PHOWEBI 9:5 - ASII LAKDAP Bible (BSI)

⁵ Raüta apaiq ka awe jam na, Ophra chela na wato. Raüta kiijaq longkaü kaüshi thaq niili, aphu anotiim roqmiishi, Gideon setiim ka jiipbaiqto. Shatmaq Gideon se nobungwe Jotham ka atiipaü riikito. Kriikha maq apaiq ka tsat lap mak dea riito.

Hawa Naga Bible 2001

⁵ Piq kuex Ophra ghaq nuex httax yaq vwaz yuimx kvyuq waung vtueq Gideon sahez rvtueq vphuz vnox hez waz 70 kuex lungkuiux vshiz htauk nuex dvyx thvt gay tueq. Yuq muinz Gideon saz noyix waz Jotham kuex kvhttuiyq kay khuec nuex thvy gay rvhumc muq.

PHOWEBI 9:5 Referencias Cruzadas

1 HOKHVMX 1:12

Riita ümniiraq ümmiisaq nai ümse Solomon miisaq ka tiichhii wan rotlaü jiila, ngi raq ümniima tsü chongtiikang ara tailaq.

1 HOKHVMX 1:21

Ümniiraq kra klo maü raüla, ümnaq tsaijai, ise Solomon nai ngi ka hokham ngachang jiiti nguta kha minyan.”

2 HOKHVMX 10:17

Tsangnai ka kiijaq saüwa raütiishe, Jehu raq Ahab ma tati seno thun ümchuwa sitlaq kra wiita tsatbaiqto. Maiq ka weshi min atra tiichong mak jiipbaiqto. Arka Tatiwe raq Elija ma chongtaq kra phan phan she kupi wanto.

2 HOKHVMX 10:7

Krai mren, Jehu raq atiiwan lak ka lap raüta sanha, Samaria chela riimti mungtubi raq Ahab saüsetiim maiq roqmiishi ka wiita tsatto. Raüta tsangshiq khupo thun ka raqhii mong na miiraüta, Jehu ma Jejreel chela niishe tiihohoto.

2 HOKHVMX 11:3

Jehosheba raq nonose ka Shomjam mong na paü raüta wiitrok na saüli tiichhanchhito. Kra bala ka Hokham nyung Athalia raq mung ka pengto.

2 KAÜWA WERAÜ 21:4

Riita ümtiikiiwa Jehoram raq Juda mungtan ka ajaq khon mong na phataq she thütiikang nguta saptaq, apaiq raq anotiim thun ka wiita tiitsat baiqto. Kiimaq Israilnok phong wa siihiipbi wiijamti kiimin tiitsat baiqto.

Matthew 2:16

Herod raq shedong mung wa aki wanwetiim raq apaiq ka laoratto ngutiishe sapraüta, apaiq ka kai khiqto. Kiimaq apaiq raq Bethlehem chela na siti nai kra tro binjü na siti maiqwe sere, arawii wiinai nai wiinai takiq na ümchuwa siwan tlaq kra tsea baiq miitu aming kuqto. Apaiq raq ara aming kuqtaq arka wanwetiim raq raiqsaiqpo chhitaq akhing rahiq jipi kra shiiton raüta aming kuqto.

Matthew 2:20

“Tiidolaq, laüta, nonai sinyung ka Israil mung niishe shea wan nong laq. No tsea baiq tantibi maiq thun ka ümchaü atsai kaiwi she.”

PHOWEBI 6:11

Kra akhing na Tatiwe rase ka Ophra hiqshong na kito. Raüta Abiejar weraü wa, maiq weshi amang Joash ngutlaq kriiwe hiq na ok chongji na ngato. Ase Gideon ka Midiannok raq apaiq chhijiiq nguta, ahukse maq Bunwong khaolüm ka spiqtsitsai tiikit chang longtham na tiikit rea riito.

PHOWEBI 6:24

Gideon raq kriiba kiijaq Tatiwe ma berong-wacha ashi haito. Raüta kriika, “Tatiwe ka Hansang,” nguta mangto. (Kra berong-wacha ka ümchaü min Abiejar weraü phan hiqshong Ophra hiq na tiishong shatli sitlo.)

PHOWEBI 8:30

Asetiim ka weroq miishi, jamkhano ngukla achaktiim ka apawiq riito.

PHOWEBI 9:18

Shatmaq ümchaü ranaiq, namshiq ka iwe ma ata awii thun kra namshiq raq wesang ralii miishe tiija wan lan. Namshiq raq asetiim kongnyung kaüshi weroqmiishi ka longkaü ashi thaq na tsatbaiqlan. Kiimaq iwe jaqshi nyungse Abimelekh kra, namshiq ma tanyang seno lam nguta, namshiq raq apaiq ka Shekhem chela hokham miishe shong lan.

PHOWEBI 9:2

Shekhem chelati ma bom ka akha tiiwaito, “Namshiq raq jamkho rotlan? Namshiq ka Gideon setiim maiq roqmiishi raq peng wan kriisha lungwii tlan, shea wela weshi riili peng wan wa rotlan? Namshiq tsan na tiitsang ronglaq, Abimelekh ka namshiq ma tiijai han-ngam ashi.”

PHOWEBI 9:6

Kiijiishe Shekhem chelati nai Bethmillo chelati ka adam na pong raüta, Shekhem chela na asii berong ok chong ji kiina kito. Raüta tsangshiq raq Abimelekh ka hokhamwe ma shongto.