PHOWEBI 5:23 - ASII LAKDAP Bible (BSI)

²³ “Meroj chelati khuthaq na manson laq,” nguta Tatiwe rase raq ngutlo, “Sonlaq, manson laq! Meroj chela na siti ma. Tsangshiq ka Tatiwe khrumkai kimak riito, phenlabi ma jaraüta apaiq miitu, rekhat kai kimak dea riito.”

Hawa Naga Bible 2001

²³ Yehowa raungkamx waz rueq, “Meroza ghaq kuex mvnhttonx wuez shuinz, kvruex ghaq wuinz kvmac mvnhttonx wuez shuinz. Tsuingshiq rueq vpiq tvkoc ralx khvt muex nolaungx bix rulc vdvmz Yehowa muex romc kuq kaz wuez muq,” ngoz tueq jungx tueq.

PHOWEBI 5:23 Referencias Cruzadas

NEHEMIA 3:5

Kiimahali, Tekoa chela na siti nokmaiqse riika, Jadok raq haitaq kra jaqtho maq tiichap wan raüta, long khetuk kra tiihea haito. Shatmaq tiina, kra chela na siti tsangshiq welabi riika, tsangshiq rii jaqsham apheakuq kra, tsangshiq jaq miika shamki mai nguta jaqsham liiketi ashun asheatibi bom ka taimak akhü riito.

Tvtsvmc 94:16

Ajiq kiimungti rai riikhat na ngi rai pongdamti juwa? abi kloti rai riilong na ngi rai pongdamti juwa riita?

JEREMIA 48:10

(Juwe riiwa Tatiwe jaqsham ka tsantsii kuq raüta shammak kriiwe ma man sonlaq! Juwe riiwa maiq ka kholam kholiiq raüta sebaiq mak kriiwe ma man sonlaq!)

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Romans 15:18

Ngi raq bom ka kholam kholiiq chongkuq tiikang. Arka ngi lümaq, Khristo raq Pongnok phan maiqse ka, Shiikeawe puk na tiinyap wanto nguta chong kuq tiikang. Shiikeawe raq tsangshiq ka, trahokuq kang bomtsi kra tai raüta nai awang chang jaqsham tiichhi kuq wan raüta, apaiq puk na tiinyap wanto.

1 Corinthians 16:22

Jurwa Tatiwe lungwii mak, kriiti ma manson misi laq! Maranatha-Naishiq Tatiwe lei kira!

1 Corinthians 3:9

Naishiq arka Shiikeawe wak na minshiiqti kongshiti. Kiimaq namshiq ka Shiikeawe wak dam. Kiimaq namshiq ka Shiikeawe jam.

2 Corinthians 6:1

Naishiq ka Shiikeawe rai adam maq apaiq jaqsham tiikai krai mren, naishiq raq namshiq ka noho ikha trantsii wan tiikai. Namshiq raq Shiikeawe kaphap mangchan lap wan lan kra, atu na naq tiiwiihii rongkiq.

PHOWEBI 13:3

Tatiwe rase ka apaiq phana kito. Raüta akha nguto, “Ümniika ümsetiim min hum maü miili siwan laü. Shatmaq ümniika jaqlo miili she wiihan mirhaü. Laüta ümse maiqwese mihum haü.

PHOWEBI 2:1

Tatiwe rase ka Gilgal chela maq Bochim chela na wawanto. Raüta Israilnok ma nguto, “Ngi raq namshiq ka Ejip mung wa tsuq wan kang. Lata ngi raq namtitiim ma mung ashi mikuq kang nguta kiq khamkuq kang mung na shea wan kang. Ngi raq ngukang, ‘Ngi raq namshiq rai tongshong tri khakuq kang kra ümtiikii jiimin diibaiq mang she.

PHOWEBI 21:5

Raüta tsangshiq raq akha waito, “Riita Israilnok maiqphan ümchuwa sitlaq kiiwa, Tatiwe man na, Mijpa na ngongthun ngakai kiijaq lomwa dam makti maiq phan asi shea?” (Jamkhano ngukla, tsangshiq raq juwa Mijpa chela na achu jaü na lomdam mak, kriiti ka atsea baiq chang nguta sinkham tri shatthüto).

PHOWEBI 21:8

Ümtiikiiwa tsangshiq raq, Mijpa chela na Israilnok mungmaiqse ngongthuntaq kiijaq maiq phan nokshi ra lomki dammak dea asi shea nguta, bom konchon kiita, tsangshiq raq Gilead wangti wa Jabesh chelati ka lomki dammak dea nguta sapto.

PHOWEBI 4:6

Ranaiqshi apaiq raq Abinoam se Barak, Naphtali wang na Kedesh chela na sitiwe ka apaiq phana tiiheakito. Raüta apaiq raq Barak ma akha chongto, “Tatiwe, Israilnok Shiikeawe raq ümniima ara aming kuqto, ‘Naphtali phan nai Jebulun phan wa rewe hingroqshi sheaho laüta, Tabor Pum kiina walaq.

PHOWEBI 5:13

Kiijiishe tsapkapkap maq sitibi ka, tsangwelabi phana saükito, Tatiwe senginok ka apaiq phana, rekhat kai shairang kito.

PHOWEBI 6:11

Kra akhing na Tatiwe rase ka Ophra hiqshong na kito. Raüta Abiejar weraü wa, maiq weshi amang Joash ngutlaq kriiwe hiq na ok chongji na ngato. Ase Gideon ka Midiannok raq apaiq chhijiiq nguta, ahukse maq Bunwong khaolüm ka spiqtsitsai tiikit chang longtham na tiikit rea riito.

PHOWEBI 8:5

Ümtiikiiwa tsangshiq ka Sakkoth chela niishe saütaq, apaiq raq kra chelati ma akha nguto, “Mangchan lanta isengi sreabi ma winsii phanshi ra kuq ronglaq. Tsangshiq anü makaiq she. Kiimaq ngi ara Midiannok hokhamwenai Jeba nai Jalmunna joho kitiikang.”

PHOWEBI 8:6

Shatmaq Sakkoth chelati welabi raq, “Naishiq raq ümsengi phenlabi ma jamlai nguto phaqsea ka mikuq hai? Ümniiraq ümchaü niitaq Jeba nai Jalmunna ka lap laüta kharü maq mikha haüshaq dea kata?”

PHOWEBI 8:8

Kiimahali Gideon nai asengi thun ka Penuel chela niishe wawanto. Raüta Penuel chelati jaq wiimin kiikhiisii tiipaiqneato. Shatmaq Penuel chelati riimin Sakkoth chelati bom kiikhiisii hali bombi khoti kuqnongto.

1 SAMUEL 17:47

Krai mren, arjaq siti maiqse wiita raq, Tatiwe ma asenginok tiichhiike miitu, nepja thun riimakla, piq thun ka rarai mak. Apaiq ka rekhat tang wan ruqtiwe, krai mren, apaiq raq namshiq kunli ka naishiq jaqkhon mong na mikiinong kuq baiq.”

1 SAMUEL 18:17

Kra jai niishe Saul raq Dawit ma nguto, “Ise nyikhu nyung Merab ka asi. Ümniiraq ibom tai laüta, iwokhong maq srea nolawe ma jalaüta Tatiwe chiq are thun ka khatkuq haüla, ngi raq apaiq ka ümniima mitiiwaha.” (Saul raq tiima ka akha raüta Dawit ka Philistainnok jaq na mitsai laq. Apaiq jaq maq miiqkai ngomin raamak miraq nguta tiimato.)

1 SAMUEL 25:28

Shiilangwe lei, ngi raq shutphit kang la jiila, i mra ka adii riikuq laq. Tatiwe raq ümniika hokham ma mishong wan, kiimaq ümsaü ümsetiim kiimin hokhambi ma mishong wan. Jamkhano ngukla, ümniika Tatiwe miitu rekhat tlaü. Kiimaq ümniiriika ajiq aphiq jaqsham ka klomaü.

1 SAMUEL 26:19

Chaü lei, ngi raq jamlai bom wa chongtiikang ara samhea tiitsang tailaq. Riita, ümchaü ümniiraq ngi jorat tlaü arka Tatiwe apaiq riidea, ümtsan ümtsii kra tiipherak baiq wan raüta jotlaü jiika, apaiq ma honglu kuq raüjaq, apaiq tsantsii kra ashi mirwan. Shatmaq, maiqse riila klo liitlaq jiila, Tatiwe manson kiqsü homa kra tsangshiq dü niishe minilaq. Jamkhano ngukla, tsangshiq raq ngi ka Tatiwe raq akuq hiqshong mong kriiwa ngi ka pongmung na, sumla phra thun kra shomnoq wantibi mung niishe jobaiq wanto.