Revelation 22:1 - ASII LAKDAP Bible (BSI)

¹ Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.

Hawa Naga Bible 2001

¹ Kvmaq raungkamx waz kuex Tishox nuiyc Khelbuenx Saz hoc daungraungc wawc dung kaz vtueq, ghaqyungx lvmx laungx ngvlc rv-ngvlc maq kaz yaq pvt ikhoc wuix guilguil hvlc rullungx tvraungx juing yuix ruilx kuex ngaz muex tvkhic phuex.

Muklom

¹ Rangkamwa ngama rollung jungku takhi taphang, esha crystal mal alang angta, etho esha Shkewa nia Kelwut sa lungwang tongching wang thalat eq,

Revelation 22:1 Referencias Cruzadas

Tvtsvmc 46:4

Shiikeawe chela tiichochi chang jürai ashi asi, kriika Ratsan Ramong Nyang na sitiwe asii jam.

ISAIA 41:18

Ngi raq kin thun shinriiqriiq na jürai phong mitiikiha, kiimaq hiqthungtan thun na jüse raisetiim mitiidongha. Ngi raq rumnyangkhi kumtsaiphii na thamchum tonglong mitiidongha, kiimaq shinriiqriiq binjü ka tsiimserai tonglong mitiijaha.

ISAIA 48:18

“Namshiq raq Ngi aming lang lantea silan nguraüka! Arthun achu shiiman arka namshiq ma khamrai ikha saü wan chang wa, jüserai ümtiikiimin rükimak phan ikha mirwa! Rekhat tang wan khushü ka sammok tra chum blun wantlaq ikha tareko na milüm wan wa.

ISAIA 66:12

Tatiwe raq ngutlo, “Ngi raq ümniika pattup pat-sa miitu rongboq mitiijaha. Maiq mung thun wa tsiiq tum thun ka ümniima jürai wa kham kitlaq ümtiikiimin riikimak phan ikhiishe miraq. Ümniika noshiise anyung raq nyakpü tiinyangtlaq ikha ajaq maq do raüta boqpumtlaq ikhiishe lungwii tsantsii maq mitiichhanchhi wan.

JEREMIA 17:13

Tatiwe ümniika Israilnok tsantsii ranchang khearapaq; ümwokhong wa donghotibi wiita jea mingaü. Tsangshiq ka maiq mang botkhulai na awaiq ikha amaq mirki, jamkhano ngukla tsangshiq raq ümniika miimbaiqto, ümniika maiqse ma khangriri hea khamserai.

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

JEKERIA 14:8

Kra akhing saü raüla, rilung khamrai khangririhea ka Jerusalem chela mong maq miphok. Kra khamrai wa khoko ka Amaa Khamjong Chum nü kiiniishe mikiho. Kiimaq khoko ka Mediterenian Khamjong nü na she mikiho. Kra khamrai ka raju ralii kiruqli she miki. Arü min rüki mak phan she miraq.

John 13:32

Riita, Shiikeawe khushü jong kriika apaiq pum lümiishe tiichhikuq tlaq jiika, Shiikeawe raq Maiq Se khushü jong kriika, Shiikeawe apaiq pum niishe mitiichhi kuq. Arka ümchaü jaqlo liipan niili she mitiichhikuq wan.

John 15:26

“Riita, Khrumti we ngutlaq ka misaüho she. Apaiq ka Asii Wenyi. Apaiq ka Awe pha wa kitlo. Apaiq raq Shiikeawe ka maiqse rai mang mitriisap kuq wan. Kiimaq, Shiikeawe tsantsii ka maiqse ma tiichhikuq wantlo. Ngi raq apaiq ka Awe phawa, namshiq phana mitiiki kang. Kiimaq apaiq ka ngi hakhi ma jaraüta, ngi tingkhu wa bom ka, namshiq ma michong phan kuq wan.

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

Acts 2:33

Awe Shiikeawe raq, Jesuq ka apaiq ma jaqtsi nü niishe tiinga wanto. Kiimaq Awe raq kongkhuji na, apaiq miika Asii Wenyi mikuq nguta kiq khamtaq kriishe kuq wanto. Riita, ümchaü namshiq raq arjaq jamlai wa chhi tlan arka, Jesuq apaiq raq, Asii Wenyi ka naishiq khum na phong tsoktsok akuq kriishe chhi tlan.

Revelation 1:1

Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.

Revelation 21:11

Kiimaq Jerusalem ka Shiikeawe khushü ngao raq achhai anyii wa hea la riito. Kra Chela ka athii tsinhea phan Jaspar longseng chhai tlaq ikha wüjangjang hea chhai raitlo.

Revelation 21:6

Kiimaq apaiq raq treto, “Ümchaü phanrap jaqsham ka kunto she! Ngi ka aphati kiimaq atiisupti. Ngi ka apha wan chang kiimaq atiisup wan chang. Juwa khamnyang tsi, kriiti ma rilung khamphokrai se kiiwa phe maq nyang miitu ngi raq arang mikuq ha.

Revelation 21:9

Rasetiim miishi atiithum thawa miishi rümti phong wa ashi ka i phana kito. Raüta ngi heato, “Wara, ngi raq ümniima Skuse raq lamchang junrii Nyung ka tiichhi kuq pha.”

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!

Revelation 22:6

Kiijiishe rase raq ngi ma chongto, “Arthun bomtsi arka tengteng kiimaq akam sea chang. Kiimaq Tati Shiikeawe raq shammibi ma Asii Wenyi pheaketi we raq arase ka tiikito she. Raüta jaqlo miili she jamlai phan mra pin wan chang wa sitlaq, kra thun ka asengi miishe mitiichhi kuq.”

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.

Revelation 5:13

Kiimaq, ngi raq atra phan ümchuwa sitlaq, ramungtan na, mangjong hiq na, wulum mung na, kiimaq sammoktra jü mong na atra tsitsü asi phan ümchuwa, ara ra nai hiq raq aham na diim tlaq tarü kunli raq, akha ashi trang taikang: “Hokham ngacho na ngati we nai Skuse ma, shomra, shreng, khushü, kiimaq ningkun kli pattup pat-sa misi laq!”

Revelation 5:6

Kiijiishe ngi raq, Skuse ka hokham ngacho khaki na chap raü chhikang. Kiimaq apaiq tro niika atra ngamkaü blai, kiimaq nyungwere ka asi riito. Skuse ka atsea arbaiq wa ikha riito. Arong ka miishi. Kiimaq, amakpo min miishi. Kriika Shiikeawe winji miishi ara mangjong hiq hamli, Shiikeawe raq atiiki kra riito.

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”