PHOWEBI 4:2 - ASII LAKDAP Bible (BSI)

² Kriikha na Tatiwe raq Israilnok ka Kanannok hokhamwe Hajor chela pengti Jabin ma tiikhat raüta tiitangto. Apaiq phentiip pengti phentuwe mang ka Sisera. Apaiq ka pongnok phan hiqshong Harosheth chela na siti riito.

Hawa Naga Bible 2001

² Kvkhoc rvtueq Yehowa rueq Hazor ghaqyungx nuex httax yaq Kanaan hokhvmx waz Jabin muex tsuingshiq kuex tvkhvt tvtaungx gay tueq. Piq nolaungx phungc wawc miqlaungx kuex pungnuk phvnx httaz juing Haroshet ghaq jix Sisera rvtueq.

PHOWEBI 4:2 Referencias Cruzadas

Tvtsvmc 83:9

Midiannok jamkho riilaü kiikha tsangshiq kiimin khat laq, kiimaq Sisera nai Jabin Kishon rai maq ikha riilaq.

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

Matthew 18:25

Kra ajong we jaq na hokham we ma thiitham kechang kampho ka ahü riito. Kriikha maq, hokham we raq, khahoti we ka thiitham kha na, achak ase wiijam tam, awak ajam wiita hutjok di ma shabaiq ra tlo ngutiishe aming kuqto.

JOSHUA 11:1

Riita Israilnok raq maiqmung thun khat raüta tang wanto nguta tsütsa ka Hajor chela hokhamwe Jabin raq taito. Raüta apaiq raq tsütsa ka, Madon chela Hokhamwe Jobab ma, kiimaq Shimron chela hokhamwe, kiimaq Achshaph chela hokhamwe,

JOSHUA 19:36

Adama, Rama, Hajor,

PHOWEBI 10:7

Kra ningkhan Tatiwe ka Israilnok ma atsankhiq riito. Kra kha niishe tsangshiq ka Philistainnok nai Ammonnok ma tlong raüta tiitangto.

PHOWEBI 4:13

Krai mren, apaiq riimin asengi jin kumrang leng shitiikaü kra riichom heato, kiimaq asengi tlotli kra riichomto, raüta pongnok phan hiqshong Harosheth chela maq Kishon Rai khü kiina tiiwato.

PHOWEBI 4:16

Barak raq kumrang leng thun nai phenlabi thun ka pongnok phan hiqshong Harosheth chela kiina saüli jowanto. Raüta Sisera sengi phenlabi thun ka wiita tiithumpak jiipbaiqto. Maiq ka weshi dongdii min tiichong mak jiipbaiqto.

1 SAMUEL 12:9

Shatmaq Israilnok raq Tatiwe tsangshiq Shiikeawe ka alaq riibaiqto. Kriikha niishe apaiq raq tsangshiq ka Philistainnok nai Mob mung hokhamwe kiimaq Sisera Hajor chela na siti phentuwe ma namtitiim ka tiikhatto raüta re ma tiitangto.