PHOWEBI 2:4 - ASII LAKDAP Bible (BSI)

⁴ Rase raq ara ngukiita, Israilnok ka aho asii trang wali she hoq trang wanto.

Hawa Naga Bible 2001

⁴ Raungkamx waz rueq kvkhoc jungx tueq nuex Israel miqsaz htenc kuex guyc sez khoar wuez vtueq,

PHOWEBI 2:4 Referencias Cruzadas

EJRA 10:1

Ejra ka akha makphai khüshang, aho anyi lam maq Shomjam rinkea na bum raüta ara chongtiikai ngarai thun tiidii wan achu jaürea riito. Kra bala niili, Israilnok mungmaiqse ka maiqwere, jechakre, kiimaq nosere phong apaiq tro na riitam wanto. Raüta tsangshiq tarü pinthum aho anyi watrang liishe hoqsii wanto.

TAKSU LAK 17:10

Maiqshaqti miika tsii jangshi chongkuq raüli phanrap misap. Shatmaq angiti miika jang shishi sintsang maq tsat raü min atsii chhimak.

JEREMIA 31:9

Isenginok ka aho anyi mijang wan, Ngi raq tsangshiq tsuq wan tiikang krai mren, tsangshiq ka achujaü lam maq milaü wan. Ngi raq tsangshiq ka khamserai setiim kiina mishea wanha, tsangshiq kiilii mak chang lam nyeadang dang lam maq mishea wanha. Ngi ka Israilnok ma awe jong ikha, kiimaq Ephraim ka ise chhikhu we.”

Yoel 2:12

Shatmaq Tatiwe raq ngutlo, Ümchaü li jiimin namshiq raq riikhaqli maq, amang maq makphai trok lanta aho ajü achu jaü rong laq, lanta ngarai tiidii lanta, ngi phana jang wan rongra,

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

Luke 6:21

“Namshiq juwa ümchaü ramtsi kriiti ma chochi; namshiq phetak she mirhan! “Namshiq juwa ümchaü aho riitlan; namshiq ka anai anai she mirhan!”

Luke 7:38

Apaiq ka Jesuq jai na chapto. Raüta, amakphai ka rajun wa ikha hoqsiqto. Amakphai sa raq, Jesuq hokphi ka jobai she riito. Apaiq raq, Jesuq hokphi kra akhudap maq tiiwe tatkuqto. Raüta, anü maq shupto. Kiimaq homseng tai maq, Jesuq hokphi ka jut kuqto.

2 Corinthians 7:10

Ara jamkhano chongtiikang ngukla, namshiq tsanbi ka, Shiikeawe raq namshiq tsantsii klai wan lam nü niishe wiiqkuqto. Kra klai tsantsii lümiishe, namshiq raq tiichhii wan rilung ka lap wan lan. Riita kra jiika jam tiishudaq wan chang min ahü! Shatmaq, han-ngam tsantsii lamlam maq tsanbi tlaq kra riika, namshiq atiitsai mirwan.

James 4:9

Ngarai kaq dea sitiikai nguta maaho maanyi, makphai khüshang riilanta mra tiidii rong laq. Anai trang ka aho trang miishe tiija rong laq. Hühü haha sitlan kriika, mun tiijuk-ram she riirong laq! Shiikeawe man na, munjuk mijuk maq mrong roq rong laq. Haü la Shiikeawe raq namshiq ka aki miikiim setiim miishe mitiija.

PHOWEBI 2:3

Arkha na ngi raq ümchaü namshiq ma chongtiikang, namshiq ka tsangshiq khat wan tlan kra phan phan, ngi tsangshiq ka jobaiq mang she. Tsangshiqnok ka namshiq ma wesang miraq. Kiimaq namshiq ka tsangshiqnok sumla phra thun shomnoq tlaq thiikho bok niishe midea han.”

PHOWEBI 2:5

Kriikha na tiina, kra chela mang ka Bochim nguta ngutlo. Kiijaq tsangshiq raq Tatiwe honglu thun takuqto.

1 SAMUEL 11:4

Kra tsasoqti thun ka Saul sitlaq Gibea chela na saüwato. Kiimaq tsasoqtibi raq kra tsütsa ka nokmaiqse ma tiitai kiita, mungmaiqse ka tsaihü jihü she aho asii trang wa liishe kiinyii wanto.

1 SAMUEL 7:6

Krai mren, tsangshiq tarü Mijpa chela na thungto. Tsangshiq raq kham wiijam do raüta Tatiwe ma honglu na nyukto. Raüta kra ranaiq ka ranaiq minru amang maq achu jaüto. Tsangshiq raq nguto, “Nashiq raq Tatiwe man na ngarai tangkai.” (Samuel raq Israilnok liipan wa kha ka Mijpa chela maq phokuqtlo.)