PHOWEBI 21:1 - ASII LAKDAP Bible (BSI)

¹ Ümtiikiiwa Israilnok ka Mijpa chela na ngongthun ngataq, kiitiikaq tsangshiq raq Tatiwe man na, sinkiitiq kiqkham ashi akha shatthüto: “Nashiq liipan wa juwe riimin nase jechakse ka Benjamin phan ma tiiwa maimak.”

Hawa Naga Bible 2001

¹ Israel miqsaz kuex Mizpa ghaq nuex rvtuimx tueq nuex Yehowa muex bomkhvmc kvtuemc taq tueq: “Naungshiq saz yalxjuik vshiz doc muinz Benjamin miqsaz muex tvwaung shix rvmuq.”

PHOWEBI 21:1 Referencias Cruzadas

THARC TVLUINGC 5:2

Kiijaq mobom naqbomkiq. Abomho ma samhea tiimalaq. Shiikeawe man na tiimarahü maq kiq naqkhamkiq. Apaiq ka ramungtan na. Ümniika mangjong hiq na. Arningkhan bom achan naqbomkiq.

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

JEREMIA 40:6

Ngi ka Gedalia rai Mijpa chela na sikai dam kihokang. Lata nokmaiqse armung na aso atiichong thüti kriiti rai sidam kang.

Mark 6:23

Alachong wa paqpaq raüta, ase ma akha nguta kiqkham kuqto, “Atiitum lata ngutiikang, ümniiraq jamlai phan wa ro tlaü jaülaq. Ngi raq mung ka kholiiq jiimin mitiikho kuqkang!” nguta jaqdo jido ase ma chongto.

Acts 23:12

Kiimaq napjai ranaiq niishe ka, Jehudinok phong wa maiq wiijamti ka adam na hali ngato. Raüta tsangshiq raq Paul ka tsea baiq ma nguta bom ka kiqshi maq rito. Tsangshiq raq Paul ka tsatbaiq wan mak shaq wiiwii, ralang khamsang kokshi dongdii min nü na thü mai nguta tiitum tiita raüta kiqkhamto.

Romans 10:2

Ngi raq asapha, tsangshiq raq Shiikeawe ka tsantsii wiita kiinong kuq raüta dea shomnoq wantlo. Shatmaq, tsangshiq raq Shiikeawe shomnoq tlaq, kriika riikhaqli lam phan riimak.

PHOWEBI 20:1

Mung tiihea raüpot kra lap raüta, Israil mungti tlotli sheqkhu nü na Dan chela maq phaho raüta shemai nü na Beersheba chela na saüli, kiimaq shedong nü miika Gilead wang na saüli, mungmaiqse raq bom ka treto. Raüta tsangshiq tarü kiqshi maq Tatiwe man na Mijpa chela na ngongthunto.

PHOWEBI 20:10

Israil mung wa maiq ka manroqshi wa manshi rii raq, rekhat kaiti sreabi ma lamsea michom kuq laq. Kiimaq kiiwa chantlaq maiq thun ka Gibea chela na kiraüta ara abi ashut pinthum ngarai Israil mung na tangtaq arkha na Gibea chelati ka khatkai chang.”

PHOWEBI 20:48

Kiimaq Israilnok ka kiiwa jai na jang wan nong raüta hali Benjaminnok abung ümchuwa tiichongtlaq kra wiita thumthum maiqwere, jechakre, kiimaq nosere, kiimaq jam nyamse min wiita jiipbaiqto. Tsangshiq kra binjü wa chela thun wiita wa maq chaqto.

PHOWEBI 20:8

Kra tai raüta, mungmaiqse tarü adam na tiido rang raüta nguto, “Nashiq phong wa ju jiimin, tombutiip na siti riikai lo, jam hai laita siti riikai lo, maiqmii jam na jang wan maimak.

PHOWEBI 21:18

Shatmaq nashiq riika tsangshiq ma nasetiim jechaksere ka tiiwa kuqlot mai she. Jamkhano ngukla, nashiq liipan wa jurwa ase jechakse ka Benjamin phan ma tiiwajiiq, kriiwe miika, manson minilaq nguta sinkham baiqkai she.”

PHOWEBI 21:22

Kiimaq tsangshiq ma awetiim riimakla aphu anotiim ka namshiq phana kiraüta longliiqho raüla, namshiq raq akha ngurong laq, “Namshiq man na tiipaiqnea laita bomtiikai, tsangshiq ka naishiq miituli thüphai, jamningkhanno ngukla, namshiq rai reriikhat laita, naishiq raq naichaktiim ma nguta ashea hohai ri riimak. Kiimaq tsangshiq ka namshiq raq naishiq ma akuq han ri riimak, kra ningkhan namshiq raq sinkham tri ka jin mangdea, namshiq ka sepii.’”

PHOWEBI 21:5

Raüta tsangshiq raq akha waito, “Riita Israilnok maiqphan ümchuwa sitlaq kiiwa, Tatiwe man na, Mijpa na ngongthun ngakai kiijaq lomwa dam makti maiq phan asi shea?” (Jamkhano ngukla, tsangshiq raq juwa Mijpa chela na achu jaü na lomdam mak, kriiti ka atsea baiq chang nguta sinkham tri shatthüto).

PHOWEBI 21:7

Riita Benjamin phan wa maiq abung tiichongtlaq kra miitu chak ka jamba wiishe wa milam kuq rong i? Nashiq raq Tatiwe man na, tsangshiq ma nasetiim jechaksere ka tiiwamai nguta sinkham wankai she kata.”

1 SAMUEL 14:24

Kra ranaiq Israilnok ka ramtsi raq ahaü kha maq, ningkun ajom she, jamkhano ngukla Saul raq atiitum raüta, akha aming akha kuqto, “Ümchaü ranaiq ngi raq phuklam ijaqtinok kra mikhat lot ha shaq na, jurwa phanshira phaq asea nü na thiitlaq, kriiti ma manson misi.” Kriikha maq kra ranaiq minru jur riimin jamlai phan min phaqsiq mak riito.