PHOWEBI 19:3 - ASII LAKDAP Bible (BSI)

³ Kiijiishe kriiwe ka kriinyung jai ka joho raüta apaiq ka tlin raüta tiijang sheakai nguta thapthito. Krai mren, apaiq rai akhiiq witise kra kiimaq kumtoq kaünai heho raüta kihoto. Kiimaq jechakse raq Lewiwe ka jam mong na shea wanto. Kiimaq awe raq apaiq ka chhi raüta, apaiq raq Lewiwe ka aheawiq maq taoto.

Hawa Naga Bible 2001

³ Kvkaq kvruex waz rueq piq yuimx nuex yek waungc tvkoc tvlenc lauk muex ngoz tueq, piq yix nuex waungc naungc tvkoc htvp htaz tueq. Piq rulc vdvmz piq nvrc waz vshiz tauk loze vnueyc shvlx vtueq kvtenc kaz wvnc tueq. Yalxjuik nyuiuz rueq muinz Lewi miqwaz kuex yuimx nuex nyuip waungc tvkoc gvl koq tueq, vwaz rueq piq kuex khiz vtueq vkoz vkez maq malc wvnc tueq.

PHOWEBI 19:3 Referencias Cruzadas

RAPHA HIQWA LAK 34:3

Shatmaq apaiq raq kra jechakse ka shamheawiq chhi raüta apaiq raq no ka lungwiito. Kiimaq jechakse raq apaiq lungwii raüjaq nguta Dina ka tiijom nato.

RAPHA HIQWA LAK 50:21

Namshiq ka ahai song chang jam min ahü. Ngi raq namshiq nai namsetiim ka miliikuq kang.” Akha apaiq raq tsangshiq ma bom aninse maq tsan tiisang bom chongkuqto. Kra bomtaq kriiraq tsangshiq tsantsii ka sanglili she riito.

JEREMIA 3:1

Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!

Hosea 2:14

Arkha na ngi raq apaiq ka, rumnyangkhi kumtsaiphii na hali misheaho nongha. Lata kiijaq ngi raq apaiq ma, tlung tiiwii bomtsi chongkuq lata, ngi rai siwan nong miitu mitlin wanha.

Hosea 2:16

Kra akhing na ümniiraq ngi ka, “Iwese loi” ngutiishe mihea haü. Kra akhing na ümniiraq ngi ka, “Itawe Baal Phra,” ngutiika hea maü she miraq, nguta Tatiwe raq nguto.

LEWI 19:17

“Maiq ka jumin naqshuliikiq. Shatmaq namnai liipan na jamlai no riikhiilea tlan kriika riichong lanta ari aram ronglaq. Kra rii haü jiitiq ümniiraq apaiq ningkhan na ngarai tang maü mirhaü.

LEWI 20:10

Kiimaq maiq ashi ra raq anok abin Israilnokwe chak rai shraki raüla, tsangnai wiita kriiwe nai jechak nyung ka tiitsailaq tsea baiq raa.

WEAWEA 22:22

Shiikeawe ka Balaam kaihokha na akhiq riito. Kriikha na Balaam ka kumtoq kaü raikhü na nga raüta ajaqshi se wenai krai adam na lam na akai rai riito. Kiijiishe Tatiwe rase ka apaiq kai chang lam kra shangkai lam na chapkito.

Matthew 1:19

Joseph ka phanrap na mitting maiqse. Kiimaq apaiq raq Meriq ma nokwe man na jea tiingaü ka romak. Kriikha maq apaiq raq Meriq ka ahukse miili miimbaiq la nguta tiimato.

John 8:11

Kiijiishe, “Shiilang we lei! Jurmin ngi ka tiishut baiq mak dea,” nguta jechak nyung raq Jesuq bom ka treto. Kiijiishe, “Ahea, ikhla. Ngi riimin ümniika tiishut mang. Walaq, ümjam na. Laüta, ümchaü armiiphat sanha, ümniiraq ngarai ka naq klo kiq she,” nguta Jesuq raq kra nyung ma tsii ka chongkuq raütiishe apaiq ka tiiwa baiqto.

Galatians 6:1

Lungwii phunainotiim lei, kongti raq ajiq sham akai klo rea chhihan jiila, namtsam phong wa, juwa kamasham na maiqla sitlan, kriiti raq, namkongti we ka, lamhea nü na trap ru lanta shunshea rong laq. Shatmiitiina, namshiq raq kra trap ruke akhing na, kiqninse maq chong kuq rong laq. Kiimaq, namshiq raq namkhum kiimin la, tiikheshat maq si rong laq. Kongti khrumke wan angu, maiqmii kiimin shon wan dam jiiq, nguta ngo nangnga chongkuq tiikang.

PHOWEBI 15:1

Kra jai maq bunwong hanchoji na Samson ka tsangnyung pha na kai chhechhise ashi lamho raüta kito. Apaiq raq ahuchhiwe ma chongto, “Ngi ka ijamti-nyung khok na wato.” Shatmaq apaiq raq Samson ka tap mong na tiiwa mak riito.

PHOWEBI 19:2

Shatmaq kriinyung ka apaiq ma atsankhiq riito kriikha na awe jam na Bethlehem na janghoto. Raüta apaiq ka kiijaq jipi lüblai sito.

PHOWEBI 19:26

Ranap rawü tsuprup tsupriiq niishe kriinyung ka awese japchang jam, tikiiwe jam kilamchong tho kiijaq tiidungtsok she bum wato. Rawü khang wantaq akhing na saüli kriinyung ka kiijaq bumshat li riito.

PHOWEBI 19:4

Awe raq apaiq ka haithülaq nguta tiiwin rea kha maq, apaiq ka kiijaq ranaiqtsam haito. Krai mren tsangnai sinyungwe kiimin tü adung phaqsiq raüta rawa thun ka kiijaq japto.