Revelation 21:6 - ASII LAKDAP Bible (BSI)

⁶ Kiimaq apaiq raq treto, “Ümchaü phanrap jaqsham ka kunto she! Ngi ka aphati kiimaq atiisupti. Ngi ka apha wan chang kiimaq atiisup wan chang. Juwa khamnyang tsi, kriiti ma rilung khamphokrai se kiiwa phe maq nyang miitu ngi raq arang mikuq ha.

Hawa Naga Bible 2001

⁶ Kvmaq hulawx vpiq rueq, “Yauk shuimc lot tauk shex! Ngaz kuex Alpha nuiyc Omega, vphaungc vyaungc muinz, vtvsuip muinz rvtauk. Khvmsvy jix ukhaq yuq muinz rullungx yuix kuiuq wawc yuix kuex vhtawz vrawz kuy rac muq maq nuingc lvp vkhangx ngaz rueq kuq shaungx.

Muklom

⁶ Etho piq aa ngama batta, “Iri raaq tang raa ang sey angta! Nga Alpha nia Omega, nga phang nia uthun. Bara junglal ti aa piq ma rollung jung muk wang thanghung aa thaling náng.

Revelation 21:6 Referencias Cruzadas

Tvtsvmc 36:9

Ümniika wiita atra phan ma tsitsü khamrai, kiimaq ümrawüli si kha maq naishiq raq rawüli chhitiikai.

ISAIA 12:3

Khangriri kham nyang raüla letsiti ma peohea, ikha Shiikeawe raq asenginok chhiikuq raüjaq chochitlo.”

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

Hosea 14:4

Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

Yoel 3:18

Kra akhing na pum thun ka, spiqro tonglong li she miraq. Kiimaq kin thun ka dut siisaq li miraq. Kiimaq Juda mung wa jükhü thun na, kham ama miraq. Kiimaq Tatiwe jam mong maq, kham miphok. Raüta Wadi Shittim Thung na minyamho.

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

John 4:11

Kiijiishe, Jechak nyung raq waito, “Shiilangwe, ümjaq na kham khechang balting min ahü. Kiimaq ara khappong arka atsaüwiq. Kra chong tlaü rilung tsitsü kham ka ümbawo milap haü?

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

Romans 3:24

Shatmaq, Shiikeawe raq maiqse ka apaiq raq phe maq akuq, kaphap mangchan, Jesuq pum lü miishe dok daa wan raüta, maiqse ka apaiq rai wehea she nguta shram wantlo.

Romans 8:32

Shiikeawe apaiq riili, Ase shaq santla, tiihang mak maq, nashiq tarü miitu honglu na kuqtaq! Apaiq raq nashiq ma, Ase santla kuqtaq, ikhiijiika, apaiq raq nashiq ma laihin ümchuwa raa wan tlaq, kriitiq sha phe maq kuq mak miraq?

1 Corinthians 2:12

Nashiq khum na ara mangjong hiq ara jamshati wenyi ka rüm mai. Shatmaq Shiikeawe raq atiiki, Asii Wenyi lap kai kra sitlo. Kra kuq tiika Shiikeawe raq, nashiq ma kongphiq ümchuwa kuq taq kra saptsin wan miitu kuqto.

1 Corinthians 3:12

Maiq wiijamti riika chaq lo, kiimaq kampho ngam maq lo, kiimaq araa ariq phan longseng maq lo, jamkhü ka misii riiwan sham. Kiimahali maiq wiijamti riika pe maq lo, sangphii maq lo, kiimaq tsamkü shin maq lo jam ka mihai wan sham.

1 Corinthians 3:21

Kriikha maq, jurmin maiqse raq jamlai wa milot, kra thaq na seng raüta, shiikong ka maimak. Shatmaq liiwan raü jiika, phanrap ka namshiq rii siisaq li.

1 Corinthians 3:5

Riita, ija, Apolo ka ju wiita? Kiimaq Paul ka ju wiita? Naishiq arka Shiikeawe jaqshisetiim li. Naishiq lümaq namshiq ka Shiikeawe lamphan na shun shea tiikai kriili. Tatiwe raq naishiq khumtek ma jamlai phan sham akai wa pheakuqtaq, kriili sham kuq tiikai.

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 1:17

Ngi raq apaiq ka chhi lata, apaiq khaki na bumtlii, ama ikha bumkikang. Apaiq raq ajaq, jaqtsi nü ka, i dü na sham raüta bomto, “Ümniika naqhaikiq! Ngi ahata Atiiphati kiimaq Atiisupti.

Revelation 1:8

“Ngi ahata atiipha kiimaq atiisup” nguta Tati Shiikea Ajong we raq chongtlo. Apaiq ka ümchaü min asi, man niimin asi, kiimaq apaiq ka jai maq saüho tlaq we.

Revelation 10:6

Raütiishe, apaiq raq pattup pat-sa atra sitiwe, ra nai hiq phansangti we, kiimaq sammoktra jü phansangti we, kiimaq ta na nai jü mong na sitlaq wiitsitsü phan thun kra tiiqti we, Shiikeawe sitlaq mang na atiitum riito. Raütiishe, rase raq, “Shiikeawe raq jaqsham wan chang nguta jamlai phan wa süriitaq, kriika ümchaü jai na tiijai hitthü mak she!

Revelation 16:17

Kiijiishe, rase miishi ngojati riishe, ajaq wa Shiikeawe tsankhiq winpin ka rawang win niishe raübaiqto. Kiimaq tiijorotli she, maiq bom ashi raq tiihong raüta, shomjam mong na hokham ngacho wa akha bomto, “Arka lot kang she!”

Revelation 22:13

Ngi ka atiiphati kiimaq atiisupti. Apha wanti kiimaq atiithumti.”

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!

Revelation 3:14

“Laodesia na phungtu sitlaq kra liiti rase ma ara waiq laq: “Ara tsütsa arka Amen, tsapkapkap kiimaq riikhaqli hakhi keti we raq atiiwan. Apaiq ka Shiikeawe raq phanrap phansang wantaq kiima arang chong.

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”