PHOWEBI 19:1 - ASII LAKDAP Bible (BSI)

¹ Kriipat na, Israilnok rümti hokham mishong shaq na, ku akin tonglong Ephraim wang na shoknok na aluwiq na siti Lewi phan wa maiq weshi asi riito. Apaiq raq Juda mung wa Bethlehem chela na siti junriise nyungshi ka nyungthap ma lamto.

Hawa Naga Bible 2001

¹ Israel miqsaz nuex hokhvmx vguez shauk pat nuex Ephraim kuz hong maq vluz waq nuex Lewi miq washiz httax tueq. Piq rueq Yuda mungx Betlehem ghaq jix yalxjuik nyuiuz shiz kuex piq juik nyuiuz ruinx muex tvyaungc tueq.

PHOWEBI 19:1 Referencias Cruzadas

RAPHA HIQWA LAK 22:24

Reuma ka Nahor ma chakliip nyung. Apaiq raq Nahor ma asetiim ka Teba, Gaham, Tahash, kiimaq Maaka humkuqto.

RAPHA HIQWA LAK 25:6

Shatmaq apaiq atra siji na, tsang-nyungtiim ahinti setiim miika kongphiq pheakuqto. Raüta ara asetiim thun ka Shedong mung na, ase Isak phawa luhea na tiiki baiqto.

RAPHA HIQWA LAK 35:19

Riita Rechel ka tsaiki kiita, apaiq maa ka Ephrath hiq na walam lamkii na lapto. Arka ümchaü Bethlehem ngutiishe ngutlo.

2 SAMUEL 16:22

Krai mren, tsangshiq raq Absalom ma hokham jam wukhu thung na, tombutiip ashi haikuqto. Kiimaq maiqse wiitarü makki na, Absalom ka awe tanyung chakliip nyungtiim rai kondamto.

2 SAMUEL 19:5

Kriikha niishe Joab ka hokhamwe jam kiina wato. Raüta apaiq ma nguto, “Ümchaü ranaiq ümniiraq ümsenginok, ümmiisaq tiiwongketi, ümsetiim maiqwesere nai jechaksere kong, kiimaq ümchaktiim nai ümchak chakliip nyungtiim thun rilung tiichhiiketibi srea nolabi thun ka ümniiraq shummii laü.

2 SAMUEL 20:3

Riita Dawit ka Jerusalem na apaiq hokhamwe jam niishe saüto. Raüta apaiq raq hokham jam tiikhethütaq achak chakliip nyungtiim nyungroqshi thun kra jam ashi niishe thüto. Raüta kintsongti ma tiikheshat miishe tiisito. Apaiq raq tsangshiq miitu phanrap rongraa tlaq thun kra wiita kuqto. Shatmaq apaiq ka tsangshiq rai sinyung siwe ikha adam na hainga mak she riito. Tsangshiq ka rilung pattup manti-nyungre ikhli she jam mong niili she tiisito.

2 SAMUEL 3:7

Ranaiqshi Saul se Ishbosheth raq Abnar ka awe Saul tanyung chakliip Rijpa rai adam na hainga laü nguta sumrai kha nyanto. Rijpa ka Aia se.

2 SAMUEL 5:13

Hebron maq Jerusalem na laüwan jaishe, Dawit raq chakliip nyungtiim nai achak nyungtiim ka apawiq she lamto. Raüta asetiim maiqwe sere kiimaq jechaksere ka apawiq she humto.

1 HOKHVMX 11:3

Solomon raq hokham nyungsere nyung shimiishi lamto. Kiimaq chakliip ka nyung shitsam lamto. Tsangshiq raq apaiq ka Shiikeawe wokhong wa ahin nü na sheahoto.

1 HOKHVMX 4:8

Riita kra honghuptibi mang nai maiqhiq hong thun tsangshiq ma arang akuq thun ka arthun ara riito: Benhur: Apaiq ka ku akin tonglong Ephraim hong huptiwe riito.

2 KAÜWA WERAÜ 11:21

Tlot li, Rehoboam chak ka nyungroq shi ri nyung tiichat lamto. Kiimaq chakliip ka nyungroq trok lamto. Kiimaq asetiim kunli ka maiqwe setiim roqnai ri tiichat kiimaq jechak setiim ka nyung roqtrok riito. Achak re tlotli chakliip nyungre miitaq apaiq raq lungwii hea nyung ka Maaka kli lungwiito.

ESTHAR 2:14

Riita kra junrii nyung ka raji na hokhamwe rai sham riichhiwa miwa. Raüta anap ranap niishe ka apaiq ka jechakre sichang pongkhok niishe misheaho nong. Raüta kiijaq jechakre pengti Shaashgaj phana thütlo. Apaiq ka hokhamwe tanyungre thun kra pengti alai alamwe wokhong niishe thiiho tlo. Apaiq ka hokhamwe raq lungwii raüta amang chong raüta heamak raüka, thongshi hokhamwe khok na nyap wa nong ka maimak she.

DANIEL 5:3

Krai mren, tlothitli, chaq kok thun kiimaq nüchhong winpin thun kra lamkuq wato. Raüta tsangshiq tarü raq che ka kiijaq tsüm raüta nyangto.

MALAKI 2:15

Shiikeawe raq ümniika ümjamti-nyung rai han-ngam na kiimaq wenyi na pum ashi han ashi klokuq wanto riimak shea? Apaiq raq namnai tiishong nga wantaq arka jamlai miitu wa? Arka namsetiim ka riikhaqli Shiikeawe saüsetiim ma mija wan laq nguta atiishong wan. Arningkhan, namshiq liipan wa ju riimin, achak ma jaqkhaq raü atiipakuq kra, diibaiq maimak.

Matthew 2:6

‘Judia wang wa Bethlehem chela lei, ümniika Judia wang na chela phong na akhek ashi; ümchela wa munglangti wela ashi michii, Apaiq raq i sengi Israil mung ka mirüm wan.’ ”

JOSHUA 24:30

Tsangshiq raq amaa ka ku akin tonglong Ephraim wang na, Gash Pum maq shekhu nü na, apaiq hiqshong Timnath Sera chela kiijaq lapto.

JOSHUA 24:33

Aron se Eleajar ka tsaito. Kiimaq amaa ka ku akin tonglong Ephraim wang na Gibea chela kiijaq lapto. Gibea chela ka Eleajar se Phinehas ma achumkuq tachong hiqshong.

PHOWEBI 12:8

Jephtha tsai jai, Bethlehem chelati Ibjan raq Israil mung ka langto.

PHOWEBI 17:1

Man na maiq weshi, apaiq mang Mika, apaiq ka ku akin tonglong Ephraim wang na sito.

PHOWEBI 17:6

Kra akhing na Israil mung na hokham ka ahü riito. Kriikha na mungmaiqse loweatek raq, maiqmii raq aroro kra klo raüta sito.

PHOWEBI 17:7

Kra akhing na Lewi phan wa jero weshi ka Juda mung na Bethlehem chela na sito.

PHOWEBI 17:8

Apaiq ka Bethlehem ka baiqthü raüta, maiqhiq ahin na sikai kihoto. Apaiq ka wanhiq kai lam maq, ku akin tonglong Ephraim wang na siti Mika jam na saükito.

PHOWEBI 18:1

Kra akhing na Israil mung na hokham ahü riito. Kra akhing na Dan phan raq tsangshiq sichang hiqshong rahai hiq rit binhot jühot khumtlo. Jamkhano ngukla, Israilnok maiq phan sitlaq phong na, tsangshiq rii hiqshong tei wan chang hiq ka milap shaqli riito.

PHOWEBI 18:13

Tsangshiq ka kiimaq wawan raüta ku akin tonglong Ephraim wang na Mika jam na saüto.

PHOWEBI 19:16

Riita tsangshiq ka kiijaq ngarai tlaq shon na, maiq tikiiwe ashi ka wak maq awa raji ramwacho na kiijaq saü wato. Apaiq ka man na ku akin tonglong Ephraim wang na siti riito. Shatmaq ümchaü ka Gibea chela na sitlo. (Riita kiijaq maiq ahinti thun ka Benjamin phan wa siisaq riito).

PHOWEBI 19:2

Shatmaq kriinyung ka apaiq ma atsankhiq riito kriikha na awe jam na Bethlehem na janghoto. Raüta apaiq ka kiijaq jipi lüblai sito.

PHOWEBI 21:25

Kra akhing na Israil mung na hokham ka ahü. Kriikha na loweatek raq, maiqmii tsanroro klo raütli sito.

PHOWEBI 3:27

Raüta apaiq ka ku akin tonglong hiq Ephraim wang kiiniishe saüto. Raüta apaiq raq reshun Israilnok hea lerong tsüto. Raüta apaiq raq tsangshiq ka kin thun kiimaq lamhong nü kiiniishe sheahoto.