Revelation 2:3 - ASII LAKDAP Bible (BSI)

³ Namshiq raq phanrap chamchao ka nin tlan. Ngi miitu namshiq kai chamchao wan lan. Li jiimin, namshiq raq kamtsantsii ka thaq man maq sitlan.

Hawa Naga Bible 2001

³ Mnoz kuex nanx thuinz httax vtuiux, ngvy tvkoc kuilc daz paunghvlc rvhumc vtuiux, thuinz muinz tvyomx muq.

Muklom

³ Nang aa unan eq u, etho i miing rangma tsamnang eq tho shingchak phamu angtu.

Revelation 2:3 Referencias Cruzadas

Tvtsvmc 37:7

Tsankhun maq khelaq laüta Tatiwe ma jaq ka tiishamlaq; juwa chiithe lüwa jarai wantlaq kra chhilaüta naq chaparaikiq riimakla jurwa abi kiimung raüta ongraitlaq kra miitu naq chapakiq.

Tvtsvmc 69:7

Ngi raq maiq thoda bu wan kang kriika ümmang na howan tiikang krai mren ngi ka jeasi thoda holata sitiikang.

Mikha 7:9

Nashiq ka shut kai dea, Tatiwe man na shutkai. Kriikha na heashise miitu, apaiq tsankhiq ka nin chang she. Shatmaq atiisup niika, apaiq raq nashiq mitiiwongkuq, Raüta nashiq ma ashut klo wantaq, kra atru she mirkuq wan. Apaiq raq nashiq ka rawü niishe mishea wan. Apaiq raq nashiq tiichhiike wan kra, namak ma michhi rong i.

Mark 15:21

Tsangshiq ka Jesuq pumsongkham na tübaiq kai, lam na akai rai riito. Kra akhing na Sairini mung wa Jerusalem chela na wa nguta awa, maiq weshi Simon nguta kra rai riihumto. Apaiq ma ase nai mang ka Alekjendar nai Ruphas riito. Phenlanok raq, Jesuq pumsongkham tipi ka apaiq ma, ningkun miishe tiipi hoto.

Luke 14:27

Jurwa maiqmii pumsongkham ka Pishat maq i jai phan phan wamak, kriiti ka i jaqshise ma jalot mak.”

Luke 18:1

Kiijiishe, Jesuq raq ajaqshisetiim ma tsangshiq ka wranaiqshe achu jaü ruq sichang kiimaq ümtiikaq ranaiq jiimin tsaiji tran ra mak nguta tsii chongkuqto. Apaiq raq kra tsii chongke bomtsi ka ara shiiton manphan armaq chong kuqto. Manphan ka ara.

Luke 21:19

Namshiq jaqkhon ka naq tiihiim rongkiq. Pharang rang maq chap wan ruq li si rong laq. Kra riihan jiila, namshiq raq riikhaqli maiqmii rilung kra milap wan han.”

Luke 5:5

Kiijiishe, Simon raq, “Shrinketi we, naishiq ka rawa minru ngiq khup niisiq kai. Shatmaq, ralang khampüse dongdii min pan mak. Li jiimin, ümbom tre khup tlang pha,” nguta apaiq bom ka treto.

Luke 8:15

Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

John 15:21

Shatmaq, namshiq ka i sengi ngo kha maq, tsangshiq raq namshiq ka mihaihii wan. Ara jamkhano chongtiikang ngukla, tsangshiq raq ngi tiikaiti we ka juwa sap mak.

Romans 12:12

Shiikeawe ma ranphan wan tlan krai mren, chochikhiq maq si ronglaq. Namshiq ma chamchao saü tlaq ranaiq na, tsan tiibum lanta nin ronglaq. Kiimaq wranaiqshe achu jaüshat maq si ronglaq.

Romans 16:12

Tatiwe jaqsham wanti Traiphena nai Traiphosa miimin salam tiitai tiikang. Kiimaq hali, ngi ma lungwii phuno we, Tatiwe jaqsham na kai shiikut raüta jonghea jaqsham wanti we Parsis miimin salam tiitai tiikang.

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

Romans 8:25

Shatmiitiq, nashiq raq na mak maq, jamlai phan wa chhi mai sitlaq, kra phan kra miitu, nashiq raq ran tsantsii thü wan tiikai. Ara ran tsantsii thü wan tiikai arka, mongngam maq milap wan rong i she dongdii nguta, tsan tiibum laita khewan tiikai.

1 Corinthians 13:7

Lungwiitsii rümti riika, ümtiikiimin thaq baiq mak phan. Kiimaq kamtsantsii, ranphan tsii, kiimaq anin tsii ka ümtiikiimin atu na moki mak phan.

1 Corinthians 16:16

akha phukhu welabi sitlaq jai ka phan ronglaq. Akhiisii nanok ahinti juwa phukhu welabi sitlaq, kriiti jai phan lanta shongnga ronglaq.

2 Corinthians 10:15

Krai mren, Shiikeawe raq naishiq ma, ümtinkhan jaqthiq wa tiichhi kuqtaq, kriiwa chan tlaq wakphe jampha mong wa, maiq ahinti raq jaq sham tlaq kra miitu ka, naishiq tiishomraki mai. Kra rii na, naishiq riika kamwan tiikai, namshiq kamasham kra, apa tsingo raüta, naishiq raq namshiq phong na, minshiiq ajong misham wan nong hai sham nguta, tiima tiikai. Arka Shiikeawe raq jaqthiq ümtinkhan wa tiichhikuqtaq, kra trai longshong sitlaq kra liipan na sham wan miituli chong tiikai.

2 Corinthians 11:23

Tsangshiq ka Jesuq Khristo jaqshisetiim dea sha? Ngi ka angi we ikha bomrai tiikang, tsangshiq nam ma, ngi ahata riikhaqli jaqshise nguta sitiikang we! Ngi raq tsangshiq nam na achan jaqsham tiikang. Ngi ka tsangshiq nam ma, phaqtek mong na jang apa shaqto. Ngi ka tsangshiq thaq na apa chunpo-nyam chongwai maq tsat wanto. Ngi ka tsangshiq nam ma, jang pahea atsai chang wa lun wan kang.

2 Corinthians 4:1

Shiikeawe raq apaiq lungwiitsii jaqkhong maq, naishiq ma ara Tsütsa Ahea ara chongke wan jaqsham kra kewan kha maq, ara jaqsham wan lam maq naishiq ka akhiismin tsaiji tran mai phan maq shiichaq tiikai.

2 Corinthians 4:16

Ara chongtiikai arkha maq tiina, nashiq ka ümtiikaq ranaiq jiimin, tsaiji tran mai phan. Nashiq han-ngam khum ara riiwe kla, ranaiq awea chaosusu maq ariim riiwan tlo. Shatmaq, nashiq wenyi khum arka, wranaiqtek anye ma jawan wan klai wantlo.

2 Corinthians 5:9

Riita ara chongtiikai nashiq raq alap chang asi kha maq tiina, ümchaü nashiq ka ara han-ngam hiqda na sikai lo, kiimaq ara khum ara baiqthü laita apaiq rai she sikailo, apaiq tiikhoqriiq miitu minshiiq kriili she nashiq ma akhek pinthum.

2 Corinthians 6:5

Naishiq raq maiqmo pahea howan kai; phaqtek mong na shaq wanto; kiimaq nokwe raq longliiq wanto; naishiq achan ana jaqsham nü wan kai; rawa konhü maq, amang ale maq pahea lea wankai.

Galatians 6:2

Phanrap sham akai ka, dorangrang pirangrang lanta, sham wan lili rong laq. Ahata namshiq ma Khristo thungtri lang lanta shongnga rilung.

Galatians 6:9

Riita, ija, ümchaü min, ara chong tiikai arai mren, nashiq ka ahea awa jaqsham wan kli she shiichaq rong i. Nashiq raq shamhea kaiwa ka thaq mai maq, shiichaq wan ruq sham hai jiika, akhing ashi na, nashiq raq tsam ka mijut wan rong i dongdii.

Philippians 2:16

Namshiq raq tsangshiq ma, rilung tsitsü bomtsi kra chongke wan lam maq, akha achhai anyii lam maq, si ronglaq. Namshiq raq akha minshiiq wan han jiika, Khristo Saükai Ranaiq na, Shiikeawe man na, ngi ka namshiq miitu, kai tiishomra lata, michochi ha. Kriika ngi raq namshiq ma Shiikeawe jaqsham kuq kang kra, atu na wiiki mak dea, atsi pahea tsi wanto nguta hakhi miraq.

Philippians 4:3

Kiimaq ngi rai kongshi maq jaqshamti we, kongti we lei, ümniiriimin la, ara nanyino nyungnai ara kiqram wan miitu, khrum kuq haü jaq ahea miraq. Tsangnai ka ngi rai, Tsütsa Ahea ara chongke jaqsham kra tiijong wan miitu, Klemen nai nanok phunobi ahinti kongtibi rai, reraüshi maq chap wan damti, kongti nyungnai jo. Ara chongtiikai, Shiikeawe jaqshamtibi mang ka, Shiikeawe raq atrati thun mang waiq chang, lakdam thü tlaq kiijaq asi.

Colossians 1:11

Apaiq raq namshiq ka, apaiq ningkun achhai anyii rüm tlaq kriimaq, srea laqkong miidea mija laq nguta naishiq raq achu jaü kuq tiikai. Kra raütiq, namshiq raq phanrap haikaiq haike ümchuwa saü tlaq kra wiita minin wan lot han. Kiimaq namshiq raq chojong chise maq, Awejong Shiikeawe ma kechutum ronglaq. Shiikeawe raq jamlai wa tiije wantaq, apaiq phan amaq maiqse thun miitu, rawü mungtan na thü tlaq kra lap wan dam miitu namshiq ka seshaq ma tiija kuq wanto she.

1 Thessalonians 1:3

Naishiq raq, namshiq ka, na Shiikeawe kiimaq Nawejong Shiikeawe man na, namshiq raq kamtsantsii ka jaqsham ma shiitai tlan kra miitu, kiimaq Shiikeawe ma lungwiitsii rüm tlan kriikha maq, Shiikeawe jaqsham ka pinthum shiichaq lanta sham tlan kra miitu, kiimaq namshiq raq, nashiq Tati Jesuq Khristo ma ran tsantsii thü tlan kra, pharang rang maq thü tlan kra miitu, Shiikeawe man na, laq maiq maq achu jaü tiikai.

1 Thessalonians 2:9

Phunainotiim lei! Naishiq raq namshiq tiichhanchhi wan miitu, itinkhan ranaiq rawa, japhü wasü hunnii kai irka, ümchaü namshiq tsan na asi li ahiq! Naishiq raq Shiikeawe Tsütsa Ahea ka namshiq ma chongke lam maq, naishiq raq ranaiq rawa jaqsham laita sikai. Laita naishiq raq namshiq ka jam min süpsi mai maq, jaqshamkai.

1 Thessalonians 5:12

Naphu nanotiim lei, naishiq raq namshiq ma sobsob bombom maq, tsii chongkuq tiikai ara tai ronglaq. Namshiq ma Phungmaiqse kamasham rilung lamphan na, lamsheatibi kiimaq sungkhu tsii lam chongke hunnii tlaqti ka, ahea wiq maq shreng lanta, shiililii rong laq.

2 Thessalonians 3:13

Riita, phunainotiim lei, namshiq riiwe kla athuk atsom jaqsham miika, ümtiikiimin naq nungpaq rongkiq.

2 Thessalonians 3:5

Shiikeawe raq namshiq lungwii tlaq kra, namshiq raq atsaü maq khon wan miitu, Tatiwe raq namshiq ma taksu tsii kli apa mikuq laq nguta kiimaq, Khristo raq namshiq ma anin wan ningkun ka apa kuq wan ruq mirlaq nguta, achu jaükuq tiikang.

2 Thessalonians 3:8

Naishiq raq ju jaq wiimin, phe maq jaüphaq siq mai. Jurwa khrum kuq wantaq, kriiti ma ari kuq laitli phaqsiq wan kai. Maiqjaq wa khrum jaü rii na, naishiq ka ranaiq rawa ümtinkhan wa hunnii laita, jaqsham wan kai. Naishiq miitu namshiq ma hekiilai ka kuq mai riikai. Naishiq maiqmii jaq maq minshiiq laita, tiipao phaq siq wan kai.

1 Timothy 4:10

Nashiq wiitarü, ara miitu pinthum hunnii tiikai. Kiimaq pinthum shiichaq laita minshiiq tiikai. Ara jamkhano chongtiikai ngukla, nashiq raq, nashiq ran tsantsii ka atra Shiikeawe jaqkhon mong na likuq kaishe. Apaiq ka maiqse angu wiitarü tiichhiiketi we, akhek ka apaiq ma kam tlaqti ka Tiichhiiketi we.

1 Timothy 5:17

Phungtuti shunshea wan lam na, maiqlare kamasham jaqsham kewanti ka thepliip jaq maq kewan chang. Akhek ka trahoketi nai ashrinketi hunnii tlaq kra ma, jaqmaq kechang.

Hebrews 10:36

Shiikeawe raq thikuq tlaq kra jaqsham ma jiila, namshiq ka tsankhun maq, tsan tiibum lanta, jaqsham shiichaq wan ruq chang li. Kra riihan jiitiq, Shiikeawe raq mikuq ha nguta kiqkham kuqtaq poksi kra milap han.

Hebrews 12:1

Riita, ija ümchaü sanha, nashiq trotam na, nashiq kamasham rilung na, nashiq ka jamkho shongnga tiikai, ara liiwanti, maiq hakhi bi ara chong wankai thun ara asi. Krai mren, ümchaü sanha, nashiq khum na tiibanbi chang ngarai, tiima tsantsii ümchuwa sitlaq kra thun ka wiita, chhut baiq thütlo wan rong i. Laita, kamtsantsii rilung na, ajong alu wan miitu, ümloq na saü li ju chang wa, kiijaq saü wanli chang miitu, shiikut laita ju rong i.

Hebrews 13:13

Riita, arkha maq, ümchaü sanha, nashiq min apaiq pha na chii phai na kilaita, apaiq raq maiq thoda howan raüta tsaitaq kra, nashiq riimin riisha howan dam rong i na.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

Hebrews 6:12

Ngi raq namshiq ka, roknin riishin ma tiija ka romang. Shatmaq ngi raq namshiq ka, Jesuq ma kamti maiqsetiim dea nguta, kamasham lamphan na, jaqkhon tiipha tiipha maq siti ma jawan kra lungwii tiikang. Raüta, Shiikeawe raq mikuqha nguta, kiqkham raüpot khakuqtaq kongphiq kra lap wantiiti bi, kiikha namshiq min si ronglaq nguta tiitai tiikang.

Hebrews 6:15

Krai mren, Abraham raq, pinthum maklii khamthii maq, Shiikeawe bom ma kam raüta, kongphiq kra lap miitu khewanto. Raüta, Shiikeawe raq akhamkuq kongphiq kra, apaiq raq lapto.

2 Peter 1:6

Namshiq raq han-ngam ramho ka anin lanta sichang raa tlo. Kiimaq phanrap chamchao, maitai, haikaiq haike saü tlaq kiimin wiita, tsan tiibum lanta nin wan ruq maq sironglaq. Lanta, namrilung ka awongsii Phungmaiqse rilung ma tiija ronglaq.

Revelation 1:9

Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.

Revelation 3:10

Riita, namshiq raq chamchao ranaiq min, ngi raq achongkuq wan aming ka nungpaq man maq lang wan lan, krai mren, ngi riimin namshiq ka, ara mangjong maiqse ma maitai chamchao jonghea saüho tlaq kiiwa, khup wong kuqshat maq mirüm ha.