruex luik dvp nuex httax yaq shvmmax kvjaz htenc tay phvnc jix waz kuex thuinhvlx yaq!” ngoz tueq jungx phuex.

Muklom

⁷ Jesu aa bat aa, “Tat u, nga kalo kapha náng! Barey iri likdap raaqtóng raaq raa tat aa piq ma sunmaan.”

Revelation 22:7 Referencias Cruzadas

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 1:3

Kechu jonghea, jurwa ara lakdap ara phat tlaq. Kiimaq kechu jonghea, jurwa ara shammi bom chong, ara lakdap na ara tai tlaq. Raüta ara lakdap na waiqtaq bomtsi kra lang tlaq! Jamkhano ngukla arthun mra ara pin wan ma akhing ka ajeli she.

Revelation 16:15

Tati raq nguto, “Tairong laq! Ngi ka ahuk dong kai ikha tiihang hiiq miili misaüki ha! Kechu jonghea, juwa akon riilaq mak maq, asam maq kheshat sitlaq. Kiimaq miirii ka tiije je maq sitlaq. Krai mren nokwe phong na apaiq ka raiqhü ma kha na nguta jea ngaü chang ahü miraq!”

Revelation 2:16

Ümchaü min, namshiq ngarai lam wa jang wan tlo ronglaq! Jang wan man jiila, ngi ka namshiq phana jaqlo miili mikiha. Lata, jurwa i kiq khii tlaq kra, i nübok maq adong nepjasai maq milong kiha.

Revelation 22:12

“Tairong laq!” nguta Jesuq raq ngutlo. “Ngi ka jaqloli misaüho ha! Ngi ka poksi holata kitiikang, maiq loweatek raq tsangshiq jaq sham wantaq kra phanphan poksi kekai.

Revelation 22:18

Ngi, Johan raq, ara lakdap wa shammi bom taitibi loweatek ma, atsidada chong tiikang: Ashi ra raq arthun arthaq na bom poshi ra tiitsuq nong raüla, Shiikeawe raq apaiq ma mo ka ara lakdap thawa chongtlaq, kriithaq na atiitsuq mirkuq.

Revelation 22:19

Kiimaq ashi ra raq, ara shammi bom chong lakdap mong wa, bomtsi poshi ra kra lambaiq raüla, Shiikeawe raq, ara lakdap na chong tlaq apaiq rii, rilung pechong tsi kiimaq Asii Chela mong wa achu shiiman kra alam mirbaiq.

Revelation 22:20

Jurwa arthun bomtsi thaq na, hakhi kuq tlaq, kriiwe raq ngutlo, “Tengto! Ngi ka jaqloli misaüho ha!” Amen. Kira, Tati Jesuq lei!

Revelation 22:21

Tati Jesuq kaphap ka loweatek ma misilaq.

Revelation 3:11

Ngi ka jaqloli misaüho kang. Namshiq wenyi rilung ka awongsii thü rong laq. Kiikha sihan jiitiq, namshiq srea poksi ka jurmin nyeaho lot mak miraq.

Revelation 3:3

Arningkhan, man na namshiq Phung na shang wan pha ji na achongkuq, tengteng bomtsi raü kra, tsan na samhea tiitsang shat thü rong laq. Lanta, lang wan ruq maq sirong laq. Lang tlan krai mren, ngarai ka baiq rong liishe. Namshiq ka akon wa sam wan man li sihan jiila, ngi ka ahuk saüki tlaq ikha, namshiq phana tiihanghiiq miili misaükiha. Namshiq riika ngi saükai akhing min sap man mirhan.