Revelation 19:2 - ASII LAKDAP Bible (BSI)

² Apaiq raq khapho tlaq ka tingting, kiimaq riikhaqli pho tlo! Apaiq raq mangjong maiqse sethoq ja ngarai maq tiisheshi wanti, mephe nyung kha ka photo she. Shiikeawe raq asengi thun tsea baiq wan kha na, mephe nyung ka tiidea baiqto she.”

Hawa Naga Bible 2001

² Piq rueq khac phox yaq kuex tsuingrux nuiyc tvrac vlvmz rvtueq! Miqmac sahtok sapawx tsak vnyvmx maq ghaq htauk nuex tvyaq kuy jix mephex nyuiuz muex phox kuq gay tueq. Vpiq nvrc waz hez thvy gay ningkhvnc nuex Tishox rueq murx tvgurc kuq yaq,” ngoz tueq guyc wuez tueq.

Muklom

² Chammatakoi piq khaphung sha asing nia khakla. Piq aa ajong sathuk nu bara usathuk jaksom wang mingkang tha damnak ta, eshi nu tha phung ta. Etho Shkewa usanga tang tahi rangma piq sha tharotasam ta.”

Revelation 19:2 Referencias Cruzadas

2 HOKHVMX 9:7

Ümniiraq ümtijongwe hokhamwe, Ahab se kra tseabaiq ratlo. Arka Jejebel raq ijaqshisetiim shammibi nai ijaq shisetiim ahinti thun tsatbaiqto kra miitu imo tiihoshe.

Tvtsvmc 19:9

Tatiwe ma shreng manto ka ahea; kriika pattup siwan ruq miraq. Tatiwe raq kha phokuq tlaq thun ka tingting; kra photaq thun wranaiq she riikhaqli.

ISAIA 25:1

Tatiwe, ümniika i Shiikeawe; Ngi raq ümnaq mishrengha, lata ümmang mitiitsamha. Ümniiraq amao chang pahea shamlaü; ümniiraq man niiphü jaqsham chang thun sürii wan ka kunkun tsapkapkap klo wan laü.

DANIEL 7:26

Kiijiishe ramungtan wa rung ka minga, Raüta apaiq kha ka mipho. Raüta apaiq ningkun ka anyea mirbaiq, raüta apaiq ka tiimiqchup mishthen baiq.

TRI CHONGKE 32:35

Tatiwe raq tsangshiq phuk milam, raüta tsangjaqti ma mo mitiiho; tsangshiq dea wan akhing jai na misaü; tsangshiq chongthum jawan ranaiq ajeli she.

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.

TRI CHONGKE 32:43

“Maiqmung thun lei, namshiq raq Tatiwe senginok ka tiitsam ratlo, apaiq raq tsangshiq tseati thun ka wiita ma mo mitiiho. Apaiq raq ajaqtinok thaq na aphuk lamtlo, kiimaq asenginok ngarai thun ka diikuqtlo.”

Revelation 15:3

Raüta, tsangshiq ka Shiikeawe jaqshise Mosheq raq shingetaq kra shi nai Skuse raq shinge wantaq kra akha shinge trang taikang: “Achong lot mai awang chang ajong jaqshamti, O Tati Ajong Shiikeawe lei. Tingting tri raütu kappe shamti, Pattup pat-sa Hokham we.

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!

Revelation 18:3

Apaiq sethoq sepii ngarai che tsai ka mangjong hiq wa maiqmung kunkun raq wushi kong kham chum na riiwe tlaq ikha baknyang wanto she. Mangjong hiq wa honyung hokham bi raq, apaiq rai sethoq sepii kiicham raüta siwanto. Apaiq tsiiq ma süramti mangjong hiq wa laopan bi thun kunkun ka, apaiq ngarai tsiiq tum kiiwa, wok phetak chhaq she phesiqto.”

Revelation 6:10

Tsangshiq raq tiihong raüta siitrangto, “Ajong Pinthum Tatiwe lei, ümniika asii kiimaq tingting! Naishiq tseati matwe thun ka ümniiraq ümtinchotiq wa kha mipho kuq haü. Laüta tsangshiq kha bu ho tlaq kra miitu, tsangshiq ka mitiichamchao haü?”