Revelation 1:9 - ASII LAKDAP Bible (BSI)

⁹ Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.

Hawa Naga Bible 2001

⁹ Ngaz kuex nuimshiq phunox waz Yohan rvtauk. Yesu yix phvnc jix waz vshiz ikhoc maq vpiq Mungtan nuex seng yaq miqsaz htenc rvhumc yaq kuilc daz kuex thuinz vluz maq nuimshiq rulc roc nuex nanx jix waz rvtauk. Ngaz kuex Tishox bomjungc nuiyc Yesu rueq hakhix tvkhic wvnc tueq tsuingrux lvmx jungphvnc tvtay kuy ningkhvnc nuex, Patmo julc lomz nuex tvkay gay rvhumc tauk.

Muklom

⁹ Nga John, bara nim no, etho tsamnang na etho Shkewa mungtan na etho nim jamoq Jesu o tinthaman eq jakho náng ka ang. Etho nga Shkewa raaq rangma etho Jesu rangma miikkhi tungkang o Patmos ta miing aa jung jaktung haq na ang táng.

Revelation 1:9 Referencias Cruzadas

Matthew 20:23

Kiijiishe, “Tengto, namnai raq i kok wa minyang wan lot han. Shatmaq ngi rai jaqtsi na nai jaqpha na tiinga miitu aming ka, i jaq na ahü. Arka i We raq ju rii wa thü tlaq, kriiti rii li miraq,” nguta Jesuq raq tsangnai bom ka treto.

Mark 10:39

Kiijiishe “Milot hai” nguta tsangnai raq treto. Jesuq raq tsangnai ma hali chongto, “Kra ngutlan ka tengto. Ngi raq nyang tiikang chamchao kok ka, namnai riimin minyang han. Kiimaq ngi raq lam tiikang kiikhiisii, kham min milam han.

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Romans 8:17

Riita, ija, ümchaü sanha, nashiq ka asetiim she jawan kai kha maq, Shiikeawe apaiq raq, aphan amaq she nguta asengi miitu, achu shiiman ümtin khan wa rüm tlaq, kra thun ka wiita milap wan dam rong i. Kiimaq nashiq riika, Shiikeawe apaiq raq Khristo miitu, ümchuwa achu shiiman rüm tlaq, kra wiimin milap wan dam rong i. Riita arka, nashiq raq Khristo chamchao wantaq homa kra, jamkho riisha howan dam tiikai, kra tinkhan, nashiq raq apaiq achhai anyii khushü ngao kriimin, milap wan dam rong i.

Romans 8:25

Shatmiitiq, nashiq raq na mak maq, jamlai phan wa chhi mai sitlaq, kra phan kra miitu, nashiq raq ran tsantsii thü wan tiikai. Ara ran tsantsii thü wan tiikai arka, mongngam maq milap wan rong i she dongdii nguta, tsan tiibum laita khewan tiikai.

2 Corinthians 1:7

Kriikha maq, naishiq raq namshiq khuthaq na riichopi wan tsantsii thü tiikai kriika akhiismin tiimeshi mak phan. Naishiq raq asap hai, namshiq raq naishiq chamchao jamkho riisha howan dam tlan, kiikhiisii hali naishiq raq Shiikeawe jaq wa jamlai khrum wa lap wan kai, kra namshiq riimin lap wan tlan.

Philippians 1:7

Namshiq ka wranaiqshe, i mong jü na sitlan! Ngi raq namshiq miitu, akha tiima tiikang arka athuk atsom jaqsham. Namshiq ka ngi rai reraüshi maq, Shiikeawe raq ngi ma tiitsangdada Tsütsa Ahea chongke wan jaqsham kuqtaq ara, riisha sham dam tlan. Namshiq ka man na, ngi jam tiibanbi ahü maq, Tsütsa Ahea ara, achaq awaq maq, chongkuq lata, arang apha maq tiicham wankang, kra akhing niimin, ngi rai reraü shi maq silan. Kiimaq ümchaü, ngi phaqtek mong na sitiikang niimin, ngi rai reraüshi maq chap dam tlan.

Philippians 4:14

Li jiimin la, namshiq tsii hea kha maq, ngi chamchao bala, namshiq raq ngi khrum kuq lan kriika ahea pinthum.

2 Thessalonians 3:5

Shiikeawe raq namshiq lungwii tlaq kra, namshiq raq atsaü maq khon wan miitu, Tatiwe raq namshiq ma taksu tsii kli apa mikuq laq nguta kiimaq, Khristo raq namshiq ma anin wan ningkun ka apa kuq wan ruq mirlaq nguta, achu jaükuq tiikang.

2 Timothy 1:8

Ara chongtiikang arai mren, ümniika nashiq Tatiwe miitu, nanok ma hakhi kewan lam na, nola we ashi ikha silaq. Kiimaq ngi ara Khristo tsütsa chongketi we ngo kha maq, phaqtek mong na shaq tlo. Ümniiraq ngi miitu min naq jeasikiq. Kra rii na, ngi jamkho chamchao tiikang akha, ümniimin Tsütsa Ahea miitu chamchao wan ma khekham maq silaq. Shiikeawe raq ümniima phanrap chamchao nin wan miitu ningkun mikuq.

Hebrews 10:36

Shiikeawe raq thikuq tlaq kra jaqsham ma jiila, namshiq ka tsankhun maq, tsan tiibum lanta, jaqsham shiichaq wan ruq chang li. Kra riihan jiitiq, Shiikeawe raq mikuq ha nguta kiqkham kuqtaq poksi kra milap han.

1 Peter 5:1

Ngi ka phungtu shunsheati maiqla weshi ngo maq, namshiq phungtu shunsheati maiqlare ma, ara bomtsi ara akhek tiitai rotiikang. Ngi raq i mak maq Khristo chamchao wantaq kra chhi kang she. Kiimaq Khristo ka ümtiikiiwa saüki nong jiiq, ngi riimin apaiq asii khushü, ngao, ningkun kra milap ha nguta kamto maq khelata sitiikang. Ara ningkhan, ngi raq ara namshiq ma tiitai tiipha ara.

Revelation 1:1

Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.

Revelation 1:2

Kiimaq Johan raq amak maq ümchuwa chhitaq kra wiita chongkuqto. Arka Shiikeawe raq apaiq ma kuqtaq tsütsa kra raüpot kiimaq Jesuq Khristo raq atiichhikuq tengteng bomtsi.

Revelation 1:4

Johan raq Asia wang na siti phungtu miishiti ma: Shiikeawe raq namshiq ka phumram kham maq batshat, kiimaq khoqramkii maq keishat maq mirümkom laq. Shiikeawe ka man niimin asi, ümchaü min asi, kiimaq apaiq ka jai maq saüho tlaq we. Kiimaq Shiikeawe shiiliti winji miishi, Shiikeawe ngacho khaki na nga tlaqti raq,

Revelation 1:6

raüta nashiq ka Apaiq Shiikeawe, Awejong Shiikeawe kra shomnoq miitu, nashiq ka ramwe mung ashi miishe shongtaq, kriiwe miili, khushü, kiimaq ningkun kra pattup pat-sa misi wan laq. Amen.

Revelation 11:7

Riita, tsangnai raq ümtiikiishe wa traho bom chongke kra lotjiiq, kra lot jai hiqbikho maq adong ngamkaü raq tsangnai ka mikhat. Raüta, apaiq raq tsangnai ka mitang. Raüta, tsangnai ka mitsat baiq.

Revelation 12:11

Tsangshiq raq apaiq ka Skuse tiijai maq nai, tengteng bomtsi chongkuq wantaq kriimaq tang wanto she. Tsangshiq raq atsai ma kham raüta, tengteng bomtsi ka chongkuqto.

Revelation 12:17

Kra prenkaü ka jechak nyung ma kai khiqto. Kra ningkhan, jechak nyung ma ase ano ahinti Phungmaiqse, Shiikeawe wokhong na siti, kiimaq Jesuq raq achongkuq tengteng bomtsi aming kra tsapkapkap maq langtibi rai riikhat kai ngutiishe kihoto.

Revelation 13:10

Juwa re raq lap chang, kriika kamto milap wan dongdii; juwa atseabaiq chang; kriiti ka nepja thaq maq tengteng mitsai dongdii. Arka Shiikeawe sengi raq, anin chang raüta kamtsantsii pharangrang maq si miitu tsii chongtlo.”

Revelation 14:12

Arningkhan, Shiikeawe sengi bi, Shiikeawe wokhong na sitibi ma, kiimaq Jesuq wokhong na sitibi raq anin wan chang raa tlo.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.

Revelation 3:10

Riita, namshiq raq chamchao ranaiq min, ngi raq achongkuq wan aming ka nungpaq man maq lang wan lan, krai mren, ngi riimin namshiq ka, ara mangjong maiqse ma maitai chamchao jonghea saüho tlaq kiiwa, khup wong kuqshat maq mirüm ha.

Revelation 6:9

Kiijiishe, Skuse raq sil atrap phan biingi ngoja kriishe tiibun raüta linto chhikang. Kiijaq ngi raq berongwacha na, Shiikeawe bomtsi tsapkapkap maq chongke kha na, Shiikeawe sengi atsatbaiq wanti tsaiji wenyi kong ka pahea chhikang.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.