PHOWEBI 8:1 - ASII LAKDAP Bible (BSI)

¹ Kra akhing na Ephraim phan raq Gideon ma, “Ümniiraq Midiannok khatkai kilaüta naishiq ma jamto chongmaü? Ümniiraq naishiq ka jam nguto roilaü?” nguta tsangshiq raq Gideon ma kai akhiq ariq tiibottaq trangto.

Hawa Naga Bible 2001

¹ Kvruex yimaq Ephraim waz rulx rueq Gideon muex ngoc, “Mnoz rueq Median miqsaz kox nuex kaz vtueq khvt kaz toq nuex yvmx ngoz tueq lac nuiyshiq kuex gvl muq rv-phux? Yvmx ngoz tueq lac nuiyshiq muex kvkhoc ruez phux?” ngoz tueq songhvlc mvrax tvgurc wuez tueq.

PHOWEBI 8:1 Referencias Cruzadas

2 SAMUEL 19:41

Kiijiishe Israilnok mungti tlotli ka hokhamwe phana wato, raüta nguto, “Chaü lei, riita naishiq ma phunaino Juda mungti tsangshiq raq ümniika nyea wan thektlo. Raüta, ümnaq, ümta ümwiitiim thun, kiimaq ümsengi mungmaiqse thun kra Jordan rai kra tiijin wan raüta shea wan thektlo nguta jaram wa tiimatla?”

2 SAMUEL 19:42

Kiijiishe Juda mungti raq treto, “Naishiq raq kra klokai ka, hokhamwe ka naishiqnok. Riita ara miitu namshiq ka jaram khiqriq wiita? Apaiq raq ara miitu naishiq lamsea ka kuq mak dea. Kiimaq apaiq raq naishiq ma jamlai tsiiq nai nyam min pheakuq wan mak dea la.”

YOBA 5:2

Maiq ma khiq ma batbu rai laüta, tsankhiq tsi ma tsaisea kriika angi nola tsantsii.

TAKSU LAK 15:1

Aninse maq maiqbom tre raüla, maiqtsankhiq ka ashi mirki; Shatmaq kiqla hiiphii maq tre raüla, tatsoli mitiipa.

THARC TVLUINGC 4:4

Kiimahali maiqse ka ongwan hajaq nguta pinthum minshiiq shiichaqtlo chhitiikang. Arka tsangshiq raq nanok chiiti kra lümha jaq nguta amakshu tsi ma shiichaqtlo. Shatmaq armin atuli, rahai jaijoli.

Hosea 13:1

Tatiwe raq ngutlo, “Man na richü pat na Ephraim phan raq, bom poshi chongraüli Israilnok maiqphan ahinti ka, aphiip ajiip khakii wali riitlo. Mungmaiqse ka Ephraim phan ma tlam raütli siwanto. Shatmaq Ephraim phan raq ngarai tang wanto. Tsangshiq raq Baal phra shomnoq wanto. Arkha na tsangshiq ka atsai she miraq.

PHOWEBI 8:2

Kiijiishe apaiq raq treto, “Ngi raq jamlai wa shamkang kriika namshiq raq jaq sham lan kriirai tiimren chang ka riimak. Namshiq Ephraim phan raq ralangse li sham lan kra dongdii min, naita raq ümtinkhan wa shamkai kra tlotli rom raüta thapthi raüla, namshiq raq sham lan kriika ajong pinthum.