PHOWEBI 7:4 - ASII LAKDAP Bible (BSI)

⁴ Kiijaq hali, Tatiwe raq Gideon ma chong nongto, “Ümniirai maiq ka ümchaü min pahea shaqli. Tsangshiq ka khamrai kiina sheaho laq. Kiijaq ümnaq miitu ngi raq tsangshiq mitsea kuq kang. Ngi raq kriiwe ka ümniirai wadam chang nguta nguhala, apaiq ka waratlo. Kiimaq ngi raq kriiwe ka ümniirai wadam maimak nguhala, kriiwe ka wadam maimak.”

Hawa Naga Bible 2001

⁴ Kvruex yimaq Yehowa rueq Gideon muex ngoc, “Kvjungx yaq miq kvmuinz paunghvlc doc. Tsuinghez kuex yuix kvyuq shvlx laq shuiuz, kvmaq mnoz tvkoc ngaz rueq phvlx kuq phaungx. Vruex waz kuex mnoz rulc kay naungc rax ngoz tueq ngaz rueq ngoz ruiux yuq piq kuex kaz lvp tuex. Vruex waz kuex mnoz rulc kaz lvp muq ngoz tueq ngaz rueq ngoz ruiux yuq piq kuex kaz lvp muq,” ngoz tueq jungx tueq.

PHOWEBI 7:4 Referencias Cruzadas

RAPHA HIQWA LAK 22:1

Kra jai maq ashaqpuq sijai na Shiikeawe raq Abraham ka maitaito. Apaiq raq Abraham ka heato, “Abraham!” Kiimaq Abraham raq treto, “O, ngi ka ajiilii!”

YOBA 23:10

Li jiimin Shiikeawe raq ikiimwiiq aweatek ka asap, apaiq raq ngi ka kappe maq shin haüla, chiisan maiqse dea nguta misap.

Tvtsvmc 33:16

Hokham weshi raq rekhat ka phenla pahea miika tang mak; phenla weshi raq rekhat ka apaiq ningkun miika tang mak.

Tvtsvmc 66:10

Ümniiraq naishiq ka maitai laü, Shiikeawe lei; kampho ngam ka wa na chaq raüta chentlaq ikha naishiq ka chen wan laü.

Tvtsvmc 7:9

Ümniika tingting Shiikeawe kiimaq naishiq tiima nai naishiq raq jamlai wa rotiikai kra shintlaü. Abi ati maiqse kong raq ashut kiimung tlaq kra tiitsaqlaq laüta maiqshaqti thun ma poksi kuq laq.

PHOWEBI 7:5

Krai mren, Gideon raq maiq thun ka, jürai na sheahoto. Kiimaq Tatiwe raq apaiq ma thaüto, “Jurwa kham ka kuku raq nyangtlaq ikha atili maq mehihi nyangtlaq, kriiti thun ka alakü maq nga raüta kham chum na bumtlii raüta nyangtlaq, kriiti phong wa pong na raibaiq laq.”

1 SAMUEL 14:6

Jonathan raq jerowe nangnga nguto, “Nanai ka thatsang maiqse Philistainnok phenlabi piitiip kiina saüli jin wan i. Jursap, Tatiwe raq nanai mokhrumke moraq miraq; apaiq raq khrum kuq raü ka, nanai laqlaqse, maiq atsapseli li jiimin, rekhat ka nanai ma mitiitangkuq, jamlai phan riimin tangta lot mak miraq.”

1 SAMUEL 16:7

Shatmaq Tatiwe raq apaiq ma nguto, “Apaiq ka ajong alu kiimaq atsomwiqwe nguta naq liikiq. Ngi raq apaiq ka ashthoq baiq kun she. Ngi riika maiqse raq shintlaq kiikha shin mang. Maiqse riika maiq ka asham ari na liitlo. Shatmaq ngi riika atsantsii na liitiikang.”