Revelation 18:2 - ASII LAKDAP Bible (BSI)

² Apaiq raq tiihong raüta akha riimto: “Thento! Thento! Ajong Pinthum Bebilon Chela thento! Apaiq sichang jam ka ümchaü shotsai winji kong tiibo chang she. Ashe ashi maiqphai asi wushi kong da chang chong miishe jakito.

Hawa Naga Bible 2001

² Piq kuex bomc yunghvlc maq guyc vtueq: “Babelon ghaqyungx kuex rul wvnc vtuex! Rul wvnc vtuex! Ekvruex ghaqyungx kuex htaungc htenc nuiyc vshuy vshac htaungc httaz juing baung, miqsuirc vsac wushawx httaz juing baung rvtueq.

Muklom

² Piq aa jujong ahal eq batta, “Qhatwang angta! Ajong Babylon qhatwang sey angta! Thangwa tang tongching sey angta; piq aa thaji anaan tsija tang etho anaan wo tang etho chikrik nia anaan jatngam tang tongching sey angta.

Revelation 18:2 Referencias Cruzadas

ISAIA 14:23

Ngi raq Bebilon chela ka boqbaiqbuq tham chum miishe mitiija baiqha. Lata kiijaq wukhuk kong dachang miili she mitiija baiqha. Ngi raq Bebilon mung ka wiichhiite maq wiita siirai she michhii baiqha. Arka Ngi, Ajong Pinthum Tatiwe raq ngu tiikang.”

JEREMIA 25:30

“Jeremia, ümniiriika, Ngi raq jamlai bom wa chongkang kra wiita chiiriim laüta chongke ratlo. Ümniiraq arnok ma chongke raa dongdii, ‘Tatiwe ka ramungtan maq ahok aho misaüho; kiimaq ramungtan nyang maq amok achhai misaüho. Apaiq ka asenginok ma ahok aho miraq, apaiq ka spiqtsi tiikittiwe ikha agi asii miraq, hiqraikhü na siti maiqse angu kunli raq mitai.

JEREMIA 51:37

Kra mung ka hiqmiq changkhü miishe mijaki. Kiijaq rumngam phongli she misi wan. Kriika aliilot chang riimak miraq. Maklii jai na tiijang phat miraq. Kiijaq maiq ka simak she. Kiimaq kra mung ka chhiti maiqse kunli ka phiipraq mitsai.

JEREMIA 51:8

Bebilon ka tiihanghiiq miili dea wanto. Raüta tiisiirai she thento! Amaa hoq ronglaq! Apaiq mi thun kra phum ma tsiq rit ronglaq. Jursap tsiq maq phum raülo heaki jiiq riila

Yoel 3:16

Tatiwe raq Jajon hiqlam maq chap raüta hok tlo, Apaiq bomtsi ramoktrang ikha, Jerusalem chela maq mok tlo. Ra ahiq atiikhai banban. Shatmaq Tatiwe apaiq ka asengi tiiwongchang ba, Israilnok miitu peruk weshaü.

JEPHANIA 2:14

Kriiba na phanrap phanrii, ngamsaü ngiqseli she mitiibo wan; wukhuk kong ka jamriim na mida wan. Kitanpu thun kiimaq atsü angii mirwan. Khalakong ka kilam da na ngaraq raq, mitsüngii wan. Maisak pepen maq ahai thun min, wiitashe ümtiingoq wan.

Revelation 1:15

Ahokphi wiinai ka nairai ngam tiisii chen rea je she chhairai tlaq ikha achhai anyii riito. Kiimaq akiq hang ka khamdü jonghea ramok wa ikha dea tlo taikang.

Revelation 10:3

Raüta, apaiq raq tiihong raüta hangsi kaü giwa ikha riimto. Apaiq raq riimjai she ramok wa trang lak miishe maq, apaiq bom ka treto.

Revelation 11:8

Kiimaq, tsangnai maa ka kra chela jonghea, tsangnai Tatiwe pumsongkham na tübaiqtaq kiijaq chiiheawea lam na küram liira tiibum raqraq miraq. Riita, kra chela shiiton mang ka Sodom chela riimak la Ejip nguta miraq.

Revelation 14:15

Kiijiishe shomjam wa rase ashi hali dongki raüta, tiihong raüta phum khuthaq na ngati we ma akha riim chongto, “Ümjaq na sham tlaü ningshao maq tsam man rü ka han laq. Jamkhano ngukla, ümchaü ka tsam hancho akhing she saü wato. Mangjong hiq wa tsam ka ümchaü aman she!”

Revelation 14:8

Kra jai na, rase anai ngojati raq tiijorot she hali, akha rüm chongto, “Apaiq ka miqto she! Ajong Chela Bebilon ka miqto she! Apaiq raq mangjong maiqse wiitarü ma ache maq tiiphe siq wanto. Apaiq sethoq ja ngarai che tsai maq wiitarü ka ngeasiqto she!”

Revelation 16:13

Kiijiishe, ngi raq ashe ashi winji atsam kra chhikang. Tsangshiq sham ka jukmantsai kaü sham ikha. Tsangshiq ka prenkaü nübok, ngamthaiq kaü nübok, kiimaq arot shammi we nübok maq adong.

Revelation 16:19

Kra hiqjong mu riishe, ajong pinthum chela Bebilon ka mantsam niishe tiikho baiqto. Kiimaq mangjong hiq na sitlaq chela thun ka, wiita she shiithen baiqto. Shiikeawe raq ajong pinthum Bebilon chela ngarai ka atsan na thüshat asi. Krai mren, kra chela ma Shiikeawe raq atsankhiq henghea che tsai khap kriishe tiinyangto.

Revelation 17:18

“Ümniiraq chhi laü jechak nyung kaü kriika, mangjong hiq na honyung hokham bi sitlaq kra pengti, ajong pinthum chela sitlaq kra nangnga ngutlo.”

Revelation 17:5

Apaiq khakam na, apaiq mang ka tiiwaiq raü riito. Arka maiq awang rai mang ashi: Kriika akha tiiwaiq raü: “Ajong Pinthum Chela Bebilon mephe nyungre ma anyung jong kiimaq mangjong hiq na maiqsai asi phan phong chang chiim.”

Revelation 18:10

Wa na apaiq khiim wan kra chhi raüta, tsangshiq ka phiip raq mitsai. Tsangshiq ka alu na chap raüta, akii anyii akha mihoq trang: “Phiiptsi! phiiptsi, O ajong chela lei, O, Bebilon chela ajong ningkun rümti lei! narishi niili chongthum miq wan laü nya!”

Revelation 18:21

Kiijiishe, rase jonghea ashi raq longpen kaü jonghea ashi ka do raüta sammoktra jü mong na anü maq akha abom lam maq dobaiqto, “Ara chela ajong pinthum Bebilon chela ka ara longpen kaü sammoktra jü mong na dobaiq tlaq akha tiimiqchup botkhulai rai she shot raüta mishthenbaiq. Ara chela ka jai na thongshi liikai chang achiim min ahü she miraq.

Revelation 5:2

Kiimaq ngi raq rase ashi srea jong raq, “Ara lakdam kom sil atrap phan thun ara tiibum raüta, tlii linti maiq weshi raq maiqshaq arjaq asi sha?” nguta tiihong raüta rüm tiitaito taikang.