Revelation 12:3 - ASII LAKDAP Bible (BSI)

³ Kiimahali, rawang win na pinthum awang chang ashi hali tiijiki nongto. Kiijaq shiiroro prenkaü jonghea jonghea ashi chhikang. Akhupo ka miishi. Kiimaq arong ka roqshi. Kiimaq akhupotek na hokham khuphok phok raqraq riito.

Hawa Naga Bible 2001

³ Raungmungx nuex vganc vwangc juing phvnx shiz hulawx dung wvnc yek tueq. Vkhux mvshix, vrungx rokshiz httax yaq yungrex vshawx vshiz kuex vkhux htenc nuex khushec vphuq buz taq yaq.

Muklom

³ Etho rangkan na adak maal wey takhi ta. Ashey ajong ashang puchapak angta, piq ma sanat kho etho asi rong angta, etho ukho thina sanat lungwang khopok angta.

Revelation 12:3 Referencias Cruzadas

ISAIA 27:1

Kra ranaiq akhing na Tatiwe raq nepjasai kaü jonghea kiimaq henghea sihea kra sham raüta khamjong chum na siti prenkaü jonghea, akap atsea, akom alom aphe aphiiq chlaikaü ikha khumtlaq ngamthaiq kaü kra misebaiq.

ISAIA 51:9

Tiidolaq, Tatiwe lei, laüta naishiq khrumlaq! Ümningkun shoqlaq laüta naishiq tiichhiilaq; richü pat na jamkho shoqlaü kiikha shoqlaq. Man na ümniiraq jungrükaü Rahab bunlak chumbaiq laü ihata.

ISAIA 9:15

Tikiire thun nai nyungwe jongbi thun ka akhupo. Kiimaq amaita ka shammibi thun kra. Tsangshiq raq trahokuq wantaq ka arot akiq siisaq shrinkuq wanto!

DANIEL 2:41

Kiimaq ümniiraq sumla hokphi wiinai nai ahokshi thun ka, bashi ka hamlii hiq kiimaq bashi ka jin maq alo chhilaü. Kra mungtan ka khotham khothiq mungtan miraq. Hokham wiijam ka jin ikha ningkun ka aheng miraq, jamkhano ngukla kriika jin ka hamlii rai shot raüta loto.

DANIEL 2:42

Kiimaq hokshi thun ka bashishi ka jin maq alo kiimaq bashishi ka hamlii maq alo riito. Kra liichum ka kra ajong mungtan pengti hokhambi ka wiijam ka ningkun aheng, kiimaq wiijam ka ningkun ajom maq mipeng wan.

DANIEL 7:20

Kiimaq ngi raq, akhupo na arong roqshi sitlaq kra, kiimaq jai maq apong wan, arong ashiti kriiraq, arong roqshi phong wa, rongtsam ngok baiqtaq kra samhea sap wan rokang. Kra rongti ka amakpo min asi, kiimaq anübok min asi. Kiimaq anübok maq pinthum shiikong tsütsittlo. Kra rongti ka arong ahinti thaq na phiiptsi jiiptsi chang riito.

DANIEL 7:24

Arong roqshi liichum ka, hokham weroqshi midong. Raüta kra mungtan ka mipeng wan. Kiijiishe hokham weshi hali midong wan; apaiq ka kongkhu lak wa hokhambi, thaq na pong she midong. Kiimaq apaiq raq hokham wetsam kra mitiidea baiq.

Revelation 12:1

Kiijiishe, pinthum awang chang jonghea rawang win na tiijikito chhikang. Kiijaq maiqnyung ashi, apaiq miirii ka rashe kaü samraü, kiimaq jipi kaü thaq na ahok ka tiida raüta nga raü chhikang. Kiimaq apaiq hokham khuphok phok tlaq kriika raiqsaiqpo roqshi ri anai maq tiimii raüta ahai riito.

Revelation 12:13

Krai mren, prenkaü raq, apaiq ka mangjong hiq na tiidea baiqto she nguta sap raüta, ase maiqwe se chiiti noshii nyung kriishe tiikot mrot she johoto.

Revelation 12:17

Kra prenkaü ka jechak nyung ma kai khiqto. Kra ningkhan, jechak nyung ma ase ano ahinti Phungmaiqse, Shiikeawe wokhong na siti, kiimaq Jesuq raq achongkuq tengteng bomtsi aming kra tsapkapkap maq langtibi rai riikhat kai ngutiishe kihoto.

Revelation 12:4

Ra na raiqsaiq diim tlaq kiiwa, mantsam wa manshi rii ka prenkaü maita maq chhii raüta, mangjong hiq na wan baiqto. Apaiq ka maiqnyung khaki na chapshat maq kheshat riito, maiq- nyung raq ase ka chiiri, apaiq raq noshii se ka phaqho ma nguta khekham riito.

Revelation 12:7

Kiijiishe, rawang win na re she dong wanto. Maikel nai apaiq kongti rasetiim raq, prenkaü nai apaiq sengi rasetiim kriishe khat wanto.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:1

Kiijiishe, ngi raq ngamthaiq kaü ashi sammoktra jü mong maq dong wanto chhikang. Arong ka roqshi. Kiimaq akhupo ka miishi. Arongtek na hokham khuphok phok raqraq riito. Kiimaq akhupotek na mang tiiwaiq raqraq asi. Kra mang tiiwaiq tlaq kriika, Shiikeawe shummii mang siisaq.

Revelation 13:2

Kra, ngamthaiq kaü sham ka chiqwaiq kaü ikha. Ahokpe ka chapbi hokpe ikha. Kiimaq anübok ka hangsi nübok ikha. Prenkaü raq ngamthaiq kaü ma, apaiq raq rüm tlaq ningkun tu, apaiq ngachang hokham ngacho, kiimaq apaiq raq rüm tlaq arang jonghea kiiwa wiijam triisha raüta kuqto.

Revelation 13:4

Wiitarü raq prenkaü ka shomnoqto. Jamkhano ngukla, apaiq raq sammoktra jü mong wa adong wan ngamthaiq kaü ma, apaiq arang ho tlaq kra triisha kuqto. Tsangshiq raq jü mong maq adong ngamthaiq kaü kriimin shomnoqto. Tsangshiq nü maq akha abom lam maq shomnoq wanto, “Ara jü mong maq adong ngamthaiq kaü atinkhan ka juwa sitla? Ara ngamthaiq kaü arka juro mirkhat lot?”

Revelation 15:1

Kiijiishe, ngi raq rawang win na awang chang phanshi tiiji hali chhi nong kang. Kriika kai ajong pinthum. Kiimaq maiqphiip maiqjiip chang phan ashi riito. Kiijaq rasetiim ka miishi. Tsangshiq ka ashthum thadong jang miishi kra shamti. Ara atiisup jang miishi thadong arka, Shiikeawe tsankhiq walü nyai wa she.

Revelation 16:13

Kiijiishe, ngi raq ashe ashi winji atsam kra chhikang. Tsangshiq sham ka jukmantsai kaü sham ikha. Tsangshiq ka prenkaü nübok, ngamthaiq kaü nübok, kiimaq arot shammi we nübok maq adong.

Revelation 17:12

“Ümniiraq arong roqshi chhi laü ka hokham weroqshi, ümchaü niitaq mung misiq wan shaqti riito. Shatmaq, tsangshiq ka ngamthaiq kaü rai nari shi miitu hokham ma mishong.

Revelation 17:16

Ümchaü ümniiraq chhi tlaü arong roqshi kriiraq nai ngamthaiq kaü kriiraq, mephe nyung kriishe mishu lii wan. Raüta, tsangshiq raq jechak nyung jaq na ümtinkhan wa tsiiq nai nyam rüm tlaq kriika, tiisii rai she run raüta minyeaho. Raüta, apaiq ka naiqhü she mitiinga baiq. Tsangshiq raq apaiq ngam kriishe miphaq. Raüta, apaiq ka wa maq miishe mitiikhiim chaq baiq.

Revelation 17:7

Kra chhi raüta, rase raq ngi ma nguto: “Ümniika jam nguto wangthang raiho laü?” nguta rase ngi ma waito. “Tailaq, ngi raq ümniima, ara jechak nyung rilung liichum, apaü raüta athü kra nai apaiq chao tlaq ngamthaiq kaü, akhupo miishi, kiimaq arong roqshi sitlaq kra liichum kra chongkuq pha.

Revelation 19:12

Amakpo ka walü liwa ikha achai anyii. Kiimaq apaiq raq khuphok ka pahea phoktlo chhikang. Apaiq dü na mang ashi waiqje asi riito. Shatmaq kra mang na jamlai wa waiqtaq, kriika apaiq tlea raüta maiq ahinti jurmin saplot mak.

Revelation 20:2

Rase raq prenkaü ka khahoto chhikang. Apaiq ka richü pat wa paükaü kra. Apaiq mang ka Thawe riimak la Soitan ngutiimin ngutlo. Rase raq apaiq ka jinraü maq tep khato. Raüta rase raq apaiq ka hiqkhobok jonghea acha ahü linlii mong kiina tiidea baiqto. Raüta kilü ka shaq raüta sil maq phan baiqto. Thawe ka kra hiqkhobok jonghea acha ahü linlii mong na rawii hingshi phaqtek na tiikhashat misi. Kiimaq kra liipan na apaiq raq maiqse angu mangjong hiq wiika lao lot mak she miraq. Kra rawii hingshi phaqtek na shaq jai she, apaiq ka jaqlo miitu adii baiq chang midongki nong.